Lúkas 9:47 - Uhokri Gahegbetawni Nukune akak Sawmus

⁴⁷ Ig Kiyavwiye Jesus hiyak ku pariye abet gihiyekemnikis. Ig hiyapni hene, ig iwe pahavwi bakimni. Ig kahgi ig tabirasig ta gihumwat.

Uhokri Gannasan

⁴⁷ Ig Kiyapwiye Jesus hiyak ku pariye abet gihiyakemnikis. Ig hiyapni henne, ig iwé pahapwi bakimni. Ig kahgi ig tabirasig ta gihumwat.

Lúkas 9:47 Iomraidhean Croise

Sawmus 139:2

Pis hiyap madikte ku pariye nukehni. Pis hiyap ku aysaw nah batahkiswa. Pis hiyap ku aysaw nah kannikaw. Hiyawa nah piyawakad piw, heneme pis hiyak ku pariye ay abet nuhiyekemni.

Sawmus 139:23

Kiyavwiye Uhokri, ivegbetanaba nuhiyekemni ba in kabay pit! Uya hikekun adahan hiyepne ba nuhiyekemni inyewatma avigkutavrik ku samah pimawkan.

Matews 12:15

Igme Kiyavwiye Jesus hiyak ku pariye gikehnikis. Ig hiyapni hene, ig tivik ariwntak ini iwetrit. Ka aynsima hiyeg kuruwnene gihavu butte. Ayge ig makniwe madikte ku pariye kakahribdavye.

Matews 9:4

Ig Kiyavwiye Jesus hiyakni hene ku samah gihiyekemnikis, ig awna ta gitkis: — Mmahkay yis ivegminene yihiyekemni amin mbeyevye hiyakemniki hene?

Lúkas 5:22

Ig Kiyavwiye Jesus hiyapni hene ku samah gihiyekemnikis, ig awna ta gitkis: — Mmahkay yis pukuhpaw nubohri hene?

Joawh 16:30

Kuri usuh hiyakni ku pis hiyak madikte arikna. Pis ka muwaka adahan hiyeg ayapi mmanawa pis kuwis hiyak ku pariye umawkan pit. Inneki keh usuh iha ku pis giwntakwa Kiyavwiye Uhokri.

Joawh 2:25

Ig ka muwaka pahavwi adahan akki git, ku samah hiyeg gihiyekemnikis amadgaya inin mmanawa ig kuwis hiyak kabayntiwa ku samah gihiyekemnikis.

Joawh 21:17

Ayteke nikwe ig ayavgi amamnavutne akiw: — Simawh, pis ku pariye kiyavwiye Joawh gikamkayh, ba pis batek nukakuh? Igme Pedru kavusa barukiswe ayge awaku ku samah ig Kiyavwiye Jesus ayavgi amamnavutne akiw ba ig batekwatma gikak. Ig kaytwa giwn akiw: — Kiyavwiye, pis hiyak madikte. Pis hiyakni ku nah batek pikak. Igme Kiyavwiye Jesus awna git: — Ikapnaba nudahan nuvigyanvu muwtohviyene akak nuhiyekemni.

1 Koríntyus 14:20

Nukebyuvwi, ka yi muwaka ikaw kema bakimnima ku pariye kane hiyak hawkri. In kabay adahan yis ikaw ke bakimnibe ku pariye kane hiyak ba mbaykama amadga hawkri. Heneme pukuhpanay nuwnuh kewa hiyeg kiyavwiyegbenbe.

Ebréws 4:13

Yuma ariknawnema ayemwene giw Kiyavwiye Uhokri. Aysawnemenek amawka ku wixwiy akkamnih git madikte ku pariye ukehniwiy ay amadga inin. Heneme in kuwis kahayak huwewe madikte git. In kuwis ke wotbe in mawasavit giwtrik.

Apokalípsi 2:23

Hawata akiw nah umahavenek neras ku pariye kene gukamkayuvwibe ku pariye amevenevwi hiyeg gikankis guhiyekemni. Ayge nikwe madikte Jesus gihiyegavu hiyaknek ku nahnewa hiyak ku pariye ay avit hiyeg giyaknikis ku pariye abet gihiyekemnikis. Ku pariye hiyeg keh mbayka, mbaykanewa nah ikinek gitkis.