Lúkas 9:60 - Uhokri Gahegbetawni Nukune akak Sawmus

⁶⁰ Igme Kiyavwiye Jesus kaytwa giwn: — Ka sam pis tivik nuhapti kurinewa. Hiyawa pis isaksa pahavwi ku pariye kuwis ke wotbe ig miyarevyebe giw Uhokri, isaksig adahan ig avuhe giyaki miyaviye. Pisme, pis tivik kinetihwene amin Uhokri gikumadukan.

Uhokri Gannasan

⁶⁰ Igme Kiyapwiye Jesus kaytwa giwn: ―Ka sam pis tipik nuhapti kurinewa. Hiyawa pis isaksa pahapwi ku pariye kuwis ke wotbe ig miyapyebe giw Uhokri, isaksig adahan iggi apuhe giyaki miyapiye. Pisme, pis tipik kinetihwene gimin Uhokri gikumadukan.

Lúkas 9:60 Iomraidhean Croise

Matews 4:23

Ayteke ariwnteke ini ig Kiyavwiye Jesus wew muwapuw ay Galileyamnaw. Ig kannuhekne arikuw judeyenevwi gileglisakis. Ig ekkene kibeyne inetit amin ku samah Uhokri kumaduka hiyeg. Hawata ig makniwene hiyeg ariw madikte karaytviyene ariw madikte mabimnakatru.

Matews 8:22

Igme Kiyavwiye Jesus kaytwa giwn: — Ka sam. Uya tivik nuhapti kurinewa. Hiyawa pis isaksa pahavwi ku pariye kuwis ke wotbe ig miyarevyebe giw Uhokri, isaksanig adahan igi avuhe giyaki miyaviye.

Lúkas 15:24

Mmanawa ner nukamkayh ig ke wotbe ig miyarevyebe nuwhu kuwisbe. Kurime ig ay numunuh akiw. Ig ke wotbe biyukwiyebe nuwhu. Kurime ig utepka akiw.” Ayteke nikwe igkis kavusa fetya.

Lúkas 15:32

Heneme in kabay adahan wixwiy fetya awaku ku samah pisamwi diyuhe wotwiy akiw. In kabay wixwiy batek gidahan mmanawa ner pisamwi ig ke wotbe ig miyarevyebe wowiy kuwisbe. Kurime ig ay umunwiy akiw.”

1 Koríntyus 9:16

Ini ku samah nah ekkene Uhokri ginetni gitkis hiyeg, ka ik adahan nah ikaw kibeyne hiyeg awaku ini. Mmanawa pugamawka nah akki inakni ginetni. Nah kawatnihka adahanikwa ini. Wake nah ka akkibe inakni kibeyne inetit, nikwekam aysawnemenek nah kayah ka aynsima nivatra.

Efésyus 2:1

Minikwak wixwiy miyaravye giw Kiyavwiye Uhokri awaku uvathawniwiy hawata awaku utaraksanwiy gikak.

Efésyus 2:5

Ig batek ukakwiy he avim ini ku aysaw wixwiy miyaravye giw awaku uvathawniwiy. Inneki keh ig kannikasevwiy ariw ini miyaka payak gikak Cristo amun ini ku aysaw ig kannikasevgi ariw gimiremni. Wixwiy ka kiseweknema adahan ig amnihwiy, heneme he wamnihkawiynen ig amnihpewiy.

1 Timótyu 5:6

Egme pahavu madankuno ku pariye he kehno gubetkinenwa ay amadga inin, eg ke wotbe eg kuwis miyovyobe giw Kiyavwiye Uhokri. Nikwe leglis ka muwaka hiyak gukak.

2 Timótyu 4:2

Akkanaba Kiyavwiye Uhokri giwn gitkis madikte hiyeg. Misakwanaba ahegbet adahan ekkene giwn takunipti muwapuw. Akkiniba ku aysaw in ka mahikonema pit adahan pis akkin. Akkiniba hawata ku aysaw in mahiko pit adahan pis akkin. Kehnaba hiyeg kayah gitaraksankis. Akki gitaraksankis gitkis. Iki gihiyekemnikis gitkis. Avanenekwa kiyaknihwa gikakkis. Avanenekwa kannuhnigkis amin Uhokri gihiyekemni.

2 Timótyu 4:5

Pisme, Timotyu, amawka pis avuriw pihiyekemni kabayntiwa abetnewa madikte ku pariye danuh pit. Amavanaba ku pariye mbeyne danuh pit. Mpiksawnaba adahan wagesne hiyeg gidahan Kiyavwiye Uhokri. Kehnaba madikte ku pariye ig Kiyavwiye Uhokri aya pit.

Apokalípsi 3:1

Ayteke ig Kiyavwiye Jesus awna nutuh akiw. Giwn: — Awahkisnaba pahak kagta gimin ner inetitkekne gidahankis nuhiyegavu aynte avit paytwempu Sardis. Tamaknaba iwit ku pariye nah akki pit kuri. “Nah ikene yinetni, nah ku pariye kadahannene ntewnehkernene akebi Uhokri Gitip, ku pariye kene abukribe adahan areketni nutivuh, hawata nah ku pariye kadahannene ntewnehkernene akebi warukma. Nah hiyak ku samah yihiyekemni ayge. Nah hiyakni ku yis ikaka ku yis dehetniyevwi bawa yihiyekemni miyarevye giw Uhokri.