Mak 10:21 - Paama Bible

²¹ Iesu lesi ka envatien onen mul ien ka vit, “Tounah tas kormumontei veah. Kiha mau, kisalem en tounah vasi keil onom, ka kisan mani teni min koakeil tounah one tovuol. Hesakini tounah onom hehi houlu en out nesa. Evus, kimai, kusil nau.”

Tus Votut en selusien ten out Voum

²¹ Iesu lesi ka envatien onen mul ien ka vit, “Tounah tas kormumontei veah. Kiha mau, kisalem en tounah vasi keil onom, ka kisan mani teni min koakeil tounah one tovuol. Hesakini tounah onom hehi houlu en out nesa. Evus, kimai, kusil nau.”

Mak 10:21 Iomraidhean Croise

Matiu 16:24

Evus, Iesu viteni min meatin keil onen vit, “Munak meatin etai en vati vousil nau, kei hesesein moulien onen, hehous aiveave onen, ka housil kat nau.

Matiu 19:21

Iesu viteni mini vit, “Munak keik em vati kovamal vasi, kiha kisalem en tounah vasi onom ka kisan mani teni min koakeil tounah one tovuol. Ka munak kumoni hemukonek, tounah onom hehi houlu en out nesa. Hevus, kimai ris ka kusil nau.”

Mak 10:22

Ka navong meatin enek long selusien onen, en von ka nan tisa eni. Mual va rani ka longe tisa veni tounah onen houlu.

Mak 8:34

Evus, Iesu vise meatin keil ral min teindan elu (12) onen umai vituai veni ka vit, “Munak keik tai em vati kovousil inau, kisesein moulien onom, kihous aiveave onom, ka kusil inau.

Luk 10:42

Tounah tas mal keke kamil milvoumoni. Meri ling rendemien onen tuai keke voumon asa koa mal imok, ka inau nirkulattei rani.”

Luk 12:33

Sakini, mihesalem en tounah keil vasi onami ka mihesan mani keil teni ven koakeil tounah one tovuol. Hesakini, Ahi helei kilea sakien enek ka hesan uite teni min kami en out nesa. Anatin, uite koanik hetahos vis hetahos imok. Sakras vamande ka meatin sakras vahenani.

Luk 16:9

Ka naviteni min kami, mani onami sakras val vataveah. Sakini, mihelah meatin keil imai avahi tuomi keil ka mihekataun keil hetal tounah keil onami en out netan ekek. Veni navong mihelokovein tounah keil onami en out netan, time keil onami ikur revi kami en teim se keil en out nesa.

Luk 18:22

Navong Iesu longe mukok, kei viteni mini vit, “Tounah tamun kormumontei veah. Kiha kisalem en tounah vasi keil onom ka kititi mani teni heha ven koakeil tounah one tovuol. Hesakini, en out nesa, tounah onom keil hemai hehi houlu tamun. Hevus, kimai kusil kat inau.”

Luk 19:41

Navong Iesu mai vesesal en taon ten out Serusalem, kei lele lesi, ka mis

Luk 9:23

Evus, Iesu viteni min keil vit, “Munak meatin tai en vati vousil nau, helamu heting koe kei sasen en asa keil koa kei enges en vati. Hevus, en avong vasi, hehous aiveave ten matien onen, ka housil kat nau.

Sion 12:26

Koakeil e vati avoum minau, keil usil inau. Veni out koa namul ien, meatin toumien keil onak il hetal minau. Ka Tata onak hehouhou min meatin sei keil koa amum minau.

Sion 16:33

Naviten tounah keil ekek min kami keke miheapil vituai hetal minau, ka, hesakini, tomat hel en tinomi. Navong mimul en out netan ekek, mihehisu en sakvisien keil. !Ka mihekeih, veni namu lin keihoen onen Temat tuai, koa vi avat ten out netan!”

Umen 2:45

Ka tei en keil asalem en hati atan keil one vuo tounah sav tai, ka asan mani teni va min koakeil atamurei en tounah.

2 Korin 12:15

Inau nasi nau mok masa vasin tounah onak ka moulien onak emun vakataun kami eni. ?Ka munak envatien onak en kami mariso mukok, vensa varei envatien onami enau havivis?

2 Timoti 3:12

Anatin, meatin vasi keil koa e vati keke avousil sise koa mal onen Ahi ka usil kat Iesu Kristo, keil ikur sakvisien en hen meatin sav keil veni.

Hibru 10:34

En avong mulamu enek, kami emi mahis koakeil amul en eim takeih. Ka navong kavmen san mahien min kami veni mivi Kristin keil ka amaen meatin keil umai alah vasin tounah onami, mimaen revi min keil ral min sien. Mimaeni veni mikilea keke tounah onami ten demkatien hel lisenges ka tahos vis tahos imok mulin tounah koa akuri.

Tiemes 2:10

Veni, avaseini mimusil katiat mengkatien keil vasi onen Ahi, munak mirali vas tanges, mimumon tisaen en meten Ahi suval mirali vas mengkatien keil vasi.

Revelesen 2:14

“Ka tounah ekek nakur kati va kat kami: mimaen tei en kami amusil vati hihiseien keil koa asuval hihiseien keil onen Balaam telamu. Kei visein asuv houlu Balak mukave valamun me-Isrel keil avamot en tisaen en sakien koa avaan anien koa asani tuai va min nana keil ka avoum vatisa vatal min ahin keil.

Revelesen 2:20

“Ka tounah ekek nakur kati va kat kami: mimaen ahin koa sakien onen suval Sesebel telamu vato vatal kami. Kei mul vise sasen eni vit vi provet onen Ahi. Hihiseien keil onen mul luvos eiloheh onak keil keke tahosis umon sakien ten hoeasoen ka ian anien koa asani tuai min nana keil.

Revelesen 2:4

“Ka tounah ekek nakur kati va kat kami: milokovein envatien koa, mulamu, mirie lati minau ka min meatin sav keil.