Kolose 2:3 - Paama Bible

³ Veni kei vi vatte ten mormore meteisauen ka ileilien vasi keil onen Ahi.

Tus Votut en selusien ten out Voum

³ Veni kei vi vatte ten mormore meteisauen ka ileilien vasi keil onen Ahi.

Kolose 2:3 Iomraidhean Croise

Aesea 11:2

Ninin Votut onen Iahova hesieni ka hesan meteisauen ka ileilien mini. Hekatauni vailea en sise koa mal ka hesan keihoen mini keke voum eni. Ninin Votut koanek hesakini heilea revi Iahova ka hehouhou mini.

Matiu 10:26

“Sakini, minametauntei keil. Tounah koa meatin sak visi vaav koe, Ahi helah lati hemai en mesai. Anatin tounah koa aling suaini, Ahi hesakini hemai en mesaiuai keke meatin keil ilei kilea eni.

Luk 11:49

Koanek suval asa koa Ahi koa vi meteisau imok viteni vit, ‘Inau nisila provet keil ka eiloheh keil onak iha min meatin keil onak. Tei en keil, u vinvini keil, ka teisav en keil, ipurun keil.’

Rom 11:33

!Navati lat isen Ahi! Kei vilelau en tahosien, meteisauen, ka ileilien. ?Isei kilea vailea vasin rendemien onen? Tahosien koa rie lati min meatin keil ka sakien keil koa kei mumoni min keil, rosakras rovailea vensa mumoni mukonek.

1 Korin 1:24

Ka min koakeil Ahi vise keil, avaseini avi Siu vuo arvitei Siu, more longlongien koanik usil Kristo rie lat keihoen ka meteisauen onen Ahi.

1 Korin 1:30

Veni Ahi enges sakin kami mikapil ral min Iesu Kristo. Ka Iesu esuk, kei mai vi meteisauen ka maluen orer, kei enges sakin ir rovi votut ka romaluv ran tisaen orer.

Efeses 1:8

Anatin, more envatien onen koa rie lati min ir mariso mok. Ahi vi meteisau ka kilea tounah vasi keil.

Kolose 1:19

Ka en Kristo, ir rolei vasin Ahi, veni tounah vasi koa mul en Ahi, Ahi si kei vasien Natnali eni.

Kolose 1:28

Sakini, komai meva mevitehiten Iesu Kristo min meatin vasi. Ral min meteisauen ka ileilien, memul mesel kat meatin keil ka mevisein revi keil. Memumoni mukonek keke mevalah meatin keil vasi koa akapil vituai ral min Kristo avalomal en meten Ahi vasuval meatin keil koa demkatien one men tuai.

Kolose 1:9

Ven koanik, navong mellong usil sakien onami rokol kosa, komal melromusehtei en hisien onomal ven kami. Melmul melvis Ahi keke hesakin kami miheilea revi asa koa kei en vat kami mivoumoni, ka mihehilelau en meteisauen ka ileilien koa ka ven Ninin Votut onen.

Kolose 3:16

Mihemaen selusien usil Kristo koa vi hetetamen imok hemai hehilelau en moulien onami. Mihehisein kami ka mihesel kat kami hetal min meteisauen. Hetal min masmasien min Ahi, mihesau en sam keil, masmasien keil, ka souen sav keil koa Ninin Votut mul sani min kami.

Kolose 3:3

Veni moulien onami koa mulamu, kei mat tuai. Ka moulien hau koa mikuri mul veah en out nesa ral min Kristo, Ahi rovothot entei veah.

2 Pita 1:5

Ven koa Ahi mumon tounah keil enek, en moulien onami mihesak visi mivaling kat sakien tetahos keil vaha vatal min demkatien onami. Ka hetal min sakien tetahos keil, miheling kat ileilien ten anatinien onen Ahi.

Revelesen 2:17

“!Munak ralingomi mul, mihetaengon selusien koa Ninin mul viteni va min sios keil! En vaeen ten demkatien, koakeil amulomal keih, inau nisan tei manna koa mul suai. Ka nisani mun hetetai min keil ahat tamuoh koa amutis eis hau tai mul ien. Kei nges koa kuri ilea en eis koa mul ien, ka meatin sav keil iteingeingeni.”