Lúkas 9:7 - Uhokri Gahegbetawni Nukune akak Sawmus

⁷ Avim ini hawkri ner hiyaptigi Erodis time arak ini Kiyavwiye Jesus gannu. Ig ka aynsima kiyimwihwe awaku ig ka hiyak igi hiyeg. Ig kiyimwihwe awaku gaytakkis hiyeg iki ku ig Kiyavwiye Jesus ig Joawh Batista kannikew akiw ariw gimiremni.

Uhokri Gannasan

⁷ Apim ini hawkri ner hiyaptigi amekene Erodis timé arak ini Kiyapwiye Jesus gannu. Ig kaayhsima kiyimwihwa awaku ig ka hiyakri iggi hiyeg. Ig kiyimwihwa awaku gaytakkis hiyeg ikiygi ku ig Kiyapwiye Jesus ig amekene João Batista kannikaw akiw ariw gimiremni.

Lúkas 9:7 Iomraidhean Croise

Sawmus 73:19

Pahaye adahan igkis pisenwepkanek gihawkankis akak mbeyevye mbeyne.

Matews 11:2

Avim ini ig Joawh Batista ig ayge ariku parakseket. Ayge ig kinetni Cristo gak ku ig kehne ka aynsima annut. Ig timapni hene, ig awahkise gikannuhnivwi atere gimin Kiyavwiye Jesus.

Markus 8:28

Igkisme kaytwa giwn: — Gaytakis hiyeg ikapi ku pis Joawh Batistamni kannikew akiw. Gaytakisme ikapi ku pis amekene Eliyas. Igkisme gaytakis hiyeg ikapi ku pis pahavwi gaytakis Uhokri gawnevevu pitatyevwi.

Lúkas 13:31

Avimnewa ini hawkri gaytakkis neras farizewkis danuh atere git Kiyavwiye Jesus. Igkis awna git: — Su tivik. Pes aytaki. Mmanawa kiyavwiye Erodis pihavu piwmepten.

Lúkas 21:25

— Ayteke ariwnteke ini, mbeye arikna humawnek arikvi hawkri akak kamuw akak kayg akak warukma akak waravyu. Ayme amadga wayk madikte hiyegviyenevwi kiyimwih ginaktinkisnek awaku ku samah paraw akak bobo kiman mpiynevevye parahwokwa.

Lúkas 23:7

Igkisme kaytwa giwn: — Ihi. Ignewa. Ig Pilatus timapni hene, ig awna: — Ignewa kiyavwiye Erodis kumaduka hiyeg galileyenevwi. Nah awahkiste Jesus atere gimin adahan igme hiyak gikak. Ayteke nikwe ig awahkiswig atere gimin Erodis. Avim ini hawkri ig Erodis ayge avit ini paytwempu Jerusalém.

Lúkas 3:1

Ayteke ariwnteke ini kibite kamukri akiw, Uhokri wasavanew gimin Joawh Batista, ig ku pariye amekene Zakariyas gikamkayh. Avim ini hawkri amekene Tiberiyu Sezar kumadukene madikte hiyeg romayenevwi. Ayipa ig kumadukigkis adahan kibite kamukri, madikawkubu akebi akak pohowkubu arawna (15). Igme amekene Pônsiyu Pilatus kumadukene hiyeg gidahan Sezar ay avit Judeyamnaw. Igme Erodis kumadukene hiyeg gidahanwata Sezar ay avit Galileyamnaw. Igme gegni amekene Filip kumadukene hiyeg gidahanwata akiw Sezar ay avit Itureyamnaw akak Tirakoniteyamnaw. Igme amekene Lisâniyas ig hawata kumadukene hiyeg gidahanwata Sezar ay avit Abileneyamnaw.

Lúkas 9:19

Igkisme kaytwa giwn: — Gaytakkis ikipi ku pis Joawh Batista kannikew akiw. Gaytakkisme ikipi ku pis amekene Eliyas. Igkisme gaytakkis hiyeg ikipi ku pis pahavwi gaytakkis Uhokri gawnevevu pitatyevwi kannikew akiw.