2 Samuel 7:12 - Paama Bible

¹² Navong keik kimai kimatu revi ka kimat, itahinuk vesesal ven avu onom keil. Hevus, numon natmali kati tai hekur vulum hemai hehi asuv houlu. Numoni helomal hekeih en losilkatien onen.

Tus Votut en selusien ten out Voum

¹² Navong keik kimai kimatu revi ka kimat, itahinuk vesesal ven avu onom keil. Hevus, numon natmali kati tai hekur vulum hemai hehi asuv houlu. Numoni helomal hekeih en losilkatien onen.

2 Samuel 7:12 Iomraidhean Croise

Umen 2:30

Rokilea keke kei vi provet tai. Kei kilea keke Ahi mumon hatkatien takeih tai mini keke hesakin tai en vatiamal onen hekur vulin ka hemai hehi asuv houlu.

Umen 13:36

Ka navong Deved enek mum vasi tounah keil koa Ahi ling kati keke voumoni navong moul semau, kei mat esuk. Ka navong mat, alingi matil en out tatetahinien ral min avu onen keil, ka teiai onen mande ekonek.

1 Tesalonaeka 4:14

Ir rokilea keke Iesu mat ka moul eris ran matien. Sakini, rokur anatin keke navong Iesu hemai ris eni, Ahi hesakin koakeil umat tuai koa aling desien one eni, keil emun imea ris ilah ruai hetal min Iesu ka kei helamun keil ihina en out nesa.

1 Korin 15:51

Mihetaengon revi ka mahit luvat lingkatien suai onen Ahi koa kei vothot eni kosa: hervitei ir vasi koa rehemat, ka ir vasi aver hehiles.

Aesea 11:10

Avong hemai keke asuv houlu hau tai koa hekistal en vatiamal onen Deved hemai helomal. Meatin keil vasi ten out netan koa amul soutin iha ilesi ka usili. Anatin, keil imai veni en out kati onen koa hehi moreite vis hehi moreite mok.”

Aesea 9:7

Losilkatien onen hemai hekeih imok. Anatin, en hen, meatin keil vasi ito en tomat lisenges. Losilkatien onen hesuval losilkatien onen asuv houlu Deved mulamu. Kei hetondan en vulin ten keihoen onen ka helei revi usite onen meatin keil ka houmoni hemal en keil. Ka losilkatien onen hel lisenges hetokol keite ten out netan. Iahova, asuv houlu ten out nesa, en vati mok voumon koanek veni envatien onen min ir marite mok.”

Senesis 15:4

Evus, raengon Iahova selus eris mini vit, “Slev Eliesar enek herkurtei vulum ka tounah vasi keil onom. !Vuo! Ehon kati onom, kei enges hekur vulum ka tounah vasi keil onom.”

Matiu 1:1

Koanik vi sise onen vati avu keil onen Iesu Kristo, koa vi havinali asuv houlu Deved telamu, koa havinali Ebraham telamu.

Luk 1:32

Kei hehi hetamen tai ka ihise en ‘Natin Ahi koa ro en out nesa.’ Ka Ahi Asuv helingi hehi asuv houlu tai hesuval avu onen telamu, asuv houlu Deved.

Luk 24:27

Evus, Iesu vit kilea tounah vasi en Tus Votut usil kei min keilu ka en tisien keil onen Mosis va rokol koa provet keil amutisi.

1 King 2:10

Navong asuv houlu Deved vi ulmatu revi, kei mat, ka arahini en out Serusalem, koa avise en ‘taon onen Deved.’