Mak 12:7 - Paama Bible

⁷ “Ka navong koakeil alosil kat nei grep enek ales natnali mul mai, aviteni min keil eris avit, ‘Horetan ten out enek, natnali keiek. !Almai, rovouasi vamat! !Hesakini, tounah keil onen hemai hehi orer esuk!’

Tus Votut en selusien ten out Voum

⁷ “Ka navong koakeil alosil kat nei grep enek ales natnali mul mai, aviteni min keil eris avit, ‘Horetan ten out enek, natnali keiek. !Almai, rovouasi vamat! !Hesakini, tounah keil onen hemai hehi orer esuk!’

Mak 12:7 Iomraidhean Croise

Senesis 3:15

Numon keik hetal min ahin, tinomil heat kamil, ka titam ka titan ahin, tine mun heat keil. Titan keil ititi lin vatum, ka keik, kiat ale tanetan.”

Senesis 37:20

Almai rovaha rovouasi vamat ka rovason teiai onen vaha en vulvul tai koa mul en out enek. Hevus, rokilea rovahiteni keke tirendan tai rali vahasi ka kani. Hesakini, reheles asa varei hekistal en matil vovoien keilu onen.”

Matiu 2:16

Navong Herod lei kilea keke hetetamen keil enek aluvosi, tin katiat vis katiat. Sakini, sila meatin tavaeen keil onen uva en out Betlehem ka out vasi koa vesesal en out enek keke avou vasin titiali keil eni koa avi meahos koa sua one elu ka vita netan. Mumoni mukonek musil avong kati koa meatin keil ten hitu aviteni min Herod keke ales hitu enek kistal rohtoh eni.

Matiu 21:34

“Avong houlu mai muli, heiai men. Sakini, horetan enek sila slev keil onen uva keke avahis koakeil alei kat neiai osen avasan hati heiai mini.

Mak 12:12

Navong avat keil onen Siu keil along kilea keke Iesu viten tatavolien enek va kat usite one, e vati avahuli kati, ka ametaun mari vangi meatin keil. Sakini, alokoveini uva.

Mak 12:6

Horetan enek mumoni va vio … natnali kati koa tas eli mul, kei koa envatien onen mul ien. Sakini, kei sila natnali va ven meatin keil enek veni mundemi vit, ‘Keil ihouhou min natmali kati.’

Mak 12:8

Sakini, avuli kati ka amu vini. Evus, aso lat teiai onen va ran nei grep enek.”

Umen 2:23

Ka musil lingkatien onen, Ahi koa kilea en tounah vasi koa kur out ling Iesu va en hemi. Ka kami, misan matien mini en sakien koa mikeih kat koakeil armusiltei mengkatien keil onen Ahi keke uva amuti kati en aiveave.

Umen 5:28

“Noeis, komai memeng kat kami keke mihervihiseintei mun etai tounah usil Iesu vuo en isen, ka mimules mimumoni. Sakini, kosa, Serusalem vilelau en hihiseien onami. !Ka kami emi vati mok mivaling matien onen meatin enek en usite onomai!”

Umen 7:52

Veni avu onami keil asak purun provet vasi keil. Mulamu, keil amu vini koakeil enek koa avit luvat amaien onen Meatin ten Maluen koa Ahi rie lati keke hemai. Ka kosa, vi kami varei koa mimae lati va en hen vativieh keil onen ka mikeih kat keil amu vini. Sakini, ran mul en hemi.

Hibru 1:2

Ka en avong ekor keil ekek, kei selus min ir ka en Natnali. Kei rie lat Natnali keke voum rohtoh en tounah vasi keil koa mul, ka vat kati keke hesan tounah vasi keil mini.