Mak 12:34 - Paama Bible

³⁴ Iesu long kilea keke selusien onen tahos imok, ka viteni mini vit, “Keik, vesesal hiasuvien onen Ahi val en moulien onom.” Koanek evus, meatin vasi keil ametau varei avahis ris Iesu en etai tounah.

Tus Votut en selusien ten out Voum

³⁴ Iesu long kilea keke selusien onen tahos imok, ka viteni mini vit, “Keik, vesesal hiasuvien onen Ahi val en moulien onom.” Koanek evus, meatin vasi keil ametau varei avahis ris Iesu en etai tounah.

Mak 12:34 Iomraidhean Croise

Matiu 12:15

Ka Iesu kilea en rendemien one; sakini kei lokovein out enek. Ka marmari vangi meatin keil amusili ka Iesu sak revi koakeil vasi amesai.

Matiu 12:20

Ven enmahisien, koakeil arkeihtei, kei hermumontei hekeih min keil. Ka koakeil amemerau, herpuruntei keil. Kei heles houm hemukonek hetokol avong koa hesakin sakien ten maluen helin sakien tatisa keil.

Matiu 22:46

Ka meatin keil asakras avahit kesi. Ka en avong enek muli va, meatin keil ametauni keke avahisi en etai mun tounah.

Luk 20:40

Sakini, katau en koanek, hetetamen keil onen Siu keil ametau avahisi en etai mun tounah.

Rom 7:9

Mulamu, navong narkileatei veah mengkatien keil enek, namundemi keke moulien onak mal. Ka navong nalong usil mengkatien keil onen Ahi, nalei kilea keke tisaen mul en moulien onak.

Kalesia 2:19

Veni navong nalei kilea keke nasakras mamai mamal en meten Ahi vaka en mengkatien keil onen Siu keil, Ahi kur moulien matu onak koa namusil katiat mengkatien keil onen Siu keil, ka muti kati en aiveave ral min Iesu Kristo. En avong enek, moulien matu onak emat ka mengkatien keil umai avi heisav enges minau. Ka Ahi mumoni mukonek minau keke nakilea mamoul mahati lat kei enges vatal min moulien hau onak.

Kolose 4:6

Anatin, miheselus hetal min tahosien, en sakien koa kilea valeh rendemien onen meatin keil eni. Hesakini, miheilea hemukave mivasa kes selusien koa mal vaha min meatin vasi.