Mak 14:18 - Paama Bible

¹⁸ Ka navong amul akanian ruai, Iesu viteni min keil vit, “Anatin eli naviteni min kami, tai en kami koa mul kanian ral minau ekok, kei varei hemae lat inau niha en hen meatin tatisa keil.”

Tus Votut en selusien ten out Voum

¹⁸ Ka navong amul akanian ruai, Iesu viteni min keil vit, “Anatin eli naviteni min kami, tai en kami koa mul kanian ral minau ekok, kei varei hemae lat inau niha en hen meatin tatisa keil.”

Mak 14:18 Iomraidhean Croise

Matiu 26:21

Ka navong amul akanian, Iesu vit leini min keil vit, “Anatin eli naviteni min kami, tai en kami hesa lat nau niha en hen vativieh keil onak.”

Matiu 5:18

Anatin eli naviteni min kami keke tounah vasi koa mul en mengkatien keil onen Ahi ka titi selusien vasi keil koa provet keil onen amutisi mul asakras avavupuol hetokol avong varei koa um vasi umen one ka out nesa ka out netan luhevupuol.

Matiu 6:16

Iesu mules visein meatin keil vit, “Navong mival ran anien keke mivahis, minoumontei nasuval koakeil amumonis en hilive. Veni navong uval ran anien amumon veinae tisa keke meatin keil avalei kilea keke amai kat keil. Anatin eli naviteni min kami, keil akur vasin uite teni tuai.

Matiu 6:2

“Sakini navong misan kataunien min meatin koa tounah onen tovuol, minoumontei nasuval sakien onen koakeil amumonis en hilive. Veni navong asak mesei keke avasan tounah, uva en eim tahihiseien keil ka en mari sise keil, ka asakin meatin toumien one amuh tounah koa suval amaru keke meatin keil imai vituai avales asa koa avoumoni ka avahouhou min keil. Anatin eli naviteni min kami, keil akur ui umen one tuai ka irkurtei mun uite teni en out nesa.

Matiu 6:5

Iesu mules visein meatin keil vit, “Navong mivis, minoumontei nasuval koakeil amumonis en hilive. Veni keil e vati avahatimal ka avahis en eim tahihiseien keil ka en vali sise keil keke meatin keil avales keil eni. Anatin eli naviteni min kami, keil akur vasin uite one tuai.

Mak 10:15

Naviteni min kami keke meatin koa sakras vakur revi hiasuvien onen Ahi hesuval titiali keil ekek, hiasuvien onen sakras val en kei.”

Mak 10:29

Sakini, Iesu viteni min keil vit, “Anatin, naviteni min kami, koakeil alokovein teim se, vuo tue keil, vuo ahine keil, vuo mama, vuo tata, vuo titiali, vuo ah se keil venau ka ven longlongien hos;

Mak 14:17

En vongien enek, Iesu ral min meatin onen keil uva en out ten anien.

Mak 14:19

Koanek sakin meatin onen keil alonge tisa, ka keil avis Iesu, tai vis ka teisav, avit, “?Asuv mukave, komundemi kovit inau?”

Mak 14:25

Anatin eli naviteni min kami, nirmuntei mun uaen koanik hetokol avong koa nimun ris uaen hau en out koa Tata onak vi asuv houlu ien.”

Mak 14:9

Anatin eli naviteni min kami, en out vasi netan koa ihitehiten more longlongien usil inau, ihiteni mun asa koa ahin enek mumoni minau. Ka hesakin meatin sav keil emun indem silat kei.”

Mak 3:28

“Anatin eli naviteni min kami, Ahi kilea voumon methos onen vatal min meatin keil koa amumon vati tisaen keil houlu, vuo aselus karen isen Ahi varei.

Mak 6:11

Ka munak miheha en meteimal koa meatin keil arkur revitei kami vuo e rovattei avalong selusien onami, navong mihemea ran out enek, mihesahulin vulimeas ran alomi en mete. Koanek hehi selkatien min keil keke amul amum tisa en meten Ahi.”

Mak 8:12

Navong keil avisi mukok, Iesu longe tisa ka viteni min keil vit, “?Vensa meatin keil ten avong kosa avis etai merikel keke avalesi? !Ka vuo, nirmumon etai tounah ilesi vasakin keil avakur anatinien enau vaka ien!”

Mak 9:1

Ka mul selus vit, “Naviteni anatin eli, tei en kami koa miro ekok, irmattei hetokol avong koa keil iles hiasuvien onen Ahi hemai hetal min keihoen.”

Mak 9:41

Anatin naviteni li min kami, meatin etai koa hesan oai enges min kami ven isok, kei hekur heite teni.

Luk 11:51

Anatin eli naviteni min kami, ran meatin vasi keil onen Ahi koa avu keil one telamu amu vinvini keil mul sakin he keil avi amus, matien onen Ebel va vio … rokol matien onen provet Sakaraea koa amu vini luhu en ahor ten sanien ka Eim Votut onen Ahi. Ka Ahi hesan mahien ven matien keil vasi one va kat kami.

Luk 22:21

“!Ka mihetaengonau! Kei koa hemae lat nau niha en hen vativieh keil onak mul ekok. Anatin, kei mul kanian ral minau en avet koanik.

Luk 4:24

Ka naviteni anatin min kami, provet tovuol veah koa onen keil avakur revi en meteimal kati onen.

Sion 1:51

Anatin eli naviteni minuk keke kiles out nesa heseha ka angelo keil onen Ahi ihina nesa ka imita netan ika en inau, Natin Meatin, hesuval navi sise tai.”

Sion 13:18

“Ka narmultei maselus usil kami vasi. Navong narie lat kami keke mivousil inau, nakilea en kami tuai. Ka narie lat kami mukok keke Tus Votut hemai hehi anatin koa viteni vit, ‘Meatin koa kanian ral minau, kei varei viles mum tisa minau.’ (Sam 41:9)

Sion 13:21

Navong Iesu viten koanik evus, tin vilelau en demvoen ka vit leini vit, “Anatin eli naviteni min kami, tai en kami hemae lat inau niha en hen vativieh keil onak.”

Sion 13:22

Navong meatin keil onen alonge mukok, aleles keil eris, ka areingeingen isei varei koa Iesu mul vit usili.

Sion 13:38

Iesu vit kesi vit, “?Anatin keke kosak mesei kovamat venau? Anatin eli naviteni minuk, out hermulantei mau ka ato herkokorattei mau, ka keik, kihiteni hatte hetel keke usite onom tovuol enau.”

Sion 21:18

Ka anatin eli naviteni minuk keke navong kovi litetai semau, kosak meseinuk ka kokilea kova en out vasi em vati. Ka navong kimatu revi, kitelan hem ka mesav tai hesin enuk ka helamunuk kiha en out koa em hervattei kovaha ien.”

Sion 3:11

Anatin eli naviteni minuk keke inau ka onak keil memul meselus usil tounah koa mekilea eni ka melesi tuai. Ka kami hetetamen keil onen Siu keil mirkurtei anatin en selusien keil onomai.

Sion 3:3

Ka Iesu vit kesi vit, “Anatin eli naviteni minuk, munak meatin tai romaitei vahi heite hau, kei sakras valei kilea hiasuvien onen Ahi.”

Sion 3:5

Sakini, Iesu vit kesi vit, “Anatin eli naviteni minuk, meatin koa hermaitei hehi heite hau hetal min oai ka Ninin Votut, kei sakras vaha en out koa hiasuvien onen Ahi mul ien.

Sion 5:19

Navong Iesu lei kilea keke hetetamen keil onen Siu keil avuroh kati veni viteni vit Ahi vi Tata kati onen, viteni min keil vit, “Anatin eli naviteni min kami, inau navi Natin Ahi. Ka narmumon etai tounah vousil rendemien onak sasok. Ka asas koa nales Tata onak mul mumoni, kei varei inau, Natnali, namul naleisungeini.

Sion 6:26

Iesu vit risi vit, “Naviteni anatin min kami keke mirlekattei inau veni milei kilea aneite ten merikel keil koa namul namumoni. Vuo. Mimul milekat inau veni nasakin vangomi laia en veret.

Sion 6:32

Ka Iesu viteni min keil vit, “Naviteni anatin min kami, kei koa san veret ran out nesa vi ae rovitei Mosis. Vi Tata onak koa sani min keil. Ka kei mul sani min kami veret koa vi anatin koa ka en out nesa.

Sion 6:47

Anatin eli naviteni min kami keke koakeil vasi aling demkatien one enau ikur moulien ten lisenges.

Sion 6:70

Ka Iesu viteni min keil vit, “Inau varei narie lat kami koa mivi teindan elu (12) keke mivousil inau. Ka avaseini, tai en kami vi Temat.”