Mak 14:1 - Paama Bible

¹ Avong elu sesuk hetokol avong Siu keil amundem kat Avong keil ten Veret koa Is Tovuol Ien. En avong koa mulamu eni amumon Anien ten Mul Laui. Sakini, asuv keil onen pris keil ka tiser keil ten mengkatien onen Mosis alah ruai keke avatun lekat sise koa ika suai ien ihuli kat Iesu ka uasi hemat.

Tus Votut en selusien ten out Voum

¹ Avong elu sesuk hetokol avong Siu keil amundem kat ‘Avong keil ten Veret koa Is Tovuol Ien.’ En avong koa mulamu eni amumon ‘Anien ten Mul Laui|Anien ten Mul Laui.’ Sakini, asuv keil onen pris keil ka tiser keil ten mengkatien onen Mosis alah ruai keke avatun lekat sise koa ika suai ien ihuli kat Iesu ka uasi hemat.

Mak 14:1 Iomraidhean Croise

Senesis 37:18

Navong tunali keil alesi mul soutin veah, arun lekat sise koa avouasi vamat.

Eksodas 12:1

Iahova selus min Mosis ka Eron en out Isip vit,

Matiu 12:14

Ka Farasi keil uva hae ka arun lekat sise koa akilea avouas Iesu vamat ien.

Matiu 6:2

“Sakini navong misan kataunien min meatin koa tounah onen tovuol, minoumontei nasuval sakien onen koakeil amumonis en hilive. Veni navong asak mesei keke avasan tounah, uva en eim tahihiseien keil ka en mari sise keil, ka asakin meatin toumien one amuh tounah koa suval amaru keke meatin keil imai vituai avales asa koa avoumoni ka avahouhou min keil. Anatin eli naviteni min kami, keil akur ui umen one tuai ka irkurtei mun uite teni en out nesa.

Mak 14:12

Navong Avong keil ten Veret koa Is Tovuol Ien emai, en visokon ten avong tai teni, teim sen Siu vasi keil amul asak mesei avouas sipsip keil koa avaani en Anien ten Mul Laui. Meatin teindan elu (12) onen Iesu avisi avit, “?Out kave em vati mevasak mesein Anien ten Mul Laui ien?”

Mak 14:2

Ka amul avit, “Rehermumontei en avong ten ale, veni hetisa meatin keil anoumon rea.”

Sion 11:47

Sakini, Farasi keil ka asuv keil onen pris keil avise ruain Kaonsel one. Navong alah ruai, avis keil eris avit, “?Rehoumon sa varei hetal min Iesu? Kei mules mumon merikel keil houlu.

Sion 13:1

Vi avong tai mulamu en avong ten Anien ten Mul Laui. Iesu kilea tuai keke avong mai vesesal keke helokovein out netan ka hehina ven Tata onen. Ka veni envatien onen mul en meatin keil koa Ahi sani mini, Iesu vit vatie lat envatien onen min keil hetokol keite ten moulien onen.

Umen 12:4

Navong avuli kat Pita, asoni va en eim takeih ka Herod meng kati keke vangi meatin tavaeen keil hehat (4) ilei kokoe eni. Herod ling kati keke helamuni en meten meatin keil, houmon kot mini, ka hou vini hekatau en Anien ten Mul Laui.