Mak 15:14 - Paama Bible

¹⁴ Ka Paelet vis keil vit, “?Kei mumon sa koa tisa?” Ka keil aviso keih eris avit, “!Ti kati en aiveave!”

Tus Votut en selusien ten out Voum

¹⁴ Ka Paelet vis keil vit, “?Kei mumon sa koa tisa?” Ka keil aviso keih eris avit, “!Ti kati en aiveave!”

Mak 15:14 Iomraidhean Croise

Aesea 53:3

Meatin keil amundem maeni ka aseseini. Kei vi meatin koa kilea revi sakvisien keil ka mahien keil emun. Kei vi meatin koa meatin sav keil amundem heisav eni ka e rovattei availea kei.

Aesea 53:9

Avaseini e vati avatahin teiai onen vesesal ven koakeil amum tisa, navong mat, arahini en out koa arahin koakeil tounah one houlu amul ien. Keil avit umoni mini mukonek, avaseini kei romumontei rea vuo roluvostei meatin sav keil.”

Matiu 27:19

Ka navong Paelet mul veah rondan en kot onen, ahin onen san selusien mai mini vit, “Konoumon etai tounah naha kat meatin enek veni kei mal revi. Kosa, namundemko houlu ven matil vovoien tai koa nalesi usil meatin enek.”

Matiu 27:4

Kei vit lat kei min keil vit, “Inau namumon tisaen, veni nasa lat meatin tai hemat koa romumon etai tounah vatisa.” Ka keil avit kesi mini avit, “Komai emai rovattei mevailea. Koanek mul enuk.”

Matiu 27:54

Navong avat onen meatin tavaeen keil ka meatin keil onen koa alei kokoe en Iesu alonge alu mulu ka ales tounah vasi koa kur out, keil ametau houlu ka aviteni avit, “Anatin eli, kei vi Natin Ahi varei.”

Mak 15:13

Keil aviso vina mini avit, “!Ti kati en aiveave!”

Mak 15:15

Sakini, Paelet mae lat Barabas min keil veni en rovattei vapurun rendemien one. Ka viteni min meatin keil tavaeen keke ilamun Iesu iha, itahi en viau koa sineite mul, ka iti kati en aiveave.

Luk 23:21

Ka keil avikiti aviso keih tamun avit, “!Ti kati en aiveave! !Ti kati en aiveave!”

Luk 23:4

Evus, Paelet viteni min asuv keil onen pris keil ka min vangi meatin keil enek emun vit, “Inau narvotin etai tounah vatisa vaha kat meatin ekek.”

Luk 23:41

Ka ialu, mal keke lokur mahien ekek veni ialu lomum tisa. Ka meatin enek romumon etai tounah vatisa.”

Luk 23:47

Navong avat onen meatin tavaeen keil les asa koa kur out, vati lat isen Ahi ka vit, “Anatin eli, meatin ekek mal revi ka romumontei tounah vatisa.”

Sion 18:38

Ka Paelet visi vit, “?Isei kilea vailea anatinien?” Navong Paelet selus ral min Iesu evus, va hae ka selus eris min Siu keil vit, “Inau narles etai tounah en usite onen koa tisa vahit vamal masan mahien mini.

Sion 19:6

Navong asuv houlu keil onen pris keil ka meatin taleikokoeien keil ten Eim Votut alesi, avisohiso keih avit, “!Ti kati en aiveave! !Ti kati en aiveave!” Sakini, Paelet viteni min keil vit, “!Kami varei mihekuri ka miheti kati en aiveave! Veni, en lesien onak, inau narvotin etai tounah vatisa vahit kei voumoni.”

Umen 13:28

Avaseini arvotin etai tounah vatisa koa Iesu mumoni keke avou vini, akeih kat Paelet vasan matien mini.

Umen 19:34

Ka navong keil alei kilea keke Aleksanda vi Siu tai, keil vasi avisohiso keih imok avit, “!Artemis vi ahi onen me-Efeses keil! !Rehehati lat isen!” Amules aviso mukonek va vio … rokol haoa elu (2).

Hibru 7:26

Sakini, rolesi keke mal vinvin keke Iesu vamai vahi asuv houlu onen pris keil koa mul mum en usite orer. Kei vi votut, mutolas, ka romumon etai tounah vatisa. Ka Ahi kulat Iesu ran meatin tisa keil ten out netan ka vati lati keke vato en out nesa.

1 Pita 1:19

Vuo, Ahi vul lat kami en tounah koa moreite mok mulin tounah vasi keil en out netan. Kei vul lat kami en ran Iesu Kristo, koa mat suval sipsip ten sanien votut koa mesaien vuo tisaen tovuol ien.