Lúkas 9:1 - Uhokri Gahegbetawni Nukune akak Sawmus

¹ Ayteke ariwnteke ini ig Kiyavwiye Jesus pahadguhe giwatnivwi madikawkunene gikebikis gikakkis piyananene gawnakis (12). Ayge ig ike gannukis givititkis adahan igkisme makniwenes hiyeg ariw gikahrikis. Hawata ig ike kumadukaki gitkis adahan igkisme pekkiswiyes wavitye givititakis hiyeg.

Uhokri Gannasan

¹ Ayteke ariwnteke ini ig Kiyapwiye Jesus pahadguhe giwatnipwi madikawkunene gikebyikis gikakkis piyana gawnakis (12). Ayge ig iké gannukis ta gipititkis adahan igkisme makniwnes hiyeg ariw gikahrikis. Hawwata ig iké kumadukaki gitkis adahan igkis pekkiswiyes wapitye gipititakkis hiyeg.

Lúkas 9:1 Iomraidhean Croise

Matews 16:19

Hawata akiw pis humaw kewa ini payt akavriwtenbe. Ku aysaw payt akivara tivikwiye ig iki payt arakavig ta giwakurit payt akavriwten. Nah hawata aysawnemenek nah keh pis humaw giwewkistenkis neras ku pariye kumadukasewnevwi ta git Uhokri. Avim ini pis awna nuwntakwa. Ku pariye pis wanekbete ahawkan ay amadga inin, ayta inuriktak hawata wanekbetnata nihawkan. Hawata akiw ku pariye pis watekbete ahawkan ay amadga inin, ayta inuriktak hawata watekbetnata nihawkan.

Matews 4:24

Madikte hiyeg kinetni gak muwapuw ay Siriyamnaw. Inneki keh igkis hiyegviyene waxwave git madikte kakahribdavye, neras ku pariye akak arakembet karayt, akak kayahwaki, neras ku pariye wavityewnavye, nuwiskawenpiye, datpuwavye, igme makniwavevgikis madikte.

Matews 8:9

Nah hiyak mmanawa nah hawata nah kakivara. Nah hawata nah kumaduka nawenyevwi suwtat akiw. Ku nah awna ta git pahavwi: “Su tivik” ig iha nuwnuh ig tivik. Ku nah awna ta git pahavwiwa akiw: “Ba ayta” ig iha nuwnuh ig ayta. Ku nah kawatni nubukuh, ig hawata ig iha nuwnuh.

Lúkas 10:1

Ayteke ariwnteke ini ig Kiyavwiye Jesus kaniy nawenyevwi hiyeg akiw adahan igkis humaw giwatnivwi. Igkis ntewnehker madikwa gikebikis gikakkis piyana gawnakis (72). Ig gibekheptenkis piyenmempi adahan igkis atak avitit mpuse paytwempu pitati gavit.

Lúkas 10:19

Kuri yis hiyak ku samah nah iki yit ka aynsima kumadukaki. Yis ik adahan yis sibuh kaybune akak akuw. Nah keh yis pi datte giw ner nuvetunya Satanas. Ig ka hiya yisamanak.

Joawh 14:12

— Ku pahavwi kamaxwevye nuvitit, igi keh annut hawata ke nahbenek. Ig kehte annut nuwhu akiw awaku nah tivik git Wigwiy.

Attus 1:8

Ka sam. Wahapnay ini nukaksan yit. Aysawnemenek yis darih Kiyavwiye Uhokri gannu yivititnek avim ini ku aysaw ig Gitip kawihyi. Ayge nikwe yis humaw inetitkekne nudahanek gitkis hiyeg muwapuw. Yis humaw inetitkekne nudahan ay avit inere paytwempu Jerusalém, ay avitiw inin waxri judeyamnaw, aynte avitiw ini waxri piyawekbetave Samariyamnaw, pisenwa muwapuw amadga wayk he danuhe amaksemni paytwempu.

Attus 3:16

Ignewa Kiyavwiye Jesus makniwe ner awayg. Igme gikamaxwan givitit Kiyavwiye Jesus keh ig makniw. Yis hiyak ner awayg. Yis hiyapnig ku samah ig ku avim inin. Ininewa gikamaxwan givitit Kiyavwiye Jesus ininewa keh ig makniw kabayntiwa ay yiwtrik.

Attus 4:30

Uya sarayh piwak adahan pis piyih kakahribdavye. Uya iki pannu uvitit giwntak pikamkayh barewvitye Kiyavwiye Jesus adahan areketni pidatni kahadbe madikte hiyeg wakaymni gidahan.

Attus 9:34

Ig Pedru hiyapni hene, ig awna git: — Kiyavwiye Eneyas, ku avim inin Jesus Cristo makniwpi. Kannikaw kuri. Minah piwetri. Ig timapni hene, aynewa ig kannikew.