Mak 15:34 - Paama Bible

³⁴ Ka navong haoa etel enek evus, Iesu viso keih en selusien kati onen ten Arameak vit, “!Ilae! !Ilae! ?Lama sabaktani?” (Sam 22:1) Aneite ten selusien enek vi, ‘!Ahi onak! !Ahi onak! ?Vensa kolokoveinau?’

Tus Votut en selusien ten out Voum

³⁴ Ka navong haoa etel enek evus, Iesu viso keih en selusien kati onen ten Arameak vit, “!Ilae! !Ilae! ?Lama sabaktani?” Sam 22:1 Aneite ten selusien enek vi, ‘!Ahi onak! !Ahi onak! ?Vensa kolokoveinau?’

Mak 15:34 Iomraidhean Croise

Sam keil 27:9

Konato suaitei ranau. Konavuroh kattei inau, konalei seseintei inau, meatin toumien onom. Ahi koa komutut inau, mulamu, kokataunau; konalokoveintei nau li nanato sasok.

Sam keil 42:9

Ahi koa ring koe nau, nihisi nihit, “?Vensa em vobongenau? ?Vensa namual ral min mahien ven tounah tatisa keil koa meatin tisa keil amumoni minau?”

Sam keil 71:11

Aviteni avit, “Ahi lokoveini ka tovuol vakatauni, sakini rovakatau usili ka rovahuli kati.”

Matiu 27:45

En taviai varei, mankoli mai mutaluh koe out vasi haoa etel (3).

Matiu 27:46

Ka navong haoa etel enek evus, Iesu visohiso keih en selusien kati onen koa vi Arameak vit, “!Ilae! !Ilae! ?Lama sabaktani?” (Sam 22:1) Aneite ten selusien enek vi, ‘!Ahi onak! !Ahi onak! ?!Vensa kosokoveinau!?’

Mak 15:25

Navong amuti kati, meteiai ma neli tuai nesa.

Mak 15:35

Navong tei en koakeil amul en out enek araengoni, keil avit, “?Milonge? Kei mul vise provet Ilae-tsa.”

Luk 23:44

Mal en taviai, out viles mai vopoli ka mul mukonek rokol tri klok en mendilah,

Luk 23:46

Ka en avong enek, Iesu viso va ven Ahi vit, “Tata, naling moulien onak en hem.” Navong viten koanik, Iesu leh kor en eang, ka mat.

Umen 10:3

En avong tai, en tri klok mendilah, Konilias mul vis en teim sen ka les leisanien tai. En leisanien enek, les angelo tai onen Ahi emai vesesal veni ka vise vit, “!Konilias!”

Hibru 5:7

En moulien onen en out netan, Iesu vis min Ahi ka peahi ven kataunien ral min si meten. Anatin, makul keih va min Ahi koa kilea voutut kei ran matien. Ka Iesu vouhou min Ahi, ling rendemien onen mul netan, ka ling moulien onen en hen. Sakini, Ahi raengon hisien keil onen.