Namba 14:2 - Tus Votut en selusien ten out Voum

² Keil asel kutut kat Mosis ka Eron avit, “Tahos imok munak komai mevamatmat en out Isip vuo en out volvol ekek.

Paama Bible

² Keil asel kutut kat Mosis ka Eron avit, “Tahos imok munak komai mevamatmat en out Isip vuo en out volvol ekek.

Namba 14:2 Iomraidhean Croise

1 King 19:4

ka, visokon rokol mendilah, kei mual sasen enges va en out volvol. Evus, rondan en nimal ten vatiai tai ka longe tisa, vit vamat enges. Sakini vis Ahi vit, “!O Iahova, moulien onak keih varei ka ek rovattei mun mamoul! Tahos imok kikulat moulien onak ka kuas inau nimat.”

Siob 3:11

Tahos imok vahit mamat en vangen mama onak, vuo mamat en hati avong enges varei avasi nau eni.

Eksodas 14:11

Keil aviles ka aviteni min Mosis avit, “?Koles asa koa komumoni navong kolah lat komai ran out Isip? ?Out tatetahinien rovinvintei en out Isip keke sakin keik kolah lat komai memai en out volvol ekek mevamatmat?

Eksodas 15:24

Meatin keil arun kutut kat Mosis avit, “?Asa suk keke rehemuni?”

Eksodas 17:3

Ka meatin keil, maroro kat keil houlu ka amules aselus kutut kati ka avit, “?Vensa kokulat komai ran out Isip? ?Titiali keil onomai ka buluk ka sipsip keil emun tive memes, kovit kovou vini komai en maroro?”

Siona 4:3

!O Iahova, kosa, kikulat moulien onak! !Hetahos imok nimat enges, helin munak nimules namoul!”

Siona 4:8

Ka navong meteiai mai nesa, Ahi san eang tai koa muhuh ka en out ist koa mutin imok. Meteiai mukan purun vatin Siona ka aven mai memerau. Sakini kei en vati vamat ka vit, “!Hetahos imok nimat enges, helin munak niles nimoul!”

Namba 14:1

En vongien enek, me-Isrel keil alonge tisa houlu ka amul amuai.

Namba 20:2

En out koa aro ien, oai tovuol ka meatin keil umai akarahit Mosis ka Eron

Namba 20:3

ka aselus kutut kat Mosis avit, “Tahos imok keke komai mivamatmat en hen Iahova, navong mu vini onomai keil en metareh ten Eim Tavolin onen.

Namba 20:4

?Vensa komulamun komai memai en out volvol ekek keke mevamatmat vatal min buluk ka sipsip esomai keil?

Namba 21:5

Sakini aselus kutut kat Ahi ka Mosis avit, “?Vensa kokulat komai ran out Isip ka komulamun komai en out volvol mevamatmat? En out enek, anien ka oai tovuol varei. !Anien tisa enek, emai rovattei mun!”

1 Korin 10:10

Ir ronaselus kututtei en asa koa Ahi mul mumoni suval koa tei en me-Isrel keil amumoni, ka Ahi san angelo tai mai mu vinvini keil.

Hibru 3:16

?Vi isei keil varei koa along ren Ahi ka aviles eisile rani? Vi koakeil vasi amul en hen Mosis koa Ahi lah lat keil amemea ran out Isip.

Siud 1:16

Tiser taluvosien keil enek, amul aselus kutut lisenges, ka tuetin, arie lat tisaen onen meatin sav keil. Amumon sakien tatisa keil koa ave enges en vati. Avahasi keil ka aselus luvos meatin sav keke avakur tounah ran keil.