Mak 15:32 - Paama Bible

³² !Munak vi anatin keke kei vi Mesaea, asuv houlu onen Siu keil, tahos keke hemita netan ran aiveave keitinek! Hesakini, ir rehelesi ka rehekur anatin eni.” Ka tarhena keilu mun lumul luselus kareni.

Tus Votut en selusien ten out Voum

³² !Munak vi anatin keke kei vi Mesaea, asuv houlu onen Siu keil, tahos keke hemita netan ran aiveave keitinek! Hesakini, ir rehelesi ka rehekur anatin eni.” Ka tarhena keilu mun lumul luselus kareni.

Mak 15:32 Iomraidhean Croise

Sakaraea 9:9

Iahova selus ka en provet Sakaraea vit, “!Mihesi kami! !Meatin keil koa mimul en Hou Saeon, mihesi kami hemariso! Anatin, koakeil aro en taon ten out Serusalem, mihemakul en sien. !Milesi! Asuv houlu onami mai valosil kat kami. Keihoen mul en hen ka vae mulin vativieh keil onen tuai. Ka kur rendemien ten merauen ka muloh en dongki tai. Anatin, rondan en titan dongki tai ka mul mai.

Matiu 1:17

Sakini, navong avuli vati avu keil koa amul en vatiamal onen Iesu, Ebraham rokol asuv houlu Deved, avotini keke avi teindan ehat (14). Ka en avong onen Deved rokol avong me-Isrel keil amea ran out Babilon, avotini keke vati avu keil avi teindan ehat (14). Ka en avong me-Isrel keil amea ran out Babilon rokol avong Mesaea avasi, vati avu keil enek emun avi teindan ehat (14).

Matiu 27:42

Keil amumon tohtohien mini avit, “!Alles visi! Kei kilea vakataun meatin sav keil, ka sakras vakataun kei sasen. !Munak anatin keke kei vi asuv houlu onen me-Isrel keil, hemita netan ran aiveave koanik kosa. Hemukonek, ir rehekur anatin esuk eni.

Matiu 27:44

Ka en vati sakien enek, tarhena keilu koa amuti kat keilu en usiven keilu, keilu emun luselus kareni.

Mak 15:26

Ka en aiveave onen, aling tisien tai nesa koa viteni vensa amuti kati vit, “Koanik vi Asuv Houlu onen Siu Keil.”

Mak 15:27

Ka meatin keil tavaeen amuti kat tarhena elu emun en aiveave, tai en usiven matu ka tamun en usiven meil onen Iesu.

Sion 1:49

Nataniel mutimanin ka viteni mini vit, “!Tiser, keik kovi Natin Ahi anatin! !Keik kovi asuv houlu ten out Isrel koa memul merosini!”

Sion 12:13

Sakini, amusah oumeil keil ka uva avahisu mini. Ka navong uva, avisohiso vina nesa avit, “!Masmasien min Ahi! ‘!Tokolkatien hel en kei koa mai en isen Iahova!’ (Sam 118:26) !Tokolkatien hel en asuv houlu ten out Isrel!”

Rom 3:3

Ka anatin keke tei en ir Siu keil armusil revitei. Ka avaseini keke armusiltei selusien onen, Ahi houmon tounah vasi koa viteni. ?Mukave, anatin keke akilea avoumon tounah koa Ahi viteni vamai vahi heisav enges?

2 Timoti 2:18

Keilu luleras sise ten anatinien veni lumul lupurun demkatien onen meatin sav keil navong luvisein keil luvit avong ten meatin keil onen vahina en out nesa kur out tuai.