Lúkas 9:10 - Uhokri Gahegbetawni Nukune akak Sawmus

¹⁰ Ig Kiyavwiye Jesus giwatnivwi igkis pisenwa gannivwikis, igkis diyuhe ta gimkanit. Igkis danuh atere, igkis ekke git madikte ku pariye gikehnikis. Ayteke ariwnteke ini ig iwevgikis adahan igkis tivikwiyes gihapti igkiswonas hanpa arimkanit paha paytwempu kewye Betsayda.

Uhokri Gannasan

¹⁰ Ig Kiyapwiye Jesus giwatnipwi igkis pisenwa gannipwikis, igkis diyuhe ta gimkanit. Igkis danuh atere, igkis akki git madikte ku pariye gikehnikis. Ayteke ariwnteke ini ig iweprikis adahan igkis tipikwiyes gihapti igkiswonas hampa arimkanit pahá paytwempu kewye Betsayda.

Lúkas 9:10 Iomraidhean Croise

Matews 11:21

Ig awna: — Akayih. Aysawnemenek ka aynsima mbayka ay yidahannek yis hiyeg paytwempuyenevwi Korazih. Hawata ka aynsima mbayka yidahannek yis paytwempuyenevwi Betsayda. Mmahkay yis ka wageskere yihiyekemni? Wake nah kehbe inwata nannuhbe aynte avit paytwempu Tiru akak Sidoh, ku samah nah keh ayge yibet, nikwekam igkis paytwempuyenevwi mbayavye gihiyekemnikis igkis ayipakam kayehe gitaraksankis, ayipakam igkis wagese gihiyekemnikis. Igkis kawihminawkam akak sak kasiwboye, igkis padakkam tiket ahewra gitewharitkis adahan areketni giwakemnikis.

Markus 2:7

— Mmahki ner awayg awna inakni hene? Yuma pahavwinema hiyeg hiya ubayamnihkawiy ariw utaraksanwiy. He ignenwa Kiyavwiye Uhokri hiya ubayamnihkawiy. Ig miyathene Kiyavwiye Uhokri ku samah ig awna inakni hene.

Lúkas 10:17

Ayteke ariwnteke ini igkis giwatnivwi ntewnehkernene madikwa gikebikis gikakkis piyananene gawnakis (72) igkis diyuhe ta git Kiyavwiye Jesus akiw. Igkis batek ginaktinkis ka aynsima. Igkis awna git: — Kiyavwiye, he wavityempu iha wownuh ku aysaw usuh pekkiswigkis piwavrik.

Joawh 1:44

Ig Filip ariwntak paytwempu Betsayda, ku kiney Andre gikak Simawh misakwa.

Ebréws 13:17

Ihpanay giwnkis neras yiwewkisten. Kumadukasawnay gitkis. Mmanawa igkis akavriwten yihiyekemni. Aysawnemenek igkis akkaw git Kiyavwiye Uhokri madikte ku samah igkis avuriwyi. Ku yis iha giwnkis, igkis avuriwyi akak batekka. Heneme ku yis ka iha giwnkis, igkis avuriwyi akak kadniki. Mmanawa ku yis ka iha giwnkis, nikwe inakni giwnkis ka ayavay aynesnima.