1 Samuel 10:1 - Tus Votut en selusien ten out Voum

¹ Navong Sol mai veni, Samuel kur oel ka mutahi en vatin. Evus, ling hen eni ka viteni vit, “Kosa, Iahova rie latuk keke kimai kihi asuv houlu kilosil kat meatin keil onen ka kiting koe keil ran vativieh keil one.”

Paama Bible

¹ Navong Sol mai veni, Samuel kur oel ka mutahi en vatin. Evus, ling hen eni ka viteni vit, “Kosa, Iahova rie latuk keke kimai kihi asuv houlu kilosil kat meatin keil onen ka kiting koe keil ran vativieh keil one.”

1 Samuel 10:1 Iomraidhean Croise

2 Samuel 5:2

Mulamu, navong Sol vi asuv houlu onomai, keik komulamun me-Isrel keil uva en vaeen keil. En avong enek, Iahova vat kati minuk keke keik kilosil kat meatin keil onen ten out Isrel. Anatin, kei viteni vit keik kihi avat onomai.”

1 King 19:18

Ka avaseini koanek hekur out, inau naring koe meatin keil taosen oulu (7000) amoul veni keil amul amusil kat nau. Koakeil enek, arvatei veah netan min ahi Baal ka armusmustei veah nana keil onen.”

Sam keil 135:4

Rokilea keke vi anatin veni Iahova rie lat avu orer Siekob vahi onen, ka rie lat ir, me-Isrel keil, rovahi onen kati.

Umen 13:21

Ka navong provet Samuel mul veah losil kat keil, avis Ahi vasan etai asuv houlu min keil. Ka Ahi rie lat Sol, natin Kis koa ka en vatiamal onen Bensamin. Ka kei losil kat me-Isrel keil sua hanumau elu (40).

1 Tesalonaeka 5:26

Mihehiten ‘more’ onomaitel heha min tuemeitel ka ahinameitel keil en demkatien, ka miheav kat kami en envatien koa vi votut onen Ahi.

Hibru 2:10

Tounah vasi keil koa amul, amul keke avatie lat keihoen onen Ahi ka avahati lat isen. Ka mal varei keke Ahi maen Iesu vahisu en sakvisien keil vasakini vamal vavinvin vasi keke vamat voutut meatin keil. Ven koanek, Iesu mai vi houlu en titiali sav keil onen Ahi keke valamun keil avakur hetetamenien one.

Revelesen 5:8

Navong va kuri, tounah ehat (4) koa amoul ka elda hanumau tai ka ehat (24) uva netan mini. Tetai en keil akur kat harp ka more pesin koa amumoni en gol. En pesin keil enek amunit tounah koa vite tahos ien koa vi hisien keil onen meatin keil onen Ahi.

1 Samuel 13:14

Ka kosa, losilkatien onom mai rokol keite teni veni kormusiltei selusien onen. Sakini, Iahova ling kati keke hehotin meatin etai koa rendemien ka envatien keil onen housil kat rendemien ka envatien onen. Vati meatin enek, Iahova helingi helosil kat meatin keil onen.”

1 Samuel 15:1

Avong sav tai, Samuel va ven Sol ka viteni mini vit, “Mulamu, Iahova sila nau matokol katuk keke kovamai kovahi asuv houlu onen meatin keil onen. Sakini, kosa, kitaengonau mahit mesein asa koa en vati vahiteni minuk.

1 Samuel 15:17

Ka Samuel vit risi mini vit, “Avaseini keke, mulamu, kolei heisav enuk, kosa, komai kovi avat ten vatiamal keil vasi onen me-Isrel keil. Iahova keke rie latuk kumai kovi asuv houlu onen me-Isrel keil.

1 Samuel 16:1

En avong tai, Iahova kistal min Samuel ka viteni mini vit, “?Kiles kilonge hetisa ven Sol heha vio … hevus nengeis? Inau naseseini tuai keke hervitei mun asuv houlu onen me-Isrel keil. Sakini, kosa, kikur oel ka kiha en taon ten out Betlehem. En out enek, kihisu min meatin tai, isen Tiese, veni narie lat natnali tai tuai vamai vahi asuv houlu onen meatin keil onak.”

1 Samuel 16:13

Sakini provet Samuel kur oel ka mutahi en vatin Deved en meten tunali keil. Hatte tas, ninin onen Iahova mai sien Deved ka mul katauni en avong enek va. Evus, provet Samuel mumon sanien votut onen va min Iahova, ka va ris teim onen en out Ramah.

1 Samuel 8:19

Ka meatin keil amundem maen selkatien onen Samuel. Keil aviteni avit, “Avaseini hemukonek, ka komai emai vati mok keke asuv houlu helosil kat komai.

1 Samuel 8:9

Sakini, kiha, kusil rendemien keil one. Ka kisel kat keil hekeih imok ka kihit kilea min keil sakien takeih keil onen asuv houlu koa hemai helosil kat keil.”

1 Samuel 9:16

“Visuvong, en hati avong enek, inau nisila meatin tai hehita venuk koa ka en out koa me-Bensamin keil amul ien. Kei varei narie lati. Sakini, kitah oel en vatin vatie lati keke kei hemai hehi avat houlu koa valosil kat meatin onak keil ten out Isrel. Kei houtut keil imea ran hen me-Filistia keil veni inau nales mahien keil one ka nalong tangien keil one.”