Mak 13:10 - Paama Bible

¹⁰ Veni helamu en tounah enek hekur out, longlongien enek heka vasi out imok.

Tus Votut en selusien ten out Voum

¹⁰ Veni helamu en tounah enek hekur out, longlongien enek heka vasi out imok.

Mak 13:10 Iomraidhean Croise

Matiu 12:41

En Avong koa ilei revi usite vasi onen meatin keil, meatin keil ten out Nineva ilomal ka iselus heha kat sakien onen meatin keil ten avong kosa. Anatin, keil iselus heha kat kami veni navong keil koa arvitei Siu along selusien onen Ahi koa provet Siona vitehiteni min keil, aviles ran tisaen keil one. Ka kosa, tai koa houlu mok mulin Siona ro ekok.

Matiu 24:14

Ka navong more longlongien koanik usil hiasuvien onen Ahi heka vasi out netan keke akilea eni, en avong enek varei, keite ten tounah vasi hemai.

Mak 16:15

Ka kei viteni min keil vit, “Miheha, miheka vasi out ka mihehitehiten more longlongien min meatin vasi keil ten out netan.

Rom 1:8

Helamu, ven asa koa Iesu Kristo mumoni min ir, navit mamasmas Ahi onak ven kami vasi, veni meatin keil amul avit usil demkatien onami en out vasi en out netan.

Rom 10:18

Ka navis kami, “?Mukave, vi anatin keke me-Isrel keil arlongtei more longlongien usil Kristo?” Vuo, keil alonge tuai. Veni koanek suval Tus Votut viteni koa vit, “Rea one karahit out vasi, ka longlongien keil one usil Ahi va rokol meatin vasi keil en out netan.” (Sam 19:4)

Rom 15:19

ral min keihoen ten merikel ka metai sav keil, ka ral min keihoen onen Ninin onen Ahi. Sakini, nuva namum en out vasi keil keke mahitehiten vasin more longlongien usil Kristo min meatin keil, en out Serusalem va soutin rokol provins ten out Ilirikam.

Kolose 1:23

Koanek vi anatin munak kami miheles mihelomal hekeih en demkatien onami ka minahilestei rani. Minamaentei kami minalokovein desien onami en Iesu Kristo koa mikuri navong milong more longlongien usili. Vati more longlongien enek, avitehiteni min meatin vasi en out netan, ka inau, Pol, numai navi meatin toumien tai teni.

Kolose 1:6

Navong more longlongien mai rohtoh ven kami ka mikilea revi more envatien onen Ahi, son heite en moulien onami. Anatin, son heite en kami suval koa mul son heite en moulien onen meatin keil houlu en out netan.

Revelesen 14:6

Evus, nales angelo tamun muka nesa en mesaiuai. Kei kur kat more longlongien koa ten lisenges vahitehiteni min meatin savsav vasi keil ten out netan: koakeil ten vatiamal vasi keil, koakeil ten selusien vasi keil, koakeil ten kantri vasi keil, ka min vati meatin savsav keil emun.