Maeka 5:2 - Paama Bible

² Ka Iahova vat kati min meatin keil onen ka en provet Maeka vit, “Avaseini keke vatiamal onen Betlehem Efrat vi havivi mok en vatiamal sav keil onen me-Sudah keil ka nisakin asuv houlu tai hekistal ien koa helosil kat revi me-Isrel keil. Anatin, en avong telamu, kei mul tuai, ka hemai ris helosil kat me-Isrel keil.”

Tus Votut en selusien ten out Voum

² Ka Iahova vat kati min meatin keil onen ka en provet Maeka vit, “Avaseini keke vatiamal onen Betlehem Efrat vi havivi mok en vatiamal sav keil onen me-Sudah keil ka nisakin asuv houlu tai hekistal ien koa helosil kat revi me-Isrel keil. Anatin, en avong telamu, kei mul tuai, ka hemai ris helosil kat me-Isrel keil.”

Maeka 5:2 Iomraidhean Croise

Senesis 35:16

Avong vahis muli, Siekob ka onen keil amea ran out Betel. Ka navong amul amual semau, soutin neli ran out Efrat, avong mai keke Resel vakur tivava ka kei votini keih.

Senesis 35:19

Navong Resel mat, arahini en vali sise koa va Efrat (kosa, out enek avise en Betlehem).

Senesis 49:10

Hiasuvien ten keihoen onen asuv houlu keil hel lisenges en Sudah ka vatiamal onen. Meatin keil ten kantri sav ihouhou mini, ilong kati ka isan sanien keil one mini.”

Eksodas 18:21

Ka hetahos imok keke kitie lati mun tei meatin keil koa kolesi avinvin avakataunuk, ka kiling keil ihi metai avalosil kat vangi meatin keil: vangi meatin koa halualim (10) amul ien; vangi meatin koa hanumau elu ka halualim mun (50) amul ien; vangi meatin koa handred tai (100) amul ien; ka vangi meatin koa taosen tai (1000) amul ien. Koakeil enek ihi vati meatin koa avouhou min Ahi, desien onen meatin sav keil amul en keil, ka asakras avakur mani en sise ten luvosien.

Eksodas 18:25

Sakini rie lat meatin keil koa avinvin ven umen koanek ka ling keil avi metai alosil kat vangi meatin keil: vangi meatin koa halualim (10) amul ien; vangi meatin koa hanumau elu ka halualim mun (50) amul ien; vangi meatin koa handred tai (100) amul ien; ka vangi meatin koa taosen tai (1000) amul ien.

Aesea 11:1

Iahova selus ka en provet Aesea vit, “Kosa, losilkatien koa ka en vatiamal onen asuv houlu Deved mai rokol keite teni suval vatiai tai koa ara lati. Ka avaseini, asuv houlu hau tai hekistal rani, hesuval silite mul vitehiteh ran vatte.

Aesea 53:2

Vi rendemien onen Iahova enges keke meatin toumien onen hemoul hesuval liai koa viteh en atan tames. Tounah tovuol en veinan vuo en aven koa vasakin meatin keil avandem usili vuo avousili. Anatin, tounah tovuol varei eni koa valeh meten meatin keil.

Aesea 7:14

Ekek, Iahova keinges hetie lat tounah hehi metai tai minuk keke kilesi. Atouli hau tai hemeas en titiali ka navong hekuri hehi ehon tai, ka heling isen ‘Imanuel’ koa aneite teni vi, ‘Ahi ro ral min ir.’”

Sakaraea 9:9

Iahova selus ka en provet Sakaraea vit, “!Mihesi kami! !Meatin keil koa mimul en Hou Saeon, mihesi kami hemariso! Anatin, koakeil aro en taon ten out Serusalem, mihemakul en sien. !Milesi! Asuv houlu onami mai valosil kat kami. Keihoen mul en hen ka vae mulin vativieh keil onen tuai. Ka kur rendemien ten merauen ka muloh en dongki tai. Anatin, rondan en titan dongki tai ka mul mai.

Matiu 2:1

Iesu avasi en meteimal ten out Betlehem en provins ten out Sudea, en avong koa Mari Herod vi asuv houlu ten provins enek. Ka katau en hasuen onen Iesu, hetetamen tei keil aka en out ist ka umai akistal en taon ten out Serusalem. Koakeil enek ales hitu keil keke avalei kilea asa koa hekur out en out netan.

Matiu 2:6

‘Avaseini keke vatiamal onen Betlehem vi havivi mok en vatiamal sav keil onen me-Sudah keil, ka nisakin asuv houlu tai hekistal en vatiamal koanek. Kei helosil kat revi meatin keil onak ten out Isrel.’” (Maek 5:2)

Matiu 28:18

Ka Iesu mai vesesal ka viteni min keil vit, “Tata onak ling tounah vasi en out nesa ka en out netan mul en hek.

Luk 23:2

Evus, keil avit lati mini sakien tatisa keil koa avit Iesu mumoni avit, “Komai mevotini keke meatin ekek mul ling rendemien keil tatisa min Siu keil. Kei mul ring koe keil keke anahultei takis min Sisa ka kavmen ten out Rom. Ka kei mul viteni vit kei vi Mesaea koa Ahi rie lati vamai vahi asuv houlu tai.”

Luk 23:38

Evus, keil aling tisien tai nesa en aiveave onen koa vit, “Koanik vi Asuv Houlu onen Siu keil.”

Sion 7:42

Veni Tus Votut viteni keke Mesaea heka en vatiamal onen asuv houlu Deved, ka ihasi en out Betlehem, taon koa Deved ro ien en avong telamu.”

Kolose 1:17

Iesu Kristo mul mulamu en tounah vasi keil ka sakin tounah vasi keil enek amul amusil asa koa Ahi ling kati.

Hibru 13:8

Iesu Kristo vatte tas nenganeh, kosa ka lisenges.

Hibru 7:14

Anatin, Asuv orer kistal en vatiamal onen Sudah. Ka Mosis rovitentei usil vatiamal koanik navong selus usil pris keil.

1 Sion 1:1

Inau, Sion, namutis leta koanik va min kami usil kei koa vi ‘Vati Selusien ten Moulien,’ kei koa ro tuai mulamu en tounah sav vasi keil. Kei, komai melonge, ka melesi en metomai. Anatin, melesi ka hemai rokoli.

Revelesen 19:16

Eis tai mul en eisin omon ka en horan koa vit, “Asuv Houlu onen asuv houlu savsav keil, ka Avat onen avat savsav keil.”

Revelesen 2:8

Evus, Iesu vit risi minau vit, “Kitis selusien koanik heha min angelo koa losil kat sios ten out Samerna kihit: “Koanik selkatien onen tai koa sakin tounah vasi mul ka hesakini hevuol eris; kei koa mat ka moul eris ran matien.

Revelesen 21:6

Ka kei viteni vit, “!Vus tuai, namum vasin asa koa ek vati moumoni! En tounah vasi keil koa mul, inau naro mulamu eni ka nito hekatau eni. Anatin, nasakini mul ka nisakini hevuol. Min etai koa maroro kati, inau nisa maen oai hemuni koa ka en vulioai koa san moulien ten lisenges.

Rut 1:1

En avong mulamu, avong koa Iahova mul san metai keil avakataun me-Isrel keil veni arkurtei veah asuv houlu tai valosil kat keil, an tisa mai en out koa me-Isrel keil aro ien. Anatin, ous romustei avong houlu ka sakin anien tovuol ka amai kat meatin keil. Sakini, meatin tai ten out Betlehem mul en atan onen me-Sudah keil, kei va en kantri ten out Moab, isen Elimelek, ka kei kistal en mari vatiamal onen Efrat. Kei va ral min ahin onen, isen Noume, ka ral min natnali keilu, isealu Malon ka Kilion. Telva telro en atan onen me-Moab keil sua vahis.

Rut 4:11

Hetetamen keil ka meatin tateisav keil emun aviteni mini avit, “Anatin, komai meles tounah keil koa kur out kosa. Mevisi keke Iahova houmon ahin enek koa hemai heto en teim som hemai hesuval Resel keilu Leah koa lukur ehon keil houlu onen avu Siekob koa umai avi mari vatiamal keil ten out Isrel. Ka en usite onom, mehis Iahova houmonuk kimai kihi hetetamen tai koa meatin keil koa akistal en mari vatiamal onen Efrat ihouhou mini. Anatin, mehis mini keke hesan eis tai minuk koa hehi hetetamen imok en meteimal ten out Betlehem.

1 Samuel 10:19

Inau navi Ahi onami koa mul mutut kami ran mahien keil onami ka avong takeih keil emun. Ka kosa, misesein losilkatien onak ka mivis nau masan asuv houlu tai min kami. Mukonek, almai, mihelomal ekok en metok housil mari vatiamal keil onami. Evus, mihetiti vas kami housil titi amal keil koa mika ien.’” Sakini, Iahova viteni min Samuel keke hehotin asuv houlu onen me-Isrel keil en sakien koa aleh isen meatin eni. Ka Samuel mumoni en mari vatiamal keil, ka leh isen vatiamal onen Bensamin. Mumoni min titi amal keil, min famle keil ka min meahos keil emun ten famle koanek va vio … Samuel leh isen Sol. Ka navong uva avalekati Sol, avotini ro suai en out koa meatin keil aling ateli one ien veni kei metau.

1 Samuel 8:12

Asuv houlu enek hesakin tei en keil imai ihi avat keil avalosil kat vangi meatin keil tavaeen koa meatin keil hanumau elu ka halualim emun (50) amul ien. Ka tei mun en keil, ihi avat keil avalosil kat vangi meatin keil tavaeen koa meatin keil taosen tai (1000) amul ien. “Kei hekur tei mun en ehon keil onami keke um mini en mari ah esen keil. Keil ikah atan esen, ka hevus, isuhut en anien teni hehi an. Keil umon kat talohien onen ral min tounah vasi keil tavaeen onen emun.