Mak 14:62 - Paama Bible

⁶² Ka Iesu vit risi vit, “Inau keinek. Ka hervitei tuetin, kami miheles … ‘Natin Meatin hetondan en usite matu onen Ahi Asuv ten Keihoen. Ka mihelesi hemita en mahmah keil ten out nesa!’” (Sam 110:1; Dan 7:13)

Tus Votut en selusien ten out Voum

⁶² Ka Iesu vit risi vit, “Inau keinek. Ka hervitei tuetin, kami miheles … ‘Natin Meatin hetondan en usite matu onen Ahi Asuv ten Keihoen. Ka mihelesi hemita en mahmah keil ten out nesa!’” Sam 110:1; Dan 7:13

Mak 14:62 Iomraidhean Croise

Hibru 1:3

Suvalien kati onen Ahi mul ien, ka kei mul rie lat hetetamenien onen Ahi suval kilas tai mul rie lat titinien ten meteiai. Ral min keihoen ten selusien onen, mul sakin tounah vasi koa mumoni val vousil rendemien onen. Ka navong mum vasin tounah keke vakas motein meatin keil ran tisaen keil one keke methos onen Ahi kilea val en keil, kei va rondan en usite matu ten vulin ten keihoen onen Ahi en out nesa koa titinien ten hetetamenien ka keihoen onen mariso mok.

Mak 13:26

Hevus, meatin keil iles ‘Natin Meatin hel hemita en mahmah keil ten out nesa’ (Dan 7:13) hetal min keihoen ka mari muohien onen.

Matiu 24:30

“Anatin, en avong koanek varei, tounah hekistal en teilang vatie lati keke inau, Natin Meatin, namul numai, ka meatin vasi ten out netan uai avong ilesi. Keil iles, ‘Natin Meatin hel hemita en mahmah keil ten out nesa’ (Dan 7:13) hetal min keihoen ka mari muohien onen.

Matiu 26:64

Iesu vit kesi vit, “Suval koa koviteni. Ka naviteni min kami, kosa heha, miheles … ‘Natin Meatin hetondan en usite matu onen Ahi Asuv ten Keihoen ka mihelesi hemita en mahmah keil ten out nesa!’” (Sam 110:1; Dan 7:13)

Luk 22:69

Ka naviten koanik, kosa heha, Natin Meatin hetondan en out ten keihoen en usite matu onen Ahi ten keihoen.”

Revelesen 1:7

!Mihetaengoni! Kei hemita en mahmah keil ka meatin vasi keil ilesi. Anatin, koakeil emun asal vini mulamu ilesi. Hesakin meatin keil en out netan imakul en metauen. Anatin, hemai hekistal hemukonek.

Hibru 12:2

Reheling meter en Iesu koa mulamun ir en sise ten demkatien, ka koa sakini mai mal vinvin vasi en meten Ahi. Ka veni kei lei kilea sien koa hekuri hekatau, kei kur rendemien koa tetaveah ka maeni vaha vamat en aiveave. Kei romemoutei keke vakur vati matien koa vamukonek koa onen meatin tisa keil. Sakini, navong mat, Ahi vati lati ka maeni rondan en out ten mari houhouen en usite matu ten vulin ten keihoen onen.

Mak 16:19

Navong Iesu selus ral min meatin teindan tai (11) onen evus, Ahi kulati ran keil ka kuri vina nesa. En out nesa, Iesu rondan en usite matu onen Ahi.

Revelesen 20:11

Evus, nales mari vulin ten keihoen koa muoh ka nales kei koa rondan ien. Out netan ka teilang nesa luva rani, luvuol ka arlestei mun keilu.

Hibru 8:1

Vatte ten tounah vasi koa komai memul meviteni ekek: more asuv houlu onen pris keil mul tuai koa mum vasi tounah keil enek koa memul mevit usili, ka kei mul mum en usite orer. Ka kei mul rondan en usite matu ten vulin ten keihoen onen Ahi en out nesa.

Hibru 8:10

Hatkatien hau koa numoni hetal min me-Isrel keil en avong enek hemukok: Inau, Iahova, niling mengkatien onak keil il en tine, ka nitis kati hel en rendemien one. Inau nihi Ahi one, ka keil ihi meatin keil onak.

Luk 23:3

Sakini, Paelet vis Iesu vit, “?Mukave? ?Anatin keke keik kovi asuv houlu onen Siu keil?” Iesu vit kesi vit, “Suval etin koa koviteni.”

Mak 15:2

Paelet vis Iesu vit, “?Keik, kovi asuv houlu onen Siu keil?” Iesu vit kesi vit, “Suval koa koviteni.”

Matiu 27:11

Navong koanik mul kur out, Iesu mul mulomal en meten asuv Paelet koa vi avat ten kavmen ten out enek. Ka Paelet visi vit, “?Mukave? ?Anatin keke kovi asuv houlu onen Siu keil?” Iesu vit kesi vit, “Suval koa koviteni.”

2 Pita 1:16

Navong komai eiloheh keil onen Iesu Kristo meselus min kami usil keihoen ka amairisien onen Iesu Kristo, Asuv orer, meroruntei usil tunien keil koa meatin enges mumoni keke valeh rendemien onen meatin sav keil. !Vuo! Komai meles hetetamenien onen en metomai kati.