Lúkas 9:51 - Uhokri Gahegbetawni Nukune akak Sawmus

⁵¹ Ariwnteke ini ig Kiyavwiye Jesus gihawkanavrik danuhemet adahan ig iwepka ta inurikut. Ayge nikwe ig ikaw adahanikwa. Ig tivikwiye ta arimkanit paytwempu Jerusalém.

Uhokri Gannasan

⁵¹ Ariwnteke ini ig Kiyapwiye Jesus gihawkanaprik danuhemet adahan ig iwepka ta inugikut. Ayge nikwe ig ikaw adahanikwa. Ig tipikwiye ta arimkanit paytwempu Jerusalém.

Lúkas 9:51 Iomraidhean Croise

Markus 16:19

Pisenwa inakni gawnan, ig Kiyavwiye Jesus iwepka ta inurikut. Ayge ig batahkiswe adahan ig kumadukene gihumwa Kiyavwiye Uhokri ay amun ini iwetrit ku pariye kane nikiytanisima kihehaptak.

Lúkas 12:50

Heneme amawka pitatye nah kaywepka akak mbeyne ka aynsima. Aa, ka aynsima nah kayahni kuwis avit in danuh nutuh.

Lúkas 13:22

Ayteke ig Kiyavwiye Jesus tiviknene ta arimkanit paytwempu Jerusalém. Ig mpiye muwapuw awvre avuwiw madikte paytwempu nopsadmin hawata avuwiw paytwempu nopsanyupnene akiw. Ku kiw ig mpiya ig kannuhne hiyeg.

Lúkas 17:11

Ayteke ig Kiyavwiye Jesus gitepkemni arimkat Jerusalém. Ig mpiye ayegbiw Samariyamnaw akak Galileyamnaw.

Lúkas 18:31

Ayteke ariwnteke ini ig Kiyavwiye Jesus pahadguhe giwatnivwi (12) ta git, ig awna gitkis: — Wixwiy tivikwiye arimkanit Jerusalém. Ayge nah hiyap madikte mbayka danuh nutuhnek ku pariye Uhokri gawnevevu pitatyevwi ginetnikis numinuh nah ku pariye wageswe awayg amadgaya inin.

Lúkas 19:11

Ayteke ig Kiyavwiye Jesus awna gitkis neras timepnevwi giwn pahat iwit patuwesbuhka akiw. Ig awna inakni iwit giminwa kuri awaku ig kennesmin gidawnhan avitit Jerusalem hawata awaku neras hiyeg givewkankiskam ku ku aysaw ig danuh aterenek Uhokri gikumadukan kavusawkam.

Lúkas 19:28

Pisenwa gawnan inakni giwn, ig Kiyavwiye Jesus tiviknene akiw gavitkigkis pitati ta arimkanit Jerusalém.

Lúkas 24:51

Henewa ig tivik giwkis ig iwepka ta inurikut.

Lúkas 9:57

Ayteke ariwnteke ini ku aysaw igkis avigku ahin, pahavwi awayg danuh atere git Kiyavwiye Jesus. Ig awna git: — Kiyavwiye, nah wewkere pikak ku kitwiye pis.

Joawh 13:1

Ayteke ariwnteke ini, kaba danuh ahawkanavrik adahan ini fet adahan axne muwtohyan arih. Hiyeg judeyenevwi axni adahan kiyene ku samah minikwak Kiyavwiye Uhokri umahkise muwtohyan gidukwenavrikkis amekenegben kahadbe ig giwiwhkiswitnikis giwakutakis hiyeg ejituyenevwi. Ig Kiyavwiye Jesus hiyapni hene, ig hiyakni ku gihawkanavrik kaba danuh adahan ig tivikwiye amadgatak inin diyuhpiye git Gig. Henewa gihawkan makisup, ig batekye gikakkis gihiyegavu amadga inin. Ayteke nikwe ig ekke gitkis huwewe ku ig batek ukakuh mpinevevye. Nah akkite yit ku samah.

Joawh 16:28

Nah ayta atan amadgat inin hawkri, nah giwntak Wigwiy. Kuwewa akiwnek nah tivik amadgatak inin. Nah diyuhe aterewata git Wigwiy.

Joawh 16:5

— Heneme kuri nah me tivikmet git nawahkisten. Yisme yuma pahavwinema yaytak nayaminetni amin ku kadahan nah atak atere.

Joawh 17:11

Kuri nah ka misakwa ay amadga inin akiw. Nah tivikwiye pimkanit. Igkisme misekwe ay amadga inin. Pa barewvitye, uya avuriwgikis nudahan akak madikte pannu ku pariye pis kuwis iki nuvitit. Igkisnewa pikan nutuh. Avuriwnigkis kahadbe igkis pahavwiwa pawtak hawata ke wisbe.

Joawh 6:62

Henneme aysawnemenek in ka mahiko yit akiwnek. Ku aysaw yis hiyavun Nah, ku pariye wageswe awayg amadgaya inin, nah diyuhe inurikut akiw, avim ini in ka mahiko yit.

Attus 1:2

he ku aysaw ig iwepka inurikut. Nah kuwis ekke pit ku samah avit giwegepni ig ike gannivwi giwakuritkis giwatnivwi gikanyanvu. Ig ayge ikene gihiyekemnikis akak Kiyavwiye Uhokri Gitip gannu ay givit. Pisenwa ig iwepka inurikut.

Attus 1:9

Ayteke pisenwa inakni gawnan, ig Kiyavwiye Jesus iwepka inurikute giwtrikneswa gikannuhnivwi. Ayteke ig uguhe abet paha ukuhne.

Efésyus 1:20

Ini gidatniwata ku pariye kannikase Cristo ariw gimiremni. Ini gidatniwata ku pariye batahkiswig gihumwat Kiyavwiye Uhokri aynte inurik, ay amun ini iwetrit ku pariye kane nikiytanisima kihehaptak.

Filipénses 3:14

Nah mpiksewne adahan nah hiyap ba nah huwit avigkutavrikut ku samah Kiyavwiye Uhokri gimawkan kahadbe nah wagehnene kahadbe nah mataka ini kabayka ku kadahan Kiyavwiye Uhokri awnasawiy awaku ku samah wixwiy pahavwiwa gikak Cristo Jesus.

1 Timótyu 3:16

Henewatbaki in. Ini Uhokri gihiyekemni in kabayntiwa in. Minikwak hiyeg ka hiya avuhpak. Kurinme wixwiy hiyak. Inneki keh wixwiy paksig han: “Ig Cristo wageswe igyewa hiyeg ihtikekne amadgaya inin. Hawata ig Uhokriwa ig. Ig gitiphewne Uhokri inurikyene. Ig ekkepka ta gitkis madikte ahj inurikyene. Hawata ig ekkepka ta gitkis madikte hiyegviyenevwi amedgene inin. Ig amavaka gavitkis hiyeg muwapuw amadga inin. Hawata ig amavaka inurikut akak madikte gikiytani.” Henewatbaki wixwiy kiyatig wavanwekwey.

Ebréws 12:2

Uyay iveg givitit Kiyavwiye Jesus. Giwntak ig Kiyavwiye Jesus wixwiy kavusa kamaxwa givitit Kiyavwiye Uhokri. Gitnewa wixwiy misakwa akiw. Ku aysaw ig Kiyavwiye Jesus aynete amadga inin ig ka tuguhkisti gihiyekemni. Ig mpiksew aharit ini batekka ku pariye kuwis ahegbet gidahan he ig umahkiswe amin giyakni. Ig ka aynsima marekepka heneme in ka sam git. Inneki keh kuri ig bat ay gihumwa Kiyavwiye Uhokri amun ini iwetrit ku pariye kane nikiytanisima kihehaptak.

Ebréws 6:20

Ig Kiyavwiye Jesus igkit danuh atere wowiy adahan ig wawnamnihtenwiy adahan avanenekwa. Ignewa awnamnihkevutne ku pariye kiyatenene kewa amekene Mewkisedekibe.

1 Pedru 3:22

Ig Jesus Cristo kuwis tivik inurikut. Kuri ig aynte gihumwa Kiyavwiye Uhokri amun ini iwetrit ku pariye kane nikiytanisima kihehaptak. Ayge ig kumadukene madikte ahj, madikte ikivarat, madikte ku pariye detyevwi.