Mak 12:6 - Paama Bible

⁶ Horetan enek mumoni va vio … natnali kati koa tas eli mul, kei koa envatien onen mul ien. Sakini, kei sila natnali va ven meatin keil enek veni mundemi vit, ‘Keil ihouhou min natmali kati.’

Tus Votut en selusien ten out Voum

⁶ Horetan enek mumoni va vio … natnali kati koa tas eli mul, kei koa envatien onen mul ien. Sakini, kei sila natnali va ven meatin keil enek veni mundemi vit, ‘Keil ihouhou min natmali kati.’

Mak 12:6 Iomraidhean Croise

Senesis 22:12

“Konou vinitei ehon onom. Konoumontei tounah nasut natmali. Ekek nakilea keke keik kovouhou min Ahi ka kolong kati, veni keik kormutut kattei natmali ran Ahi, natmali kati koa tas koa vi onom.”

Senesis 22:2

Ahi viteni mini vit, “Kikur natmali kati koa Aesak, koa envatien onom mariso mul ien, ka kihina en atan ten out Moraea. Ekonek en hou tai koa nitie minuk, ku vini ka kiniti hehi sanien tai onom minau.”

Senesis 37:3

Siekob, envatien onen mul en Siosep suli natnali sav keil veni kei matu navong avasi. Siekob mumon eisin taveah omon Siosep koa moreite mok ka musin eni en kei.

Aesea 42:1

Provet Aesea vit mesein selusien onen Iahova vit, “Ekek, meatin toumien onak koa nasan keihoen mini. Kei varei narie lati, ka nasi nau veni. Nasieni en Ninin onak, ka helosil kat revi out vasi keil en sakien ten maluen.

Matiu 1:23

“!Mihelonge! Ahin hau tai koa reingeingen meatin veah hemeas en tivava. Evus, hekuri hehi meahos ka iling isen hehi ‘Imanuel,’ koa aneite teni vi ‘Ahi ro ven ir.’” (Aes 7:14)

Matiu 11:27

Navong Iesu vis evus, viteni min meatin keil vit, “Tata onak ling tounah vasi en hek. Meatin keil arlei kileatei Natin Ahi, Tamen enges lei kilea eni. Ka meatin keil arkileatei en Ahi, Natnali enges kilea eni. Ka koakeil enges Natnali enek en vati vahothot en Tamen min keil, keil emun ilea eni.

Matiu 17:5

Ka navong Pita mul veah selus, mahmah tai koa vihil mai mutaluh koe keil, ka along rea tai ka eni koa vit, “Koanik vi Natkuli kati ka envatien onak mul ien. Nasi nau houlu veni. !Mithelong kati!”

Matiu 26:63

Ka Iesu mules ro raeng. Sakini asuv houlu enek vis risi vit, “En meten Ahi koa moul, nameng katuk keke kihiten asa koa vi anatin. ?Anatin keke kovi Mesaea, Natin Ahi?”

Matiu 3:17

Ka rea tai selus ka en out nesa ka viteni vit, “Koanik vi natkuli kati, koa envatien onak mul ien. Inau nasi nau mok veni.”

Mak 1:11

Ka rea tai ka en out nesa vit, “Keik, kovi natkuli. Ka inau, nasi nau venuk.”

Mak 12:5

Sakini, horetan enek sila slev tai ris, ka meatin keil enek amu vini suk. Navong sila slev sav keil emun, amumoni min keil vatte tas: tei en keil amu purun keil, teisav en keil amu vinvini varei.

Mak 12:7

“Ka navong koakeil alosil kat nei grep enek ales natnali mul mai, aviteni min keil eris avit, ‘Horetan ten out enek, natnali keiek. !Almai, rovouasi vamat! !Hesakini, tounah keil onen hemai hehi orer esuk!’

Mak 9:7

Evus, mahmah tai kistal ka mutaluh koe keitel, ka tellong rea tai koa vit, “Koanik vi Natkuli kati tas varei keisom, ka envatien onak mul ien. !Mithelong kat ren!”

Luk 3:22

ka Ninin Votut muka mita suval ame ka rondan en kei. Ka rea tai viso ka en out nesa vit, “Keik kovi natkuli kati anatin koa envatien onak mul enuk, ka nasi nau mok venuk.”

Luk 9:35

Ka rea tai musel ka en mahmah koanek vit, “Koanik vi Natkuli kati koa narie lati, ka envatien onak mul ien. !Mithelong kati!”

Sion 1:14

Vati Selusien enek emai vi meatin tai koa aven mul. Kei ro ral min komai ka meles muohien ten hetetamenien onen, veni kei vi Natin Ahi kati koa tanges koa vilelau en more envatien ka anatinien.

Sion 1:18

Meatin tovuol veah vales Ahi. Ka vi Natnali kati koa vi tanges, koa ro en usite onen Tata onen lisenges, kei varei vit luvati min ir keke rokilea eni.

Sion 1:34

Anatin eli naviteni min kami keke nalesi tuai. Ka navit leini min kami keke meatin enek varei vi Natin Ahi anatin.”

Sion 1:49

Nataniel mutimanin ka viteni mini vit, “!Tiser, keik kovi Natin Ahi anatin! !Keik kovi asuv houlu ten out Isrel koa memul merosini!”

Sion 3:35

Ahi Tata, envatien onen mul en Natnali, ka ling tounah vasi en hen.

Sion 5:23

Tata onak mumoni mukonek vasakin meatin vasi keil avahouhou minau koa navi Natnali en vati sakien koa amul avouhou mini. Ka koakeil arvouhoutei minau koa navi Natnali, arie lati keke arvouhoutei min Tata onak koa san inau namita.

Hibru 1:6

Evus, navong Ahi vit vasila moeite onen vamai en out netan, viteni vit, “Angelo vasi keil onen Ahi iha netan mini.” (Dut 32:43)

1 Sion 4:9

Ka Ahi rie lat envatien onen min ir navong san natnali koa tas mita en out netan keke rokilea rovakur moulien koa ten lisenges ka en kei.

3 Sion 1:1

Inau, koa avise nau en Elda, namutis leta koanik. Namutis va min Geas, more tuak eli koa ek vati anatin.