Lúkas 9:11 - Uhokri Gahegbetawni Nukune akak Sawmus

¹¹ Heneme ku aysaw hiyeg time gak ku ig kuwis tivik, igkis haraksevgikis. Igkis danuh atere, ig amavigkis kabayntiwa. Ig kinetihwe gitkis amin Uhokri gikumadukan. Ig makniwene madikte hiyeg ku pariye amnihswenevwi git.

Uhokri Gannasan

¹¹ Henneme pase hiyeg timé gak ku ig kuwis tipik, igkis harakseprikis. Igkis danuh atere, ig amapigkis kabayhtiwa. Ig kinetihwa gitkis gimin Uhokri gikumadukan. Ig makniwe madikte hiyeg ku pariye amnihswenepwi git.

Lúkas 9:11 Iomraidhean Croise

Matews 12:15

Igme Kiyavwiye Jesus hiyak ku pariye gikehnikis. Ig hiyapni hene, ig tivik ariwntak ini iwetrit. Ka aynsima hiyeg kuruwnene gihavu butte. Ayge ig makniwe madikte ku pariye kakahribdavye.

Matews 14:14

Igme Kiyavwiye Jesus sarayhwe atere waxrihpakat. Ayge ig hiyap ka aynsima hiyeg kabubuknakis. Igkiskit danuh giw atere. Ig hiyapni hene, ig kayah gidahankis. Ig amnihpigkis ig makniwe madikte hiyeg kakahribdavye.

Matews 21:31

Kuri nah ayavyi. Pariyeva gaytakkis igkis piyananene gikebikis kehe gig gibetki? Igkis judeyenevwi giwewkistenkis kaytwa giwn: — Ner gikamkayh eggutye. Ayteke nikwe ig Kiyavwiye Jesus watekbete inakni iwit patuwesbuhka gidahankis. Ig awna: — Ka aynsima hiyeg ku pariye yis iki kane kibeynevwima, ka aynsima tinogben powkemnavyo egkiskit kawih Uhokri gikumadukan yiwnek. Ihanabay inakni nuwnuh.

Matews 21:43

Inneki keh nah awna yit ku Uhokri gikumadukan iwepka yiwnek yis hiyeg judeyenevwi, in ikepkanek ta gitkis nawenyevwi hiyegviyenevwi akiw ku pariye ikewnevwi Uhokriyanbetnewa.

Lúkas 1:53

Ig iki ka aynsima kabayka gitkis hiyeg ku pariye kayehnevwi ku pariye gimawkanitnenes giwntak Kiyavwiye Uhokri. Heneme ig ka iki ariknawnema gitkis hiyeg ku pariye ikewnevwi ku yuma arikna muwekne gitkis.

Lúkas 5:31

Ig Kiyavwiye Jesus hiyapni hene, ig kaytwa giwnkis. Ig awna ta gitkis: — Hiyeg kane kibeynevwima ignes kewa hiyeg kakahribdavyebe. Igkis muwaka pahavwi ayta amnihgikis. Ignesme hiyeg makniwyevwi ignes ka muwaka mekseh. Ignesme hiyeg kakahribdavye igkis muwaka mekseh.

Lúkas 8:1

Ayteke ariwnteke ini ig Kiyavwiye Jesus mpiye muwapuw avuwiw paytwempu nopsadmin, avuwiw paytwempu nopsanyupnene akiw. Ayge ig kinetihwene amin Uhokri gikumadukan. Igkisme giwatnivwi madikawkunene gikebikis gikakkis piyananene gawnakis (12) igkis atak gihapti.

Lúkas 8:10

Igme kaytwa giwnkis: — Hiyeg amadgayavu inin kote hiyakte ku samah Uhokri gikumadukan. Yisme Uhokri akkamnihni ta yitnek. Igkisme ka akkaka ta gitkis. Ta gitkis nah awna patuwesbuhkanen iwit. Hiyawa igkis iki gitewkis nimkanit kabayntiwa heneme ka paduk ta abetit gihiyekemnikis. Hiyawa igkis ataybiswa nit kabayntiwa heneme igkis ka pukuhin.

Lúkas 9:10

Ig Kiyavwiye Jesus giwatnivwi igkis pisenwa gannivwikis, igkis diyuhe ta gimkanit. Igkis danuh atere, igkis ekke git madikte ku pariye gikehnikis. Ayteke ariwnteke ini ig iwevgikis adahan igkis tivikwiyes gihapti igkiswonas hanpa arimkanit paha paytwempu kewye Betsayda.

Lúkas 9:12

Ayteke ariwnteke ini wahanbuku kamuw, igkis giwatnivwi danukwa atere git. Igkis awna git: — Kiyavwiye, inin iwetrit yuma hiyeg misekwene ay. Wani neras hiyeg tivik adahan igkis ivegva giwetrikis adahan igkis isimwi gimanakis atere. Ik adahan gaytakkis atak ta gitkis was akivara. Gaytakkisme atak tahan paytwempuwit.

Lúkas 9:2

Ig awahkiswigkis muwapuw adahan igkis kinetihwenes amin Uhokri gikumadukan hawata adahan igkis makniwenes hiyeg.

Joawh 4:34

Igme awna gitkis: — Nah kehne nawahkisten gibetki, ini iki nawaygi ke numanabe. Nah kehne gannivwi, in humaw ke numanabe nutuh.

Joawh 6:37

Ignesme ku pariye Uhokri gikan nutuh igkis kamaxwa nuvititnek. Igkis ku pariye kamaxwevwi nuvitit nah ka tukuhgikisnek aynesnima.

Attus 28:31

Ig kinetihwene gitkis amin Uhokri gikumadukan gimin Kiyavwiye Jesus Cristo. Ig kinetihwene gitkis hiyeg akak madikte giboka. Yuma hiyeg mpithig ayge.

Romanus 10:14

Heneme ku hiyeg ka kamaxwa givitit Cristo, nikwe ignes ka hiya igkisma amnihswa git. Hawata akiw ku igkis ka kinetni gak, nikwe igkis ka hiya igkisma kamaxwa givitit. Hawata akiw ku pahavwi ka kinetihwa gitkis gimin, nikwe igkis ka hiya igkisma kinetni gak.

Romanus 10:17

Ka sam. Amawka ku hiyeg kinetni gak Cristo kahadbe ignes ik adahan igkis kamaxwa givitit.

Romanus 15:3

Mmanawa igwa Cristo ka keh kabayka gidahanenwatma. In henewa ku samah Uhokri gannasan awna. In awna: — Niguh, nah amava ta nuvitit madikte ini mahivwihka ku pariye hiyeg awna pimin. Henewatbaki ig Uhokri gannasan awna.

2 Timótyu 4:2

Akkanaba Kiyavwiye Uhokri giwn gitkis madikte hiyeg. Misakwanaba ahegbet adahan ekkene giwn takunipti muwapuw. Akkiniba ku aysaw in ka mahikonema pit adahan pis akkin. Akkiniba hawata ku aysaw in mahiko pit adahan pis akkin. Kehnaba hiyeg kayah gitaraksankis. Akki gitaraksankis gitkis. Iki gihiyekemnikis gitkis. Avanenekwa kiyaknihwa gikakkis. Avanenekwa kannuhnigkis amin Uhokri gihiyekemni.

Ebréws 4:16

Nikwe uyay kibokahwa danukwa git Kiyavwiye Uhokri takunipti. Uyay ka muwaka mara danukwa kennesa gihumwat ku kiney ig betnene amadga gevwi ig hiyapkisne gabay wotwiy. Ayge wixwiy uti amnihkanek. Ayge ig ikene wawaygiy ku aysaw wixwiy yuma udahanwiy wawaygiy.