Mak 13:27 - Paama Bible

²⁷ Hesila angelo keil ikarahit out netan keke avalah ruain meatin keil koa Ahi rie lat keil avi onen, en usite tai ten out netan hetokol keite teni.”

Tus Votut en selusien ten out Voum

²⁷ Hesila angelo keil ikarahit out netan keke avalah ruain meatin keil koa Ahi rie lat keil avi onen, en usite tai ten out netan hetokol keite teni.”

Mak 13:27 Iomraidhean Croise

Senesis 49:10

Hiasuvien ten keihoen onen asuv houlu keil hel lisenges en Sudah ka vatiamal onen. Meatin keil ten kantri sav ihouhou mini, ilong kati ka isan sanien keil one mini.”

Matiu 12:42

Anatin, en Avong koa ilei revi usite vasi onen meatin keil, asuv houlu ten out Siba koa vi ahin helomal ka heselus heha kat meatin keil ten avong kosa. Veni kei ka en out tai koa soutin vis soutin keke vamai vataengon meteisauen onen asuv houlu Solomon. Ka kosa, tai koa vi hetetamen imok mulin Solomon ro ekok.

Matiu 13:41

Anatin, en avong enek, inau, Natin Meatin, nisila angelo keil onak keke iha en out vasi koa nalosil kati keke ihut lelat koakeil vasi amum tisa ka tounah vasi keil koa amul asakin meatin keil umotmot en tisaen.

Matiu 13:49

En avong koa out netan ka tounah koa mul ien hevuol, angelo keil imai ilei kan meatin keil teni en vati sakien koanik. Keil ilah lat meatin keil atisa ran koakeil atahos,

Matiu 24:22

Ka Ahi rei avong keil tatisa enek mai tamureis veni mundem usil koakeil rie lat keil avi onen. Veni munak hermumontei, meatin hetovuol emun hemoul.

Matiu 24:24

Veni Mesaea taluvosien keil ka provet taluvosien keil emun imai. Ka navong imai, umon merikel keil ka marmari tounah keil vasakin meatin keil itimanin eni. Keil umoni keke avaluvos meatin houlu avousil keil. Ka isak visi keke ileh koakeil emun Ahi rie lat keil avi onen, ka isakras.

Matiu 24:31

Kei houh mari amaru tai keke vasila angelo keil onen. Ka keil iha en out vasi netan, usite tai hetokol usite sav, keke avalah ruain meatin keil koa Ahi rie lat keil avi onen.

Mak 13:20

Ka Ahi heta koteh etai hati avong tatisa keil ven meatin keil onen koa rie lat keil. Ven munak hermumontei, meatin hetovuol emun hemoul.”

Mak 13:22

Veni mesaea taluvosien keil ka provet taluvosien emun imai. Keil umon merikel ka isakin meatin houlu itimanin en keil. Keil isak visi avaluvos vis meatin keil onen Ahi, munak akilea avoumoni.

Mak 13:28

Iesu vit risi min Pita keitel vit, “Mihekur hihiseien koa ten vati fik. Navong angoite so lati, mul son oute hau keil. Mukonek rokilea keke avong koa heite vakistal ien mai vesesal.

Luk 16:22

“Luro mukonek va vio … meatin koa tounah onen tovuol enek mat, ka angelo keil akuri alingi rondan ral min avu Ebraham en mari anien tai en out nesa. Rovitei tuetin, meatin koa tounah onen houlu emun mat, ka arahini.

Luk 18:7

?Ka mukave suk en Ahi? ?Mimundemi keke Ahi koa mal imok mulin meatin enek sakras vakalah valei rahit usite onen meatin keil onen? ?Mimundemi keke hermumontei asa koa mal en usite onen koakeil kei vise keil avahi onen, koa amul avisi ven kataunien meneai ka vongien?

Sion 10:16

“Sipsip sav keil osak amul koa ateisav en sipsip keil koa amul en yad koanek. Mal keke niha nilah keil emun imai. Keil ilong rek, ka imai ilah ruai hetal min sipsip keil ekek. Hemukonek, imai ihi vangi sipsip hetas, ka inau tas nihi meatin talosilkatien one.

Sion 11:52

Ka vit luvati emun keke Iesu hemat en usite onen koakeil vasi avi onen Ahi koa amul en kantri savsav keil keke helah ruain keil vasi imai ihi vangi meatin hetas.

Rom 8:33

?Isei kilea vasan selusien vaha kat usite onen meatin keil koa Ahi rie lat keil avahi onen? !Meatin tovuol, ven Ahi varei sakin keil amal tuai en meten!

Kolose 3:12

Sakini, veni Ahi rie lat kami keke valing lat kami mivahi meatin votut keil onen koa envatien onen mul en keil, mihesin en kami en sakien tetahos keil. Mihoumon sakien ten enmahisien, tinahos, ka rendemien onami heha netan. Sakien onami hemerau ka tinomi hetaveah.

2 Tesalonaeka 2:1

Tuemeitel ka ahinameitel keil, emeitel vati metvaselus min kami usil avong koa Iesu Kristo, Asuv orer, hemai ris eni ka helah vituai en ir rovato vatali. Metpeah kami li,

2 Timoti 2:10

Sakini, namaenau keke makur mahien vasi keil enek. Veni nakilea keke navong navitehiten more longlongien min meatin keil, koakeil Ahi rie lat keil akilea avakur moulien hau koa ka ven Iesu Kristo. Mukonek, akilea avato en muohien hetal mini lisenges.

1 Pita 1:2

Ahi Tamer rie lat kami veni, en avong telamu, kei kilea en kami ka mum revi tounah vasi musil rendemien onen. Sakini, Ninin onen mumon kami mivi votut keke mivalong kat Iesu Kristo ka keke ran vasakin kami mivatolas ran tisaen keil onami. Navis Ahi hesakin moulien onami hehilelau en more envatien ka tomat onen.