Mak 14:61 - Paama Bible

⁶¹ Ka Iesu mules ro raeng, roviten etai selusien. Ka asuv houlu onen pris keil enek vis risi vit, “?Anatin keke keik kovi Mesaea koa Ahi vat kati keke hesani? ?Anatin keke kovi Natin Ahi koa romul rovati lat isen?”

Tus Votut en selusien ten out Voum

⁶¹ Ka Iesu mules ro raeng, roviten etai selusien. Ka asuv houlu onen pris keil enek vis risi vit, “?Anatin keke keik kovi Mesaea koa Ahi vat kati keke hesani? ?Anatin keke kovi Natin Ahi koa romul rovati lat isen?”

Mak 14:61 Iomraidhean Croise

Sam keil 119:12

O Iahova, namasmasuk. Kihiseinau en rendemien keil onom koa koling kati.

Aesea 53:7

“Avaseini meatin keil amum tisa houlu va kati, rendemien onen mules netan, ro raeng enges. Kei suval titi sipsip tai koa amulamuni vaha avouasi vamat, roviten etai selusien. Anatin, romumontei verien suval sipsip tai navong asoui lin hilin.

Matiu 16:16

Ka Saemon Pita mea vit, “Keik kovi Mesaea. Anatin, kovi Natin Ahi koa moul.”

Matiu 3:17

Ka rea tai selus ka en out nesa ka viteni vit, “Koanik vi natkuli kati, koa envatien onak mul ien. Inau nasi nau mok veni.”

Matiu 8:29

Navong lumai vesesal ven Iesu, luvisohiso keih luvit, “!Natin Ahi! ?Kovoumon sa vatal komai? ?Kumai ekok keke kovasan mahien min komai kosa? ?Kirtosintei avong kati teni koa hemai veah?”

Mak 14:60

Sakini, asuv houlu onen pris keil mulomal luhu en keil ka vis Iesu vit, “?Tounah tovuol kovahiteni? ?Kolong selusien somok koa aviteni va katuk?”

Mak 15:2

Paelet vis Iesu vit, “?Keik, kovi asuv houlu onen Siu keil?” Iesu vit kesi vit, “Suval koa koviteni.”

Sion 1:34

Anatin eli naviteni min kami keke nalesi tuai. Ka navit leini min kami keke meatin enek varei vi Natin Ahi anatin.”

Sion 10:24

Navong Siu keil alesi, akarahiti ka avisi avit, “?Nengeis varei kihit luvati min komai keke kovi isei varei? Munak kovi Mesaea anatin koa Ahi vat kati vit hesani hemai, kihit leini.”

Sion 10:36

anatin imok en inau. Veni inau navi kei koa Tata rie lat inau ka sila inau namita en out netan. Sakini, narselus kekartei vaha kat Ahi navong naviteni keke navi Natnali.

Sion 18:37

Paelet visi vit, “?Sakini, anatin keke kovi asuv houlu?” Iesu vit kesi vit, “Keik koviteni kovit inau navi asuv houlu tai. Ka avasi inau ka numai en out netan keke moumon tounah vatas, keke nihitehiten usil anatinien. Koakeil vasi amusil kat anatinien, keil ilong kilea asa koa namul naviteni.”

Sion 19:7

Ka hetetamen onen Siu keil avit kesi avit, “Musil mengkatien onomai, mal keke hemat, veni kei vise kei sasen en Natin Ahi.”

Sion 19:9

Va ris en teim onen ka vis Iesu vit, “?Keik koka en out kave varei?” Ka Iesu roviten etai tounah.

Umen 8:32

Navong rondan ral mini, Pilip lesi keke hetetamen enek mul vuli selusien koa viteni vit, “Kei suval sipsip tai koa amulamuni va avouasi vamat, roviten etai selusien. Anatin, romumontei verien suval sipsip tai navong asoui lin hilin.

1 Timoti 1:11

Hihiseien keil onen Ahi musil more longlongien koa kei sani minau mahitehiteni min meatin keil. Longlongien enek vi moreite mok ka ka ven Ahi koa vi houlu vis houlu mok.

1 Timoti 6:15

Hemai ris en avong koa Ahi hehiteni hemal. Ahi etin, kei vi moreite ka tahos imok. Kei sasen mul losil kat tounah vasi ten out netan, ka hetetamen keil ka asuv keil emun, amul en hen.

1 Pita 2:23

Anatin, navong aselus kareni, Iesu rovit kes etai selusien tatisa min keil. Ka navong kur mahien en he, rovitentei vahit hesa kesi min keil. Vuo, kei ling usite onen en hen Ahi ka mundesini keke kei helei rahit usite one housil sakien koa mal.