Mak 13:7 - Paama Bible

⁷ Ka minandemkotei navong milonge keke vaeen keil amul vesesal ven kami, vuo mikur longlongien usil rea keil ka amul soutin. Tounah keil enek hemai somok hekistal, ka keil arvitentei avahit avong mai.

Tus Votut en selusien ten out Voum

⁷ Ka minandemkotei navong milonge keke vaeen keil amul vesesal ven kami, vuo mikur longlongien usil rea keil ka amul soutin. Tounah keil enek hemai somok hekistal, ka keil arvitentei avahit avong mai.

Mak 13:7 Iomraidhean Croise

Sam keil 112:7

Keil armetautei navong akur longlongien tai koa tisa, veni demkatien one keih ka akilea keke Ahi hehi eikokoe en keil.

Sam keil 27:3

Avaseini keke vangi meatin tavaeen keil imai ikarahit nau, tinok hermaleileitei. Munak koakeil alele tisa enau amea avit avahu vatal minau, desien onak en Ahi hermottei.

Matiu 18:7

!Anatin keke tounah koa hesakin meatin hemot en tisaen il imai, ka hetisa vis hetisa mok en koakeil avi sise teni!

Matiu 2:3

Navong asuv houlu Mari Herod raeng koteh longlongien koanek, mundemko houlu ral min meatin vasi keil emun koa aro en out Serusalem.

Mak 13:6

Meatin houlu imai ka ihit keil umai en isok ihit, ‘!Inau navi Mesaea!’ Ka iluvos meatin keil hehi houlu.

Mak 13:8

Out tai uas out sav, meteimal keil u ris teisav keil. Alu helu en out tei, ka amai heat meatin houlu. Tounah keil enek hesuval navong eisilin ahin mah, ka hekatau hekur tivava. Mahien teni hemai veah hemariso.

Sion 14:1

Iesu viteni min meatin keil onen vit, “Minandemkotei ka minalongtei natisa. Mihekur anatin en Ahi, ka mihekur anatin enau mun.

Sion 14:27

Anatin keke nilokovein kami, ka namul nasan tomat onak mul en tinomi. Tomat koa nasani min kami rosuvaltei asa koakeil ten out out netan amul asani. Minandemkotei ka minametautei.

Umen 17:3

Kei rie lati keke Tus Votut viteni vit mal keke Mesaea hemai, helonge hetisa, hemat, ka hemoul eris ran matien vahinat meatin keil. Kei viteni min keil vit, “Koanek vi Iesu, Mesaea onen Ahi koa namul navitehiteni min kami.”