Mak 10:47 - Paama Bible

⁴⁷ Navong kei raengoni keke Iesu ten out Nasaret mul mai, kei visohiso vit, “!Iesu, Natin asuv houlu Deved! !Em hemahis inau li!”

Tus Votut en selusien ten out Voum

⁴⁷ Navong kei raengoni keke Iesu ten out Nasaret mul mai, kei visohiso vit, “!Iesu, Natin asuv houlu Deved! !Em hemahis inau li!”

Mak 10:47 Iomraidhean Croise

Aesea 11:1

Iahova selus ka en provet Aesea vit, “Kosa, losilkatien koa ka en vatiamal onen asuv houlu Deved mai rokol keite teni suval vatiai tai koa ara lati. Ka avaseini, asuv houlu hau tai hekistal rani, hesuval silite mul vitehiteh ran vatte.

Matiu 1:1

Koanik vi sise onen vati avu keil onen Iesu Kristo, koa vi havinali asuv houlu Deved telamu, koa havinali Ebraham telamu.

Matiu 12:23

Meatin keil koa alesi, amutimanin ka avit, “?Vahesa meatin enek vi kei koa hekistal heka en vatiamal onen asuv houlu Deved koa Ahi vat kati vit hesani hemai?”

Matiu 15:22

Ka ahin Kenan tai koa ro en out enek, mai veni ka peahi vit, “!O asuv eli, Natin Deved! !Em hemahis nau li! Ninin tisa tai mul en natukahin ka mul vareis puruni.”

Matiu 2:23

ka telro en out enek en taon ten out Nasaret. Sakini asa koa Ahi viteni ka en provet keil mai vi anatin koa vit, “Ihise en koan Nasaret.”

Matiu 20:30

Ekonek, metovar elu lurondan en vali sise ka luraengoni keke Iesu mul mual va. Sakini, keilu luvisohiso luvit, “!Asuv! !Natin asuv houlu Deved! !Em hemahis komal eli!”

Matiu 21:11

Ka marmari vangi meatin keil avit kesi avit, “Koanik vi Iesu, provet tai ten out Nasaret en provins ten out Kaleli.”

Matiu 21:9

Houlu en mari vangi meatin keil enek koa uva amulamu en Iesu ral min koakeil akatau emun avisohiso vina nesa avit, “!Masmasien min Natin asuv houlu Deved! ‘!Tokolkatien hel en kei koa mai en isen Iahova!’ (Sam 118:26) !Masmasien hehina min Ahi en out nesa!”

Matiu 26:71

Evus, Pita mea mual va en meteau ten teahu. Ekonek, atouli toumien sav tamun lesi ka viteni min meatin sav keil vit, “!Meatin koanik vi tai en keil koa amusil Iesu ten out Nasaret!”

Matiu 9:27

Ka navong Iesu lokovein teim sen hetetamen koanek ka mul mual va, metovar elu lumai veni lumusili. Ka luvisohiso keih mini luvit, “!Natin asuv houlu Deved! !Em hemahis komal eli!”

Mak 1:24

Kei visohiso vit, “?Iesu ten out Nasaret, kovit kovoumon sa min komai? ?Kovit kovou rasilin komai? !Inau nakileak! !Keik kovi Meatin Votut onen Ahi!”

Luk 4:16

Iesu mual rokol taon ten out Nasaret, out koa kei moul ien. En Sabat, va en eim tahihiseien suval koa lises mumoni. Ka navong mulomal vahuli Tus Votut onen Ahi,

Sion 1:46

Navong long selusien enek, Nataniel visi vit, “?Anatin? Tounah tovuol vatahos kilea vaka en taon kuren tai koa suval Nasaret.” Ka Pilip vit kesi vit, “Amai, les visi.” Ka lumual luva ven Iesu.

Sion 19:19

Evus, aling tisien tai nesa en aiveave onen koa Paelet mutisi vit, “Koanik Iesu ten out Nasaret, asuv houlu onen Siu keil.”

Sion 7:41

Ka tei keil avit, “Vuo, kei vi Mesaea varei.” Ka tei mun en keil avit, “Kei sakras vahi Mesaea veni Mesaea sakras vaka en provins ten out Kaleli.

Sion 7:52

Hetetamen sav keil avul kati avit, “!Ei! ?Mukave? ?Keik emun kovi koan Kaleli? Munak kilekat visi en selusien vasi keil ten Tus Votut, kilei kilea keke provet tovuol vaka en provins ten out Kaleli.”

Umen 6:14

Komai meraengoni viteni vit Iesu koanik ten out Nasaret hou lin Eim Votut onen Ahi ka hehiles sakien keil koa Mosis sani min avu keil orer.”

Revelesen 22:16

“Inau, Iesu, koa nasila angelo onak vahit mesein tounah keil ekek min kami koa mika en sios vasi keil. Inau navi kei koa provet keil avit luvati vit heka en vatiamal onen asuv houlu Deved ka hekur ris losilkatien onen. Inau navi Melan, hitu ten visokon koa avat kati avit hemai.”