Mak 10:34 - Paama Bible

³⁴ Keil umon tohtohien heha kat inau, itiv kat inau, itah inau en viau, ka u vini nau. Ka navong avong hetel teni heli, nimoul eris ran matien.”

Tus Votut en selusien ten out Voum

³⁴ Keil umon tohtohien heha kat inau, itiv kat inau, itah inau en viau, ka u vini nau. Ka navong avong hetel teni heli, nimoul eris ran matien.”

Mak 10:34 Iomraidhean Croise

Sam keil 16:10

veni kokur koe nau ran keihoen ten matien. Lises namum vasi umen koa kosani minau, sakini, konaseseintei nau nihas en out ten matien.

Aesea 50:6

Navong meatin keil e vati avatah nau en viau ven umen koa keik kosani minau, namaen eisiluk min keil amutahi. Navong keil aleh lat hiluk ten veimasok ka amutiv kat veinak, narling suaintei veinak ran keil. Ka navong keil aselus karen nau, naro raeng enges.

Aesea 53:3

Meatin keil amundem maeni ka aseseini. Kei vi meatin koa kilea revi sakvisien keil ka mahien keil emun. Kei vi meatin koa meatin sav keil amundem heisav eni ka e rovattei availea kei.

Matiu 16:21

En avong enek eva, Iesu vit kilea min meatin keil onen keke kei heha en out Serusalem. Ka navong itokol Serusalem, kei hekur mahien hehi houlu en hen elda keil, asuv keil onen pris keil, ka tiser keil ten mengkatien onen Mosis. Kei vit meseini min keil keke uasi hemat, ka en avong hetel, kei hemoul eris ran matien.

Matiu 26:67

Evus, keil amutiv kat nan ka amuti. Ka tei sav en keil akovasi

Matiu 27:63

Umai veni ka aviteni avit, “Asuv, memundem kati keke navong meatin taluvosien enek moul veah kei viteni vit, ‘Avong hetel evus, inau nimoul eris ran matien.’

Mak 14:63

Asuv houlu onen pris keil tin tisa houlu ven selusien onen Iesu. Sakini, rali vas eisin omon ka musel vit, “?!Vensa romul rolekat selusien sav koa vaha kati!?

Mak 14:65

Ka tei en keil amutiv kat Iesu, apar koe meten ka amul amuti. Navong amumoni avit, “?!Ei provet, hit visi, isei mutik!?” Evus, meatin taleikokoeien keil ten eim enek akulat Iesu ran keil, ka keil esuk amul amuasi.

Mak 9:31

Iesu mumoni mukonek keke kilea vahisein meatin keil onen. Kei viteni mukok vit, “Meatin tai hesa lat inau, Natin Meatin, niha en hen meatin keil ten out netan koa u vini nau. Ka, en avong etel teni, inau nimoul eris ran matien.”

Luk 23:11

Ka Herod ka meatin tavaeen keil onen emun akareni. Keil amumon tohtohien mini ka amusin en Iesu en more kaliko tai suval koa vi asuv houlu tai. Evus, asila risi va ven Paelet.

Sion 1:17

Ka en Mosis telamu, Ahi san mengkatien keil onen min meatin keil. Ka, ka en Iesu Kristo, Ahi rie lat more envatien ka anatinien onen min meatin keil.

Sion 2:10

ka selus tahos mini vit, “Meatin sav keil koa amumon mari anien keil, mulamu, amul asani min meatin keil uaen koa tahos koa mani teni keih. Ka navong meatin keil amunmun houlu ka armun kileatei mun kasien teni, asan uaen koa rotahos ramattei min keil. Ka keik, kovuli kat uaen koa tahos imok keke kokilea suk kovasani min komai vakatau.”

1 Korin 15:4

Navong mat, arahini. Ka en avong etel teni, Ahi rali lati moul eris ran matien musil asa koa amutisi en Tus Votut.