Lúkas 9:3 - Uhokri Gahegbetawni Nukune akak Sawmus

³ Ig awna gitkis: — Ataknay henen yiwakyekata. Ka yi muwaka atak akak yasuga, ine akak yisakola adahan yiwewni, ine akak yimana, ine akak yikakura. Yis kawnata muwaka atak akak pikanema yisimsa.

Uhokri Gannasan

³ Ig awna ta gitkis: ―Ataknay hennen yiwakyékata. Ka yi muwaka atak akak yasuga, iné akak yisakola adahan yiwewni, iné akak yimana, iné akak yikakura. Yis kawnata muwaka atak akak pikanama yisimsa.

Lúkas 9:3 Iomraidhean Croise

Sawmus 37:3

Pisme, kamaxwanaba givitit Kiyavwiye Uhokri Dehetniye kabayntiwa. Kehnaba kabayka avanenekwa. Mmanawa ku wis keh hene, wis misakwa kabayntiwa ay amadga inin, wis ax kabayntiwa yuma kiyimwiki abet uhiyekemni.

Markus 6:7

Ayteke pisenwa ig Kiyavwiye Jesus pahadguhe giwatnivwi madikawkunene gikebikis gikakkis piyananene gawnakis (l2) ta gimkanit. Ayge ig gawahkiswitnikis muwapuw. Nikwe ig gibekheptenkis piyenmempi adahan igkis atak avitit mpuse paytwempu. Ayteke ig ike kumadukaki gitkis adahan igkisme pekkiswiye wavitye givititakis hiyeg.

Lúkas 12:22

Pisenwa gawnan inakni iwit, ig Kiyavwiye Jesus awna ta gitkis gikannuhnivwi. Giwn: — Inneki keh nah awna yit, ka yi muwaka kiyimwihwa amin ariknawnema ku pariye muwekne yit amadga inin, ine amin yaxni adahan yih adehetni, ine amin yikawihni adahan yivit.

Lúkas 12:28

Egkis ivuriti he ewaktinen. Egkis waditnevyenen. Ku avim inin egkis ay amadga inin. Takuwanekme egkis yuma akiw egkis bukahevpka. Yis ka aynsima pi kavigte git Uhokri mpiy ivuriti. Ku yis hiyap ig Uhokri iki gubereswankis, yiskata akiw ig ka iki yit yikawihni akiw? Mmahki yis ka kamaxwa givitit Uhokri?

Lúkas 22:35

Ayteke ig Kiyavwiye Jesus awna gitkis madikte giwatnivwi. Giwn: — Ku samah nah awahkiswey kuhwekwa adahan yis ekkene nuwnuh ta gitkis hiyeg, nah awahkiswey makakura, masakola, makaswatni. Avim ini ba ay arikna muweke yit? Igkisme kaytwa giwn: — Kawa, Kiyavwiye. Yuma ariknawnema muwekne wotuh.

Lúkas 3:11

Igme kaytwa giwnkis: — Amnihaknay pawtak. Ku pahavwi yaytak kasimsa pikana akebi, amawka ku ig iki pahak ta git pahavwi ku pariye yumanene gisimsa. Ku pahavwi yaytak kamana, amawka ku ig iki git pahavwi ku pariye yumanene gimana. Henewatbaki ig Joawh Batista awna.

Lúkas 5:29

Ayteke ariwnteke ini ig Levi kehe axka ariku givin adahan ig kiyathene Kiyavwiye Jesus. Ayge ka aynsima ladwan gikakkis nawenyevwi hiyeg akiw ku pariye ikaka kane kibeynevwima hiyeg igkis ahegiw payak gikakkis.

Lúkas 9:4

Ku aysaw yis danuh ta avitit paha paytwempu, misakwanabay pahaygiknene ku kiney yis amavaka he ku aysaw yis pes ayteke paytwemputak.

2 Timótyu 2:4

Hawata akiw suwtat ka parak abet nawenyewatma annivwit akiw amedgene inin. Ig kehnenekwa gikivaranen gibetki akak pahatwowa gihiyekemni. Amawka ku pis hawata.