2 Samuel 7:8 - Paama Bible

⁸ “Kihiteni mun mini keke inau, Iahova, Asuv Houlu ten Out Nesa, naviten selusien koanek mini navit, ‘Inau, nakulatuk ran out koa kolosil kat sipsip keil ien, ka nalinguk kumai kovi avat kovalosil kat meatin onak keil ten out Isrel.

Tus Votut en selusien ten out Voum

⁸ “Kihiteni mun mini keke inau, Iahova, Asuv Houlu ten Out Nesa, naviten selusien koanek mini navit, ‘Inau, nakulatuk ran out koa kolosil kat sipsip keil ien, ka nalinguk kumai kovi avat kovalosil kat meatin onak keil ten out Isrel.

2 Samuel 7:8 Iomraidhean Croise

2 Samuel 12:7

Sakini Netan viteni min Deved vit, “!Keik varei kovi meatin enek! Ka koanek vi asa koa Iahova, Ahi onen me-Isrel keil, en vati vahiteni minuk, ‘Inau namumonuk komai kovi asuv houlu onen me-Isrel keil, ka naring koek ran asa koa Sol vit voumoni minuk.

1 Samuel 10:1

Navong Sol mai veni, Samuel kur oel ka mutahi en vatin. Evus, ling hen eni ka viteni vit, “Kosa, Iahova rie latuk keke kimai kihi asuv houlu kilosil kat meatin keil onen ka kiting koe keil ran vativieh keil one.”

1 Samuel 9:16

“Visuvong, en hati avong enek, inau nisila meatin tai hehita venuk koa ka en out koa me-Bensamin keil amul ien. Kei varei narie lati. Sakini, kitah oel en vatin vatie lati keke kei hemai hehi avat houlu koa valosil kat meatin onak keil ten out Isrel. Kei houtut keil imea ran hen me-Filistia keil veni inau nales mahien keil one ka nalong tangien keil one.”

Umen 7:46

Ahi si ven Deved koa visi keke vamaeni vati eim tetahos tai koa kilea vahi onen Ahi, kei koa vi Ahi onen Siekob. Ka Ahi romaentei.

1 King 3:6

Solomon vit kesi mini vit, “Lisenges, keik korie lat mari envatien onom min tata onak Deved koa vi meatin toumien onom. Komumoni mukonek veni kei vi meatin tai koa musiluk ral min moulien vasi keil onen, sakien onen mal, ka rendemien onen mutolas en metom. Ka kosa emun, komules korie lat envatien onom mini en sakien koa kosan ehon tai mini vakur vulin.

2 Samuel 5:2

Mulamu, navong Sol vi asuv houlu onomai, keik komulamun me-Isrel keil uva en vaeen keil. En avong enek, Iahova vat kati minuk keke keik kilosil kat meatin keil onen ten out Isrel. Anatin, kei viteni vit keik kihi avat onomai.”