Mak 1:32 - Paama Bible

³² En mendilah enek, navong Sabat evus ka meatin keil akilea avoum, alah koakeil amesai ral min keil koa ninin tisa mul en keil, uva ven Iesu.

Tus Votut en selusien ten out Voum

³² En mendilah enek, navong Sabat evus ka meatin keil akilea avoum, alah koakeil amesai ral min keil koa ninin tisa mul en keil, uva ven Iesu.

Mak 1:32 Iomraidhean Croise

Matiu 4:24

Ka longlongien usili ka vasi out en provins ten out Siria emun. Sakini, meatin keil ten out enek alah koakeil amesai en mesaien savsav keil: koakeil ave litu ramat, koakeil ninin tisa mul en keil, koakeil avi leimatmat, ka koakeil hati usive mat. Keil alah keil vasi umai ven Iesu ka kei sak revi keil.

Matiu 8:16

Navong meteiai munu, meatin keil alah koakeil ninin tisa mul en keil, ka Iesu vile lat ninin tisa keil avaha ran keil ral min selusien enges onen. Ka meatin vasi keil amesai, kei sak revi keil.

Matiu 8:17

Kei mumon tounah enek vasakin asa koa Ahi viteni ka en provet Aesea hemai hehi anatin koa vit, “Kei lah lat mesaien keil orer ka kur mahien keil orer en aven.” (Aes 53:4)

Mak 1:21

Iesu ral min meatin onen telva en meteimal ten out Kapaniam. En Sabat, telva en eim tahihiseien onen Siu keil ka Iesu mul vihisei eni.

Mak 1:31

Iesu va veni, vuli kat hen ka rali lati mea. Hatte tas, mesaien vuol rani, kei longe tahos ka mumon anien aeatel.

Mak 3:2

Ka koakeil aro en out enek, amul alei mamah eni keke avalesi munak kei houmon hen meatin enek hetahos en Sabat veni alekat tounah koa akilea avasan selusien tisa vaha kati.

Luk 4:40

Navong meteiai va netan ka Sabat evus, meatin keil akilea avoumon tounah. Sakini meatin houlu avous koakeil amesai en mesaien savsav keil uva ven Iesu. Kei ling hen en retai en keil, ka sak revi keil vasi umai atahos.

Luk 4:41

Ka navong Iesu vile lat ninin tisa keil ran meatin houlu, avisohiso keih va mini avit, “!Keik kovi Natin Ahi anatin!” Ka kei ring koe keil keke anaselustei veni akilea kei vi Mesaea koa Ahi rie lati.