Lúkas 9:41 - Uhokri Gahegbetawni Nukune akak Sawmus

⁴¹ Ig Kiyavwiye Jesus timapni hene, ig awna: — Aa, hiyeg taraksavye amadgayavu inin. Mmahki yis ka kamaxwa aynesnima givitit Uhokri? Aysaw akebi hawkri yimawkan nah misakwa ay yikak nah kiyaknihwa yikak he yis kamaxwa givitit Uhokri? Kuri waxwa pikamkayh ayta numkanit.

Uhokri Gannasan

⁴¹ Ig Kiyapwiye Jesus timapni henne, ig awna: ―Aa, hiyeg taraksapye amadgayapu inin. Mmahki yis kane kamaxwa aynesnima gipitit Uhokri? Aysaw akebyi hawkri yimawkan nah msakwa ay yikak nah kiyaknihwa yikak juktah yis kamaxwa gipitit Uhokri? Kuri waxwa pikamkayh ayta numkanit.

Lúkas 9:41 Iomraidhean Croise

Sawmus 78:8

Adahan igkis ka kema gahawkrivwikismanek, pahabu hiyegviyenevwi datwonavye, meksatruvye, ku pariye ka pahaynama iki gikamaxwankis givitit Kiyavwiye Uhokri. Igkis kawnata humaw ihpatrunema giwn.

Matews 11:28

Ayteke ig awna akiw: — Aytninabay numkanit, yis ku pariye yuma kit, yis mpiksewnevwi ke pahavwibe hiyuhwene awika mpiy gidatni. Ba yi ayta mayuwasa yihihwan nutuh. Nah keh yis mayak ta nuvitit.

Matews 12:39

Igme Kiyavwiye Jesus kaytwa giwnkis: — Aa, yis hiyeg amadgaya hawkri. Yis mbeyevye yihiyekemni. Yis kuwis isahkiswe giw Uhokri. Inneki keh yis kehkis annut nutuh adahan areketni nudatni yit. Pahatwowa annut akkakanek yit, ini annut ku samah Uhokri keh gikak gawneve amekene Jonas.

Matews 12:45

Ig hiyapni hene, ig awna: “Nah iwapte nukebyuvwi atan.” Ig tivik, ig iwe ntewnehker gikebikis wavityempu akiw ku pariye pi mbaytenene gihiyekemnikis giw. Ayteke nikwe igkis diyuh atere misakwa ayge givit ner awayg. Nikwe ner awayg giwskawni pi mbayte ariw pitatye. Yis hiyeg ku akak inin yis kewa ner awaygbe. Yahawkrivwi ayipa kuwis wagese gihiyekemnikis minikwak, yisme ihiwhitviyene ka amavan. Yis yuma kibeyne hiyakemniki abet yihiyekemni. Nikwe aysawnemenek in danuh yit hawata ku samah in danuhe git ner awayg. Yiwskawni pi mbaytenek ariw pitatye.

Matews 16:4

Ayteke ig awna akiw: — Aa, yis hiyeg amadgaya hawkri. Yis mbeyevye yihiyekemni. Yis kuwis isahkiswe giw Uhokri. Inneki keh yis kehkis annut nutuh adahan areketni nudatni yit. Pahatwowa annut akkakanek yit, ini annut ku samah Uhokri keh gikak gawneve amekene Jonas ku samah ig wiwhpig abetitak miyaka abet amamnampiye hawkri. Ig awna inakni, ig tivik ikiswigkis. Igkis gikannuhnivwi tivik gihapti.

Matews 17:17

Ig Kiyavwiye Jesus timapni hene, ig awna git: — Aa, yis hiyeg taraksavye amadgaya inin. Mmahki yis ka kamaxwa aynesnima givitit Uhokri? Aysaw akebi hawkri yimawkan nah misakwa ay yikak nah kiyaknihwa yikak he yis kamaxwa givitit Uhokri? Kuri waxwa pikamkayh ayta numkanit.

Matews 23:36

Henewa ig diyuhkisnek gimigkis ta yivitit yis ku pariye amedgenevwi hawkri ku akak inin. Ihanabay inakni nuwnuh. Henewatbaki ku samah nah awna yit.

Matews 3:7

Ka aynsima farizewkis gikakkis sadusewkis igkis ayta hawata adahan kaywasewnes git. Ig hiyapni hene, ig awna gitkis: — Yis hiyeg kaybunyene pahaywotneyevwi! Kiyavwiye Uhokri ka batek akak yihiyekemni kane kibeynema. Mmah yitneki ku yikewven keh Kiyavwiye Uhokri hiyavyi ke wotbe yis kibeynevwibe hiyeg giwtrik?

Markus 10:14

Igme Kiyavwiye Jesus hiyapni hene, ig ka batek. Ig himehe gikannuhnivwi ayge. Ig awna gitkis: — Isaksanabay bakimnayh igkiste aytnite numkanit. Ka yi muwaka mpitha bakimnayh. Mmanawa ku pariye hiyeg gihiyekemnikis kene bakimnibe ignesnewa ku pariye kawih Uhokri gikumadukan.

Markus 10:49

Ig Kiyavwiye Jesus timapni inakni gabiman hene, ig misekwe. Ig awna: — Wani ig ayta nutuh. Igkisme humak ner motivye. Igkis awna git: — Ka ba barukinama. Asa kannikaw. Ig humakpi.

Markus 9:19

Ig Kiyavwiye Jesus timapni hene, ig awna git: — Aa, hiyeg taraksavye amadgaya inin. Mmahki yis ka kamaxwa aynesnima givitit Uhokri? Aysaw akebi hawkri yimawkan nah misakwa ay yikak nah kiyaknihwa yikak he yis kamaxwa givitit Uhokri? Kuri waxwa pikamkayh ayta numkanit.

Lúkas 8:25

Pisenwa ig awna gitkis gikannuhnivwi. Giwn: — Mmahki yis ka kamaxwa givitit Uhokri? Igkisme avisasew, igkis wakaymnibdi gidahan. Igkis kinetihwa pawtak. Igkis awna: — Pariyeneki ner hiyeg? Ig kumaduka he mayg akak paraw. He mayg akak paraw iha giwn.

Lúkas 9:40

Nah kuwis amnihswe gitkis pikannuhnivwi ay adahan igkis pekkise ner wavitye givititak, heneme igkis ka hiya gisamanak.

Lúkas 9:42

Ig bakimni kaba danuh atere, igme ner wavitye nuwiswig akiw. Igme bakimni tuguhe ta waykborit ka ahawnasima. Ayteke nikwe ig Kiyavwiye Jesus hiyapni hene, ig himehe ner wavitye. Ig pekkiswig. Ig makniwe ner bakimni. Pisenwa ig ekkevgi ta giwakurit gig.

Joawh 14:9

Igme kaytwa giwn: — Filip, ka kuryenema nah ay yikak kuwis. Mmah yis kote hiyakunte? Ku pahavwi hiyavun, amun ini ig kuwis hiyap Wigwiy hawata. Mmah nikwe pis awna: “Uya akki Wigwiy wotuh?”

Joawh 20:27

Ayge ig awna git Tome: — Iveg nuwakuwit. Hiyawa pis uduk piwak atere kuri. Hiyawa pis uduk piwak atan numuhrikut hawata akiw. Ka muwaka tuguhkis pikamaxwan. Kamaxwanaba nuvitit.

Attus 13:18

Ayteke nikwe adahan paxnika madikwa (40) akebi kamukri igkis aynte amadga amatap. Ayge igkis tarakse ka aynsima heneme ig Kiyavwiye Uhokri kamax gidahankis.

Attus 2:40

Ayteke ig Pedru awna ka aynsima iwit akiw. Ig ikene neras hiyeg gihiyekemnikis. Giwn: — Ka ba yi misakwa kema gaytakisma neras ku pariye gitukepten Kiyavwiye Jesus. Wiwhwepnabay giwkis adahan yis isahptaw.

Romanus 2:4

Ba nawenetke pahavwi yaytak hiyapni hene, ig awna: “Awase akak. Nah ka taraksa mpiynevevyema. Ig Uhokri ka gabayisima ukak. Ig bayahminaw ariw utaraksan. Ig ka katiwnisa nutaraksan nutuh awaku ig ka giyaknisima. Ka sam nah ka miniw ariw nutaraksan.” Nukebyi, ka ba awna inakni hene. Ka ba pis hiyap ku ig ka gabayisima pikak adahan pis mara akak ini pitaraksan pis miniw ariw ini pihiyekemni?

Ebréws 3:19

In kahayak huwewe wot ku igkis ka uti ini mayeket awaku igkis ka kamaxwa givitit Kiyavwiye Uhokri.

Ebréws 4:11

Nikwe nukebyuvwi, uyay mpiksaw aharit ini mayeket ku pariye ig Kiyavwiye Uhokri kuwis ahegbete udahanwiy. Uyay avuriw ku nawenetke wixwiy ka huwit nivigkut awaku ku samah wixwiy ka ihpa giwn Kiyavwiye Uhokri ke igkisbe.

Ebréws 4:2

Mmanawa wixwiy hawata, wixwiy kuwis timap kibeyne inetit adahan isahptawka hawata ke igkisbe amekenegbenbe. Heneme igkis timapni waditnevyenen awaku ku samah igkis timapni heneme igkis ka kamaxwa nivitit.

Ebréws 7:25

Nikwe ik adahan ig parak abet uhawkanwiy takunipti avanenekwa adahan ig wawnamnihtenwiy wixwiy ku pariye danuhpiye git Kiyavwiye Uhokri givitimpi Kiyavwiye Jesus. Mmanawa ig ay adahan avanenekwa.