2 Samuel 7:16 - Tus Votut en selusien ten out Voum

¹⁶ Nisakin vatiamal onom keil koa ikistal ika enuk il lisenges, ka keil ihi asuv houlu keil ilosil kat me-Isrel keil heha vio … keite teni hetovuol.’”

Paama Bible

¹⁶ Nisakin vatiamal onom keil koa ikistal ika enuk il lisenges, ka keil ihi asuv houlu keil ilosil kat me-Isrel keil heha vio … keite teni hetovuol.’”

2 Samuel 7:16 Iomraidhean Croise

2 Samuel 7:13

Hehi kei keke heti eim koa inau nito ien. Ka numon losilkatien onen koakeil ikistal ika en vatiamal onen hel heha vio … keite teni hetovuol.

Aesea 9:7

Losilkatien onen hemai hekeih imok. Anatin, en hen, meatin keil vasi ito en tomat lisenges. Losilkatien onen hesuval losilkatien onen asuv houlu Deved mulamu. Kei hetondan en vulin ten keihoen onen ka helei revi usite onen meatin keil ka houmoni hemal en keil. Ka losilkatien onen hel lisenges hetokol keite ten out netan. Iahova, asuv houlu ten out nesa, en vati mok voumon koanek veni envatien onen min ir marite mok.”

Senesis 49:10

Hiasuvien ten keihoen onen asuv houlu keil hel lisenges en Sudah ka vatiamal onen. Meatin keil ten kantri sav ihouhou mini, ilong kati ka isan sanien keil one mini.”

Revelesen 11:15

Evus, vativar ten angelo keil koa oulu (7) en keil muh amaru onen. Navong muhi, naraengon rea keil takeih ka en out nesa aviteni avit, “Kosa, hiasuvien ten losilkatien ten out netan mai mul en hen Asuv orer ka Mesaea onen. Ka hiasuvien teni hel en hen lises ka lisenges.”

Hibru 1:8

Ka usil Natnali, kei viteni vit, “Losilkatien onom, O Ahi, hel lisenges ka lisenges. Keik kolei kat revi meatin keil onom musil asa koa mal.

Sion 12:34

Vangi meatin keil avit kesi avit, “Tus Votut onen Ahi mul viteni min ir keke Mesaea heto lisenges. ?Sakini, vensa suk komul koviteni keke ihati lat Natin Meatin hehina nesa en ai tai? ?Isei varei Natin Meatin enek?”

Matiu 16:18

Ka naviteni minuk keke kovi ‘Pita’ koa aneite teni vi ‘ahat.’ Ka en ahat koanek, numon Sios onak hel ien. Ka keihoen vasi ten matien sakras vamai vapuruni.

2 Samuel 7:17

Sakini, provet Netan va les asuv houlu Deved ka vit vasin selusien onen Iahova mini.

Aesea 9:6

“Anatin, tivava tai, ihasi ven ir. Ehon koanek, Ahi hesani min ir. Losilkatien vasi keil hel en hen. Ihise en ‘More Meatin Tatie Sise en,’ ‘Ahi ten Keihoen,’ ‘Ahi Tamer koa mul lisenges,’ ka ‘Hetetamen ten Tomat.’