Proveb 3:3 - Tus Votut en selusien ten out Voum

³ En moulien onom, avaseini asa hemai, kitie lat sakien ten more envatien onom en meatin sav keil ka lises kumoni hetahos min keil. Konalokoveintei sise keilu ekek, hetahos keke kitis kati hel en tinom.

Paama Bible

³ En moulien onom, avaseini asa hemai, kitie lat sakien ten more envatien onom en meatin sav keil ka lises kumoni hetahos min keil. Konalokoveintei sise keilu ekek, hetahos keke kitis kati hel en tinom.

Proveb 3:3 Iomraidhean Croise

Sam keil 119:11

Inau naling suain selusien onom neim en tinok, keke nirmumontei tisaen naha katuk.

Sam keil 85:10

Ahi hetie lat envatien onen min meatin keil onen ka keil usil kati lisenges. Keil um hemal en meten, ka kei hesan tomat hel ven keil.

Eksodas 34:6

Evus, Iahova ka pas Mosis ka vitehiteni vit, “Inau navi Iahova, kei koa NAVI. Ahi tai koa enmahisien ka more envatien mul ien. Ahi tai koa tin taveah ka tinahos mul ien. Ahi tai koa mum vasin hatkatien keil onen.

Matiu 23:23

“!Hetisa mok min kami tiser keil ten mengkatien|Mengkatien keil onen Mosis ka Farasi keil koa mimusil kat Ahi en hilivemi enges! Ahi hesan mahien min kami veni milong kat titi mengkatien keil suval sakien koa misan taet ten titi ouai keil takukien min Ahi. Ka mengkatien keil koa houlu mok, suval mengkatien keil keke mivatie sakien ten maluen, enmahisien ka demkatien, kami mirlong kattei. Hetahos imok munak mihelong kat mengkatien koa houlu mok hetal min koakeil avi havivi mok emun.

2 Korin 3:3

Anatin, demkatien onami koa vi anatin suval leta koa Kristo varei mutisi vahit kilea en komai. Ka romutistei eni vatal min pen tai. Vuo, mutis eni ral min Ninin onen Ahi koa moul. Ka romutistei en ahat suval koa Mosis mutis eni. Vuo, mutis kati en tinomi varei.

Efeses 5:9

Veni koakeil amul en meneai, sakien keil ten moulien one hetie lat tahosien, maluen, ka anatinien.

Hibru 10:16

“Hatkatien takeih hau koa numoni hetal min meatin keil onak en avong enek hemukok: Inau, Iahova, niling mengkatien onak keil il en tine, ka nitis kati hel en rendemien one.” Ser 31:33