2 Samuel 5:2 - Tus Votut en selusien ten out Voum

² Mulamu, navong Sol vi asuv houlu onomai, keik komulamun me-Isrel keil uva en vaeen keil. En avong enek, Iahova vat kati minuk keke keik kilosil kat meatin keil onen ten out Isrel. Anatin, kei viteni vit keik kihi avat onomai.”

Paama Bible

² Mulamu, navong Sol vi asuv houlu onomai, keik komulamun me-Isrel keil uva en vaeen keil. En avong enek, Iahova vat kati minuk keke keik kilosil kat meatin keil onen ten out Isrel. Anatin, kei viteni vit keik kihi avat onomai.”

2 Samuel 5:2 Iomraidhean Croise

2 Samuel 7:8

“Kihiteni mun mini keke inau, Iahova, Asuv Houlu ten Out Nesa, naviten selusien koanek mini navit, ‘Inau, nakulatuk ran out koa kolosil kat sipsip keil ien, ka nalinguk kumai kovi avat kovalosil kat meatin onak keil ten out Isrel.

Aesea 40:11

Kei hetounat revi en meatin keil onen hesuval meatin ten sipsip mul rounat en sipsip keil osen. Anatin, Iahova houmoni min meatin keil onen, hesuval meatin koa mul vous titi sipsip keil osen ka kav kat revi mul en veimasen. Anatin, Ahi hesuval meatin tai koa ring meraun sipsip keil osen koa titae keil mul.

Maeka 5:4

Navong hemai, helosil kat revi meatin keil onen hetal min keihoen koa Iahova hesani mini. Kei houm en isen Iahova koa hetetamen imok. Meatin keil onen ito en tomat, veni meatin vasi keil ten out netan ilei kilea keke kei vi hetetamen imok ka ihouhou mini.

Matiu 2:6

‘Avaseini keke vatiamal onen Betlehem vi havivi mok en vatiamal sav keil onen me-Sudah keil, ka nisakin asuv houlu tai hekistal en vatiamal koanek. Kei helosil kat revi meatin keil onak ten out Isrel.’” Maek 5:2

Sion 10:11

“Ka inau navi more meatin talosilkatien onen sipsip keil emun. Ka inau nasak mesei keke mamae lat moulien onak ka mamat vahinat sipsip keil osak.

Hibru 2:10

Tounah vasi keil koa amul, amul keke avatie lat keihoen onen Ahi ka avahati lat isen. Ka mal varei keke Ahi maen Iesu vahisu en sakvisien keil vasakini vamal vavinvin vasi keke vamat voutut meatin keil. Ven koanek, Iesu mai vi houlu en titiali sav keil onen Ahi keke valamun keil avakur hetetamenien one.

1 Samuel 13:14

Ka kosa, losilkatien onom mai rokol keite teni veni kormusiltei selusien onen. Sakini, Iahova ling kati keke hehotin meatin etai koa rendemien ka envatien keil onen housil kat rendemien ka envatien onen. Vati meatin enek, Iahova helingi helosil kat meatin keil onen.”

1 Samuel 16:1

En avong tai, Iahova kistal min Samuel ka viteni mini vit, “?Kiles kilonge hetisa ven Sol heha vio … hevus nengeis? Inau naseseini tuai keke hervitei mun asuv houlu onen me-Isrel keil. Sakini, kosa, kikur oel ka kiha en taon ten out Betlehem. En out enek, kihisu min meatin tai, isen Tiese, veni narie lat natnali tai tuai vamai vahi asuv houlu onen meatin keil onak.”

1 Samuel 9:16

“Visuvong, en hati avong enek, inau nisila meatin tai hehita venuk koa ka en out koa me-Bensamin keil amul ien. Kei varei narie lati. Sakini, kitah oel en vatin vatie lati keke kei hemai hehi avat houlu koa valosil kat meatin onak keil ten out Isrel. Kei houtut keil imea ran hen me-Filistia keil veni inau nales mahien keil one ka nalong tangien keil one.”