Namba 23:3 - Tus Votut en selusien ten out Voum

³ Evus, Balaam viteni min Balak vit, “Kilomal ekok hetal min sanien votut onom. Ka inau, maha malei visi keke Iahova vahisu vatal minau. Asas koa hehothot eni minau, nimai ris nihiteni minuk.” Sakini, kei enges vina nesa en hou.

Paama Bible

³ Evus, Balaam viteni min Balak vit, “Kilomal ekok hetal min sanien votut onom. Ka inau, maha malei visi keke Iahova vahisu vatal minau. Asas koa hehothot eni minau, nimai ris nihiteni minuk.” Sakini, kei enges vina nesa en hou.

Namba 23:3 Iomraidhean Croise

Senesis 22:13

Ebraham lele ka les nani rendan koa meahos, hon verai mul en holeai tai. Sakini, luv lat viau ran Aesak ka va kur nani keke vakur vulin natnali. Muasi mat ka muniti suk vi sanien onen vina min Ahi.

Senesis 22:2

Ahi viteni mini vit, “Kikur natmali kati koa Aesak, koa envatien onom mariso mul ien, ka kihina en atan ten out Moraea. Ekonek en hou tai koa nitie minuk, ku vini ka kiniti hehi sanien tai onom minau.”

Senesis 8:20

Evus, Noah mumon avet tai ten sanien min Iahova, ka kur retai en buluk ka sipsip keil ka aman keil koa amuto en meten Ahi. Evus, muas keil, munit keil, ka ahang kan vasin ave keke vatie lat masmasien one mini.

Levitikas 1:1

Navong Iahova mul en Eim Tavolin, vise Mosis va vesesal veni ka selus mini vit,

Namba 23:12

Ka Balaam vit risi mini vit, “Inau nihiten asas varei koa Iahova viteni minau maselus eni.” Asuv houlu Balak kur Balaam luvina en hou elu sav eris keke Balaam vasak visi vasesenda en me-Isrel keil ien. Ka en avong vasi, Iahova maeni vasan selusien ten tokolkatien enges va min keil.

Namba 23:2

Balak mumoni suval koa kei viteni, ka keilu Balaam, lumumon sanien en buluk ka sipsip en avet retai keil ten sanien, ka lumunit keil.

Namba 23:4

Ekonek, Ahi visu mini ka Balaam viteni mini vit, “Inau namumon ahor ten sanien oulu (7) ka namunit retai en buluk ka sipsip keil ien.”

Matiu 4:8

Evus, Temat kur Iesu va en mari hou tai nesa ka rie lati mini kantri vasi keil en out netan ka mormore tounah keil koa amul en keil