Lúkas 9:19 - Uhokri Gahegbetawni Nukune akak Sawmus

¹⁹ Igkisme kaytwa giwn: — Gaytakkis ikipi ku pis Joawh Batista kannikew akiw. Gaytakkisme ikipi ku pis amekene Eliyas. Igkisme gaytakkis hiyeg ikipi ku pis pahavwi gaytakkis Uhokri gawnevevu pitatyevwi kannikew akiw.

Uhokri Gannasan

¹⁹ Igkisme kaytwa giwn: ―Gaytakkis ikapi ku pis amekene João Batistamni. Gaytakkisme ikapi ku pis amekene Eliyas. Igkisme gaytakkis hiyeg ikapi ku pis pahapwi gaytakkis Uhokri gawnepepu pitatyepwi kannikaw akiw.

Lúkas 9:19 Iomraidhean Croise

Matews 14:2

Ig timapni hene, ig awna ta gitkis gihiyegavu: — Ke nutuhbe ignewa Joawh Batistamni. Ig kuwis kannikew akiw ariw gimiremni. Innebaki keh ig ka gannusima keh annut.

Matews 3:1

Avim ini hawkri ku samah Jesus ayge avit Nazaré, Joawh Batista tivik amadgate amatap, ayge avit Judeyamnaw. Ayge ig ekkene giwsavan Uhokri.

Markus 6:14

Avim ini hawkri ner hiyaptigi Erodis ig time gak Kiyavwiye Jesus, mmanawa giw Kiyavwiye Jesus hiyakkan muwapuw. Ig timap gaytakis hiyeg awna: — Ke wotuhbe ignewa Joawh Batistamni. Ig kannikew akiw ariw gimiremni. Inneki keh ig ka gannusima keh annut.

Markus 6:15

Gaytakisme hiyeg awna: — Ke wotuhbe ignewa amekene Eliyas. Gaytakisme awna: — Ke wotuhbe ignewa pahavwi gawneve Kiyavwiye Uhokri. Mmanawa ig kewa Uhokri gawnevevu pitatyevwibe.

Lúkas 9:18

Avim ini hawkri ig Kiyavwiye Jesus piriyepkewne ig pahapo. Igkisnewa gikannuhnivwi ayge gikak. Ayge ig ayavgikis: — Pariyeki givewkankis hiyeg ikanuh nah kuri?

Lúkas 9:20

Igme Kiyavwiye Jesus timapni hene, ig awna gitkis: — Ya yis. Mmahpa yis ikanuh kuri? Igme Pedru kaytwa giwn: — Pis Cristo, pis Uhokri gikanyan adahan ukumaduketni.

Joawh 1:21

Igkis timapni hene, igkis awna: — Pariyenekap nikwe? Ba pisnewa amekene Eliyas kannikaw akiw? Igme kaytwa giwnkis: — Kawa. Nah kawnata amekene Eliyasma. Igkisme awna: — Ba pisnewa ner Uhokri gawneve ku kamin minikwak amekene Moís kinetihwa ku ig awahkiska atanek? Igme kaytwa giwnkis: — Kawa. Nah kawnata ignema.

Joawh 1:25

Ayge nikwe igkis ayavgi: — Ku pis ka Cristoma, ku pis ka amekene Eliyasma, ku pis kawnata Uhokri gawnevema, kariwntak pis uti pikumadukan adahan pis kaywa hiyeg? Ba piwnteknewa?

Joawh 7:40

Ka aynsima gaytakis neras fetyavu igkis timapni inakni iwit hene, igkis awna: — Ig Uhokri gawneve.

Joawh 9:17

Igkis kavusa ayapte ner makniwtinene ariw gimotpen. Igkis ayavgi: — Ya pis? Mmahpa ig pit, ner awayg ku pariye piviyhetni? Igme kaytwa giwnkis: — Nutuh ig Uhokri gawneve.