Mak 12:9 - Tus Votut en selusien ten out Voum

⁹ Evus, Iesu vis avat keil onen Siu keil koa araengon tatavolien enek vit, “?Ka mukave? ?Horetan enek houmon sa suk en meatin keil enek? Kei hemai, hou vinvini meatin keil enek, ka hemae lat nei grep heha min meatin sav keil keke avalosil kati.

Paama Bible

⁹ Evus, Iesu vis avat keil onen Siu keil koa araengon tatavolien enek vit, “?Ka mukave? ?Horetan enek houmon sa suk en meatin keil enek? Kei hemai, hou vinvini meatin keil enek, ka hemae lat nei grep heha min meatin sav keil keke avalosil kati.

Mak 12:9 Iomraidhean Croise

Matiu 12:45

Sakini, kei heha ka hekur ninin oulu (7) koa atisa mok helin kei. Ka keil iha neim ka ito en out enek. Eim enek vi meatin tai, ka keil isakin moulien onen meatin enek hetisa mok helin koa mulamu. Koanik asa koa hekistal en kami, meatin tatisa keil ten avong kosa.”

Matiu 21:34

“Avong houlu mai muli, heiai men. Sakini, horetan enek sila slev keil onen uva keke avahis koakeil alei kat neiai osen avasan hati heiai mini.

Matiu 21:43

“Sakini, naviteni min kami, tahosien ten hiasuvien onen Ahi koa mimul mikuri, Ahi helah lati ran kami Siu keil, ka hesani suk min meatin keil ten kantri sav koa akilea along kat ren ka ason heite en moulien one.

Matiu 22:7

Ka navong asuv houlu enek longe, tin katiat vis katiat. Sakini sila meatin tavaeen keil onen ka amu rasilin koakeil amu vini slev keil onen ka amunit lin taon one.

Mak 12:10

?Mukave? ?Kami mirvulitei selusien enek ten Tus Votut? Veni viteni vit, ‘Pos koa meatin keil toumien alei seseini, kei varei mai vi more vatiseng kati ten eim mulin pos sav keil.

Mak 12:8

Sakini, avuli kati ka amu vini. Evus, aso lat teiai onen va ran nei grep enek.”

Luk 19:27

“Evus, hetamen enek viteni min meatin keil onen vit, ‘Ka kosa, allamun vativieh keil onak koa e rovattei nau mamai mahi asuv houlu one avamai venau, ka mihou vini keil vasi imatmat en metok.’”

Rom 10:20

Ka Ahi vit kilea imok eni navong selus ka en provet Aesea vit, “Koakeil arlei kattei nau, keil varei avotin nau. Anatin, navothot enau min koakeil armultei avahise inau.” Aes 65:1