Mak 1:35 - Paama Bible

³⁵ En visokon semau, out vong veah, Iesu mea ran keil, va en out tai koa kilea heto kei sa sen, ka mul vis.

Tus Votut en selusien ten out Voum

³⁵ En visokon semau, out vong veah, Iesu mea ran keil, va en out tai koa kilea heto kei sa sen, ka mul vis.

Mak 1:35 Iomraidhean Croise

Sam keil 5:3

en visokon, kolong rek. Navong meteiai kistal, namul napeahik, ka nakilea keke kisan heite minau.

Matiu 14:13

Navong Iesu raengon longlongien keke Sion mat, kei vut en vot ral min onen keil keke avalis uva en out seh tai koa meatin keil tovuol ien. Ka navong meatin keil araengoni, keil aka en taon keil one ka akaka amusili.

Matiu 14:23

Navong sila meatin keil evus, kei mual vina nesa en vatihou tai kei sasen enges keke vahis. Ka navong vongien emai, Iesu enges ro en out enek.

Mak 1:36

Ka navong Saemon Pita ka teisav emun keil amea, amul alekat Iesu.

Luk 5:16

Ka avong houlu, Iesu mea ran meatin keil keke vato sasen enges ka vahis.

Luk 6:12

En avong tai, Iesu vina en hou tai keke vahis. Kei vis min Ahi en vongien enek va rokol visokon.

Sion 4:34

Sakini, Iesu viteni min keil vit, “Navong namul namusil rendemien onen Ahi koa sila nau numai keke num vasi en umen onen, nalonge suval nakanian tuai.

Sion 6:15

Iesu kilea keke tali meatin keil imai ka ikeih kati keke vamai vahi asuv houlu one. Sakini, lokovein keil amules, ka vina va en vatihou tai nesa keke vato sasen.

Efeses 6:18

Ka navong mimusin mukok, lisenges, mihehis min Ahi housil asa koa Ninin Votut mul rie lati min kami. Ka mihehis emun keke Ahi hesan kataunien min kami. Ka navong mivis, avemi namahtei, ka minalokoveintei hisien keil onami ven meatin savsav keil onen Ahi.

Pilipae 2:5

Rendemien onami heha netan hesuval etin rendemien onen Iesu Kristo mul netan.

Hibru 5:7

En moulien onen en out netan, Iesu vis min Ahi ka peahi ven kataunien ral min si meten. Anatin, makul keih va min Ahi koa kilea voutut kei ran matien. Ka Iesu vouhou min Ahi, ling rendemien onen mul netan, ka ling moulien onen en hen. Sakini, Ahi raengon hisien keil onen.