Mak 1:11 - Paama Bible

¹¹ Ka rea tai ka en out nesa vit, “Keik, kovi natkuli. Ka inau, nasi nau venuk.”

Tus Votut en selusien ten out Voum

¹¹ Ka rea tai ka en out nesa vit, “Keik, kovi natkuli. Ka inau, nasi nau venuk.”

Mak 1:11 Iomraidhean Croise

Aesea 42:1

Provet Aesea vit mesein selusien onen Iahova vit, “Ekek, meatin toumien onak koa nasan keihoen mini. Kei varei narie lati, ka nasi nau veni. Nasieni en Ninin onak, ka helosil kat revi out vasi keil en sakien ten maluen.

Matiu 12:18

“Koanik meatin toumien onak koa narie lati, envatien onak mul ien ka nasi nau houlu mok veni. Nisien kati en Ninin onak, ka kei hehitehiten maluen onen Ahi min meatin vasi en out netan.

Matiu 17:5

Ka navong Pita mul veah selus, mahmah tai koa vihil mai mutaluh koe keil, ka along rea tai ka eni koa vit, “Koanik vi Natkuli kati ka envatien onak mul ien. Nasi nau houlu veni. !Mithelong kati!”

Matiu 3:17

Ka rea tai selus ka en out nesa ka viteni vit, “Koanik vi natkuli kati, koa envatien onak mul ien. Inau nasi nau mok veni.”

Mak 1:10

Ka navong Iesu mea ran oai, lele vina nesa ka les teilang mutah. Ka Ninin Votut muka mita netan ka rondan eni suval ame tai.

Mak 9:7

Evus, mahmah tai kistal ka mutaluh koe keitel, ka tellong rea tai koa vit, “Koanik vi Natkuli kati tas varei keisom, ka envatien onak mul ien. !Mithelong kat ren!”

Luk 3:22

ka Ninin Votut muka mita suval ame ka rondan en kei. Ka rea tai viso ka en out nesa vit, “Keik kovi natkuli kati anatin koa envatien onak mul enuk, ka nasi nau mok venuk.”

Luk 9:35

Ka rea tai musel ka en mahmah koanek vit, “Koanik vi Natkuli kati koa narie lati, ka envatien onak mul ien. !Mithelong kati!”

Sion 1:34

Anatin eli naviteni min kami keke nalesi tuai. Ka navit leini min kami keke meatin enek varei vi Natin Ahi anatin.”

Sion 3:16

Veni envatien onen Ahi mul en meatin vasi keil ten out netan houlu vis houlu mok, mae lat Natnali tas. Ka koakeil vasi akur anatin eni irvuoltei, ka ikur moulien ten lisenges.

Sion 5:37

Ka Tata koa san inau numai, kei mun selus en usite onak. Ka kami mirlongtei veah ren vuo mirlestei veinan.

Sion 6:69

Ka komai meling demkatien onomai enuk ka melei kilea keke keik kovi Mesaea, Meatin Votut onen Ahi.”

Rom 1:4

Ka Ahi rie lati mun keke vi Natnali kati ral min keihoen navong Ninin Votut sakini moul eris ran matien. Kei vi Iesu Kristo, Asuv orer.

Kolose 1:13

Kei mutut ir ran keihoen ten mankoli, ka ling revi ir en keihoen onen Natnali koa envatien onen mul ien keke kei helosil kat revi ir suval asuv houlu orer.