Maeka 5:4 - Paama Bible

⁴ Navong hemai, helosil kat revi meatin keil onen hetal min keihoen koa Iahova hesani mini. Kei houm en isen Iahova koa hetetamen imok. Meatin keil onen ito en tomat, veni meatin vasi keil ten out netan ilei kilea keke kei vi hetetamen imok ka ihouhou mini.

Tus Votut en selusien ten out Voum

⁴ Navong hemai, helosil kat revi meatin keil onen hetal min keihoen koa Iahova hesani mini. Kei houm en isen Iahova koa hetetamen imok. Meatin keil onen ito en tomat, veni meatin vasi keil ten out netan ilei kilea keke kei vi hetetamen imok ka ihouhou mini.

Maeka 5:4 Iomraidhean Croise

Sam keil 145:12

Keil umoni hemukonek keke meatin vasi keil ilea sakien keil koa mul rie lat keihoen onom. Anatin, keil ilea suk keke losilkatien onom mariso mok.

Sam keil 93:1

Iahova, keik vi asuv houlu orer. Komusin en keihoen ka hetetamenien. Keik komum revi out netan, ka tounah tovuol kilea vakaikai eni.

Sam keil 98:3

Kei en rovobongentei vatie lat envatien onen min me-Isrel keil, ka lisenges kei mum vasin hatkatien keil onen. Meatin keil ten out vasi netan alesi mukave keihoen onen Ahi orer mulin teisav keil.

Aesea 49:5

Meatin toumien onen Iahova viteni vit, “Mulamu, navong arvasitei nau mau, Iahova rie lat nau tuai keke mahi meatin toumien onen. Anatin, rie lat nau malah ris me-Isrel keil koa amul soutin rani. Iahova vati lat inau, ka keihoen onak ka veni.”

Aesea 52:13

Iahova selus ka en provet Aesea vit, “?Kami milesi? Meatin toumien onak houm hetal min meteisauen, ka houm vasi tounah koa nalingi en hen. Ven sakien enek, nihati lati ka nisan houhouen mini. Anatin, nisan more eis ten hetetamenien mini.

Sakaraea 9:10

Kei hekopahas kat tavaeen keil en atan ten out Isrel, ka hos tavaeen keil itovuol emun en taon ten out Serusalem. Hisuput tavaeen keil, kei heta vulvuli hehi soksokeite. Asuv houlu onami enek heling tomat hel en kantri keil. Hakot ten losilkatien onen hel en vali Atas Medeterenia en out not heha hetokol vali Atas Tahilhili en out saot. Atan osen, hakot teni hel en vali Oaisal Upretis en out ist heha vio … hetokol keite ten out netan en out wes.”

Matiu 16:18

Ka naviteni minuk keke kovi ‘Pita’ koa aneite teni vi ‘ahat.’ Ka en ahat koanek, numon Sios onak hel ien. Ka keihoen vasi ten matien sakras vamai vapuruni.

Matiu 2:6

‘Avaseini keke vatiamal onen Betlehem vi havivi mok en vatiamal sav keil onen me-Sudah keil, ka nisakin asuv houlu tai hekistal en vatiamal koanek. Kei helosil kat revi meatin keil onak ten out Isrel.’” (Maek 5:2)

Matiu 25:31

Iesu mules selus min meatin keil onen vit, “Navong inau, Natin Meatin, nimai ris eni, nimai en mari muohien ka hetal min angelo vasi keil. Hevus, nitondan en vulin ten keihoen onak hetal min hetetamenien keke nilei revi usite onen meatin keil.

Luk 1:32

Kei hehi hetamen tai ka ihise en ‘Natin Ahi koa ro en out nesa.’ Ka Ahi Asuv helingi hehi asuv houlu tai hesuval avu onen telamu, asuv houlu Deved.

Sion 10:38

Ka munak namul namumon merikel keil, avaseini mirkurtei anatin enau, mal keke mihekur anatin en tounah koa namul namumoni. Hemukonek, miheilea keke Tata mul kapil vituai ral minau, ka inau namul nakapil vituai ral mini.”

Sion 20:17

Iesu viteni mini vit, “Konahuli kattei inau, veni narvinatei veah ven Tata onak. Ka keik kiha ven tuak keil ka kihiteni min keil keke mahina mau ven Tata onak koa vi Tata one, Ahi onak ka Ahi one.”

Efeses 1:3

Ir rosan masmasien va min Ahi koa vi Tata onen Iesu Kristo, Asuv orer. Ven apiluen orer ral min Iesu Kristo, Ahi rokol kat ir ral min sanien vasi keil koa ka en out nesa.

1 Pita 1:5

Tounah keil enek avi onami koa Ahi mul ring koe kami ral min keihoen onen. Kei mul ring koe kami ral min demkatien onami hetokol keite ten tounah vasi koa hehothot en keite ten sise ten mututien koa kei ling kati.

Siud 1:1

Inau, Siud, namutis leta koanik. Navi slev onen Iesu Kristo ka Tiemes vi tuak kati. Namutis va min kami koa Ahi Tata vise kami mivi onen, koa mimul en envatien onen, ka koa mimul en leikokoeien onen Iesu Kristo.

Revelesen 11:15

Evus, vativar ten angelo keil koa oulu (7) en keil muh amaru onen. Navong muhi, naraengon rea keil takeih ka en out nesa aviteni avit, “Kosa, hiasuvien ten losilkatien ten out netan mai mul en hen Asuv orer ka Mesaea onen. Ka hiasuvien teni hel en hen lises ka lisenges.”