Mak 4:11 - Tus Votut en selusien ten out Voum

¹¹ Sakini, kei vit, “Ahi mul vothot en rendemien suai usil hiasuvien onen min kami enges. Ka meatin sav keil koa Ahi rovitei asuv houlu one, keil araengon selusien onen Ahi ka en tatavolien keil enges koa arlong kileatei.

Paama Bible

¹¹ Sakini, kei vit, “Ahi mul vothot en rendemien suai usil hiasuvien onen min kami enges. Ka meatin sav keil koa Ahi rovitei asuv houlu one, keil araengon selusien onen Ahi ka en tatavolien keil enges koa arlong kileatei.

Mak 4:11 Iomraidhean Croise

Matiu 11:25

En avong enek, Iesu viteni vit, “Tata, keik kovi Asuv ten out nesa ka ten out netan. Namasmasuk houlu mok veni keik koling suain tounah keil enek ran koakeil avi meteisau ka akileile. Ka korie lat aneite teni min koakeil asuval titiali koa arsukul revitei.

Matiu 13:16

“Ka tokolkatien onen Ahi mul tuai en kami, meatin keil onak, veni navong miles tounah en metomi, milei kilea eni, ka navong milong tounah en ralingomi, milong kilea eni.

Matiu 16:17

Ka Iesu viteni mini vit, “!Tokolkatien onen Ahi mul tuai enuk, Saemon natin Siona! Veni rovitei meatin keke vahothot enau minuk, ka Tata onak varei en out nesa mumoni.

Mak 3:23

Sakini, Iesu vise Farasi keil umai veni ka selus min keil ka en tatavolien keil vit, “?Temat|Setan kilea vahile lat kei eris hemukave?

Mak 4:10

Navong Iesu ro sasen, teindan elu (12) onen ral min meatin sav keil uva avis aneite ten tatavolien enek.

Mak 4:2

Evus, Iesu ra usil tatavolien houlu keke vahisein meatin keil. Viteni vit,

Luk 8:10

Ka kei vit kesi min keil vit, “Aneite ten selusien suai usil hiasuvien onen Ahi, inau nihothot eni min kami enges. Ka min meatin sav keil koa arvitei onak keil, navit usili en tatavolien keil enges keke, ‘Avaseini alele va vio … irlei kileatei. Ka avaseini alonge va vio … irlong kileatei.’” Aes 6:9

1 Korin 4:7

?Isei varei mumon tai en kami mulin teisav keil? ?Asa varei koa mikuri tuai koa rokatei ven Ahi? !Tounah vasi onami! ?Ka munak Ahi san tounah vasi min kami, vensa varei mivasi kami suval koa hit mikuri en keihoen onami enges?

2 Korin 4:6

Navong Ahi mumon out netan kei vit, “Maen meneai vaka ran mankoli ka vatitin.” Sen 1:3 Ka kei vi vati Ahi etin koa mumon meneai onen ritin en tiner neim keke rovailea revi muohien ten hetetamenien onen. Ka koakeil ales veinan Iesu Kristo, alei kilea en muohien ten hetetamenien onen Ahi.

Efeses 1:9

Sakini, si kei vahothot eni min ir lingkatien suai onen koa kei ling kati voumoni vaka en Iesu Kristo.

Kolose 4:5

En avong vasi koa miles ahho mul, hetal min meteisauen, mihoumon sakien tetahos min koakeil arkurtei anatin en Iesu.

1 Tesalonaeka 4:12

En sise enek, kami minahiramtei en mesav keil keke avamai avakataun kami, ka koakeil arkurtei anatin en Ahi ihouhou min kami ka ilei kilea sakien tetahos onami.

1 Timoti 3:7

Sakien onen mul sakin meatin vasi keil koa armusiltei Ahi akilea keke kei vi meatin koa tinahos mul ien. Munak hermukteinek, hemot en avul ten tisaen onen Temat ka hememou en meten meatin sav keil.

1 Sion 5:20

Rokilea keke Natin Ahi mai en out netan ka san ileilien min ir keke rovailea kei eris koa vi anatin. Ka moulien orer mul kapil ral mini koa vi Natnali, Iesu Kristo. Kei vi Ahi anatin, ka kei enges mul san moulien ten lisenges min meatin keil.