Mak 14:11 - Paama Bible

¹¹ Keil asi keil navong araengoni, ka avat kati mini avit ihuli. Sakini, Sudas mul lekat sise heka ien hemae lat Iesu min keil.

Tus Votut en selusien ten out Voum

¹¹ Keil asi keil navong araengoni, ka avat kati mini avit ihuli. Sakini, Sudas mul lekat sise heka ien hemae lat Iesu min keil.

Mak 14:11 Iomraidhean Croise

Matiu 26:14

Navong akanian evus, Sudas Eskariot, tai en teindan elu (12) onen Iesu, va ven asuv keil onen pris keil

Matiu 26:15

ka vis keil vit, “?Munak nisa lat Iesu heha en hemi, mihesan asa minau?” Sakini, keil avuli silva mani hanumau tai ka halualim (30) keke avasani mini.

Mak 14:10

Navong akanian evus, Sudas Eskariot, tai en meatin teindan elu (12) onen Iesu, va ven asuv keil onen pris keil keke hemae lat Iesu heha en he.

Mak 14:12

Navong Avong keil ten Veret koa Is Tovuol Ien emai, en visokon ten avong tai teni, teim sen Siu vasi keil amul asak mesei avouas sipsip keil koa avaani en Anien ten Mul Laui. Meatin teindan elu (12) onen Iesu avisi avit, “?Out kave em vati mevasak mesein Anien ten Mul Laui ien?”

Luk 22:3

Navong avat keil enek amul arun usili, Temat mai san rendemien tatisa min Sudas Eskariot, koa vi tai en meatin teindan elu (12) onen Iesu.

1 Timoti 6:10

Anatin, envatien ten mani vi vatte ten vati sakien tatisa houlu. Houlu en meatin keil, mani leh rendemien one va soutin ran hihiseien ten anatinien usil Iesu Kristo. Ka kosa, aleh mahien houlu mai en keil ka asakin rendemien one mules muas keil.

Siud 1:11

!Aue li! !Ahi hesan mahien koa hemarite heha min keil! Hesani min keil veni amul amusil sise tatisa onen Ken koa mu vini tunali ven hieluien. Keil avi uti mani suval provet Balaam telamu koa kalah maen kei valamun meatin keil onen Ahi avoum vatisa keke vakur mani. Ka suval Korah ka onen keil koa asesein hetetamenien onen Mosis, avat one, tiser taluvosien keil enek ale sesein hetetamen keil one. Ka suval kistal en Korah koa onen keil, Ahi hou vini tiser keil enek ral min koakeil amusil.