Lúkas 9:26 - Uhokri Gahegbetawni Nukune akak Sawmus

²⁶ Mmanawa aysawnemenek nah, ku pariye wageswe awayg amadgaya inin, nah aytanek akak madikte nukiytani, gikak Wigwiy gikiytani, gikakkis ahj barewvityevwi gikiytanikis. Avim ini nah marekevwe gikakkis hiyeg ku pariye marekevwevye nukakuh, ku pariye marekevwevye akka nuwnuh ta gitkis hiyeg.

Uhokri Gannasan

²⁶ Mmanawa aysawnemenek nah ku pariye wageswe awayg amadgaya inin nah aytanek akak madikte nukiythani, gikak Wigwiy gikiythani, gikakkis ahj barewpityepwi gikiythanikis. Apim ini nah marekepwe gikakkis hiyeg ku pariye marekepwepye nukakhu ku pariye marekepwepye akki nuwnhu ta gitkis hiyeg.

Lúkas 9:26 Iomraidhean Croise

Matews 16:27

Mmanawa aysawnemenek nah, ku pariye wageswe awayg amadgaya inin, nah aytanek gikakkis nuhiyegavu ahj akak Wigwiy gikiytani. Nah danuh atan, nah iki madikte hiyeg gitiwnikis pakekunawa akak ku samah gikehnikis ay amadga inin.

Matews 25:31

Ayteke ig Jesus awna gitkis: — Aysawnemenek nah, ku pariye wageswe awayg amadgaya inin, nah danuhnek atan akak madikte nukiytani, gikakkis madikte ahjnek. Pisenwa nah batnek amadga nevwi kiyatyo adahan nah hiyekne gikakkis hiyeg.

Matews 26:64

Igme kaytwa giwn: — Nahnewa ku samah pis awna. Kuri yis betebdebdih adahan yis hiyekne nukakuh. Heneme aysawnemenek yis hiyavunnek, nah ku pariye wageswe awayg amadgaya inin, yis hiyavun nah bat ayge gihumwa Uhokri detye ay amun ini iwetrit ku pariye kane nikiytanisima kihehaptak. Yis hiyavunnek nah muhuk abetimpi ukuhne inuriktak. Avim ini nahme hiyekne yikak nikwe. Henewatbaki nah.

Markus 8:38

Mmanawa aysawnemenek Nah, ku pariye wageswe awayg amadgaya inin, nah aytanek gikak Wigwiy gikiytani gikakkis ahj barewvityevwi. Avim ini nah marekevwe gikakkis hiyeg ku pariye marekevwevye nukakuh gikakkis hiyeg ku pariye marekevwevye akki nuwnuh ta gitkis hiyeg. Hiyeg amedgenevwi inin igkis kuwis isahkiswe giw Uhokri. Igkis mbeyevye gihiyekemnikis. Ka yi muwaka mara gibohrikis.

Joawh 12:43

Nikwe igkis ka ekkewkere. Gitkis pi kabayte hiyeg amadgaya inin kiyatigkis mpinekata igwa Kiyavwiye Uhokri kiyatigkis.

Joawh 5:44

Yis timepkere hiyeg amadgayavu inin adahan ignes kinetihwa yimin ku yis kibeynevwi hiyeg. Yis ka timepkere igwa Uhokri awna ku yis kibeynevwi hiyeg. Nikwe ka hiya yisma kamaxwa nuvitit.

Attus 10:22

Igkisme kaytwa giwn: — Pahavwi romanyene suwtat gikivarakis kewye kiyavwiye Kornelyu ig awahkise usuh pimin. Ig kibeyne awayg. Ig kiyatha Kiyavwiye Uhokri. Madikte judeyenevwi kabayhig. Amakohnokwa ig Kiyavwiye Uhokri awahkise pahavwi ahj gimin. Igme ahj awna git adahan ig awnasap givinwat adahan ig timepne piwn.

Romanus 1:16

Mmanawa nah ka mara akak inakni kibeyne inetit. Nah batek kinetihwa nimin. In Uhokri gidatni adahan amnihne madikte hiyeg ku pariye ihpenevwi giwn. Pitatye in kawih adahan amnihne hiyeg judeyenevwi. Kurime in kawih adahan amnihne hiyeg ku pariye kane judeyenevwima hawata.

2 Koríntyus 12:10

Nah batek nunaktin ku samah nah yuma nannuhsima. Hiyawa nah mahivwihpika, hiyawa muweke arikna nutuh, hiyawa nah hiyapkiska mbeyne nutuh, hiyawa nah matekbetepka nuhawkan, hiyawa madikte ini danuh nutuh awaku nah ay giwaku Cristo, heneme in ka sam nutuh. Nah nudukwenewa batek nunaktin. Mmanawa ku aysaw nah yuma nannuhsima nuwnteknema, ayge amun ini nikwe nah ka aynsima nannuh, mmanawa ig Uhokri ay nukakuh.

Gálatas 6:14

Nahme ka batek kinetihwa amin ariknawnema awkinenwa uvitiw. Nah batek kinetihwa aminnenwa ku samah Ukivarawiy Jesus Cristo umahkiswe amin giyakni nudukwenavrik. Ku samah ig umahkiswe amin giyakni nudukwenavrik nah ke wotbe nah aygebe daddahka payak gikak. Kuri nah ke wotbe nah kuwis miyap ariw inin hawkri ahiyekemni. Inme inin hawkri ahiyekemni in ke wotbe in kuwis miyap nuwhu.

1 Timótyu 5:21

Timotyu, nah ikene inakni hiyakemniki pit giwtrik Kiyavwiye Uhokri, giwtrik Cristo Jesus, giwtrikkis ahj barewvityevwi. Ihpanaba inakni nuwnuh kabayntiwa. Ka sam ku ig pikagmada. Kawnata sam ku ig ka pikagmadama. Ka ba mpiyasa pahavwinema gitaraksan henenwatma. Amawka pis hiyak gikakkis madikte hiyeg hehpekuye.

2 Timótyu 1:12

Nah ekkene inakni ginetni, nah hiyepne ini mbeyne nivatra. Ka sam. Nah ka mara nikak. Mmanawa nah iveg givitit ner ku kavitit nah kamaxwa. Nah kuwis ikaw madikte giwakuwit. Nah hiyakni ku ig ka gidatnisima adahan ig hiyekne nukakuh danuhte amaksemni hawkri.

2 Timótyu 2:12

Ku wis dehewnene abetnewa mbeyne gidahan, nikwe wis kumaduka payak gikaknek. Heneme ku wis wihwe giw, ig wihwepta wownek.

Ebréws 11:26

Git in kabayte adahan ig hiyap mbeyne gidahan Cristo mpinekata ig misakwa akak madikte ini igiska adahan Ejitumnaw. Mmanawa ig hiyakni ku ig daxnek gitiwni giwntekne Kiyavwiye Uhokri.

Ebréws 13:13

Nikwe uyay misakwa git avawyewa giwkis neras judeyenevwi gihiyekemnikis. Ku wixwiy kawih maraki, ka sam. Ig Kiyavwiye Jesus hawata kawih maraki ka aynsima.

Judas 1:14

Minikwak amekene Enoki kinetihwa amin ku pariye danuhnek gitkis neras hiyeg. Ig amekene Enoki ig amekene Adão gihiwhi giwenketekis ntewnehkevye gihiwhivwi. Ig kennesa ariwntak akavuska hawkri heneme kuwis ig kinetihwa giminkis, giwn: “Aysawnemenek Ukivarawiy danuhnek akak ka aynsima gihiyegavu pahabunene ayta gihapti.

Apokalípsi 1:7

Ivegnay! Ig nehmnik abetimpi ukuhne! Madikte hiyeg hiyavginek, he neras ku pariye gidaddasepten igkis hawata hiyavginek. Avim ini madikte hiyegviyenevwi amedgene inin ignes hiyapni hene, igkis kayah gitaraksankisnek igkis tih. Henewatbaki in. Ameh.

Apokalípsi 20:11

Ayteke nah hiyap pohow epti kiyatyo seyno nopsadnano. Nah hiyap pahavwi betnene ayge gumadga. Pahaye adahan waxri akak en higihwe givetunatak. In ka hiyapka akiw.

Apokalípsi 21:8

Heneme hiyeg avisatruvye gikakkis hiyeg kinisekevutnevwi, hiyeg patahwavye, hiyeg umehekevutnevwi, hiyeg mahayakemnavye, hiyeg ihamwigben, hiyeg kiyathenevwi ahehpakti batakkarad, madikte hiyeg wasaymavye, igkis madikte utinek giwetrikis abet egu tiket ahawkri ku pariye wohnenekwa adahan avanenekwa wageska payegbitaknen akak ini pisukumpiye ku pariye bixiwahnene arihri. Innebaki aveynivye miyaka.

Apokalípsi 3:5

Ku pahavwi ka isaksawnek arit wavitye gihiyekemni, nikwe ig kawihnek ini simis seyne. Nah ka mannek giw amadgatak ini kagta adahan dehetniki. Kawa. Nah awnanek gidahan aynte givetun Niguh hawata givetunkis ahj ku ig nuhiyega.