Maeka 5:1 - Paama Bible

¹ Provet Maeka selus min me-Isrel keil vit, “Meatin keil ten out Serusalem, rehemai out hetas keke rovaha rovavae, veni vativieh keil orer akarahit koe taon orer. Keil umai avou purun asuv houlu onen me-Isrel keil, umai avouas vatin en ai tai.”

Tus Votut en selusien ten out Voum

¹ Provet Maeka selus min me-Isrel keil vit, “Meatin keil ten out Serusalem, rehemai out hetas keke rovaha rovavae, veni vativieh keil orer akarahit koe taon orer. Keil umai avou purun asuv houlu onen me-Isrel keil, umai avouas vatin en ai tai.”

Maeka 5:1 Iomraidhean Croise

Senesis 35:19

Navong Resel mat, arahini en vali sise koa va Efrat (kosa, out enek avise en Betlehem).

Senesis 49:10

Hiasuvien ten keihoen onen asuv houlu keil hel lisenges en Sudah ka vatiamal onen. Meatin keil ten kantri sav ihouhou mini, ilong kati ka isan sanien keil one mini.”

Proveb 8:23

En avong koa mum rohtoh en tounah keil, inau namulamu en keil. Navong out netan tovuol veah, inau namul tuai.

Matiu 26:67

Evus, keil amutiv kat nan ka amuti. Ka tei sav en keil akovasi

Matiu 27:30

Evus, amutiv kati ka asakit lat eisal rani ka amuas vatin eni.

Matiu 5:39

Ka inau naviteni min kami keke minasa kestei tounah koa meatin tai mumoni tisa min kami. Munak meatin tai kovas veasom en usite matu, kimaeni heovas usite meil emun.

Sion 18:22

Navong Iesu viteni mukok, meatin taleikokoeien tai onen asuv houlu onen pris keil kovas veinan Iesu ka vit, “?!Vensa varei komul koselus mukonek min asuv houlu onen pris keil!?”

Sion 19:3

Evus, keil umai amumon tohtohien eni avit, “!O asuv houlu onen Siu keil, mevouhou minuk!” Ka umai veni ka amumuasi en vatin.

Umen 23:2

Navong asuv houlu onen pris keil koa avise en Ananaeas longe mukok, meng kat koakeil amulomal vesesal ven Pol keke avovasi en ongon.

2 Korin 11:20

Veni navong meatin keil umai ka akeih kat kami mivousil rendemien one, kami mimaenis. Kami mimul mimaen keil avenan tounah onami, aling kami en he, avati lat keil en metomi, ka aselus karen kami.