Daniel 5:5 - Paama Bible

⁵ Hatte tas, hen meatin tai mai kistal ka mutis selusien tai luhu en vali eim omon asuv houlu. Navong ahe enek mul mutis, asuv houlu Belsesar les vareini veni out enek muto ka laet mul ritin eni.

Tus Votut en selusien ten out Voum

⁵ Hatte tas, hen meatin tai mai kistal ka mutis selusien tai luhu en vali eim omon asuv houlu. Navong ahe enek mul mutis, asuv houlu Belsesar les vareini veni out enek muto ka laet mul ritin eni.

Daniel 5:5 Iomraidhean Croise

Siob 20:5

meatin keil avou lat tisaen ten avong tamureis, ka sien onen koakeil amum tisa hevus hatte tas.

Daniel 4:31

Navong namules veah naselus, rea tai ka en out nesa ka selus minau vit, “!Asuv houlu Nebukanesa, kitaengonau! Koanek vi asa koa Ahi meng kati keke vakistal en moulien onom. Losilkatien koa mul en hem, Ahi kulati tuai ranuk.

Daniel 4:33

Hatte tas, selusien keil enek mai kistal vi anatin enau, koa navi asuv houlu Nebukanesa. Meatin keil alikat nau nalokovein keil ka nuva naro sasok enges. Nakan oumunai suval buluk ka tilep kas avek. Hiluk moul tetaveah suval asupoten tomeahos, ka uti hek moul tetaveah suval uti alen veivakum enges.

Daniel 5:15

Meatin keil enek, koakeil avi meteisau ka koakeil emun avi lingling temat, inau nasisil en keil umai avuli tisien ekek, ka keil asakras avahit luvat aneite teni minau.

Daniel 5:4

Ka navong amules veah amunmun, asan masmasien va min ahi keil one koa avi nana enges koa amumoni en gol, silva, brons, aean, ahat ka ai.

Daniel 5:6

Ka navong lesi, kei metau houlu, aven mai memerau ka alen maleilei.

Daniel 5:8

Ka navong keil umai ales tisien enek, asakras avahuli vuo avahit luvat aneite ten selusien teni.

Kolose 2:14

Mulamu, suval koa amutis kat tisaen vasi keil koa romumoni va kat Ahi ka mengkatien keil onen mul. Ka avaseini kilea vasan mahien min ir veni, kei sahulini. Anatin, tounah keil koa va kat usite orer, Ahi kulati ran ir ka lingi en Iesu navong amuti kati en aiveave.