Daniel 4:3 - Paama Bible

³ Merikel keil koa Ahi rie lati minau tahos imok. Kei rie lat keihoen onen kistal en mari sakien keil koa mul mumoni. Losilkatien onen sakras vavus, ka keihoen hel en hen lisenges.

Tus Votut en selusien ten out Voum

³ Merikel keil koa Ahi rie lati minau tahos imok. Kei rie lat keihoen onen kistal en mari sakien keil koa mul mumoni. Losilkatien onen sakras vavus, ka keihoen hel en hen lisenges.

Daniel 4:3 Iomraidhean Croise

Sam keil 145:13

Losilkatien onom hel lisenges, ka kihi asuv houlu onen meatin keil heha vio … hervustei. Iahova, keik komum vasin hatkatien keil onom, ka korie lat envatien onom ka en sakien keil onom.

Sam keil 66:7

En keihoen onen, mul losil kat out netan, mul lei kokoe en kantri keil vasi keke koakeil asesein losilkatien onen, anahati lat sasentei keil.

Sam keil 92:5

Iahova, umen keil onom avi hetetamen imok, rendemien keil onom mul nesa mok.

Aesea 9:7

Losilkatien onen hemai hekeih imok. Anatin, en hen, meatin keil vasi ito en tomat lisenges. Losilkatien onen hesuval losilkatien onen asuv houlu Deved mulamu. Kei hetondan en vulin ten keihoen onen ka helei revi usite onen meatin keil ka houmoni hemal en keil. Ka losilkatien onen hel lisenges hetokol keite ten out netan. Iahova, asuv houlu ten out nesa, en vati mok voumon koanek veni envatien onen min ir marite mok.”

Rom 11:33

!Navati lat isen Ahi! Kei vilelau en tahosien, meteisauen, ka ileilien. ?Isei kilea vailea vasin rendemien onen? Tahosien koa rie lati min meatin keil ka sakien keil koa kei mumoni min keil, rosakras rovailea vensa mumoni mukonek.

1 Timoti 1:17

!Anatin eli! !Rehehou lat isen Ahi! !Kei vi asuv houlu ten lisenges! Rosakras rovalesi ka kei mul vatte tas, sakras vamat. !Tahos imok rehesan houhouen ka masmasien mini! !Anatin!

Hibru 1:8

Ka usil Natnali, kei viteni vit, “Losilkatien onom, O Ahi, hel lisenges ka lisenges. Keik kolei kat revi meatin keil onom musil asa koa mal.

Hibru 2:4

Ka Ahi emun rie lati vi anatin ral min marmari merikel ka metai tateisav keil houlu. Rolesi mun vi anatin ka en sanien keil koa Ninin Votut san retai eni min meatin keil musil rendemien onen Ahi.

1 Pita 4:11

Anatin, meatin koa kur sanien ten selusien, hehitehiten selusien kati onen Ahi enges, ka meatin koa kur sanien ten kataunien, kei hekataun meatin sav keil hetal keihoen koa Ahi sani mini. Hesakini, ka en Iesu Kristo, tounah vasi koa mimumoni mihehati lat isen Ahi. Hetetamenien ka keihoen mul ien lises ka lisenges. Anatin.

Revelesen 11:15

Evus, vativar ten angelo keil koa oulu (7) en keil muh amaru onen. Navong muhi, naraengon rea keil takeih ka en out nesa aviteni avit, “Kosa, hiasuvien ten losilkatien ten out netan mai mul en hen Asuv orer ka Mesaea onen. Ka hiasuvien teni hel en hen lises ka lisenges.”