Lúkas 8:32 - Uhokri Gahegbetawni Nukune akak Sawmus

³² Ayge pahabunene pakirempu axwenekis avit paha waxri imuwadnene. Igkis wavityempu hiyapni hene, igkis aya git Kiyavwiye Jesus: — Uya awahkise usuh tahan givuwitkis pakirempu. Isaksa usuh parak atere givititkis. Igme Kiyavwiye Jesus isaksevgikis.

Uhokri Gannasan

³² Ayge pahabunene pakirempu axwenekis apit pahá waxri imuwadnene. Igkis wapityempu hiyapni henne, igkis ayá git Kiyapwiye Jesus: ―Uyá awahkis usuh tahhan gipuritkis pakirempu. Isaksanaba usuh parak atere gipititkis. Igme Kiyapwiye Jesus isakseprikis.

Lúkas 8:32 Iomraidhean Croise

Sawmus 62:11

Pahaynewata akiw nah timap Kiyavwiye Uhokri awna ku gidatni in gidahan.

Matews 7:6

— Kuwis nah ekke yit kibeyne hiyakemniki. Ku yis ka amevekere inakni hiyakemniki, yis ikaw ke pahavwibe ku pariye ka amevekere kibeynewa axka, ig padekwin git pewru. In ke wotbe yis padeknebe barewye akabdat ta git pakir. Igme pakir ka hiyak ku pariye barewka ig sibuhbetepni, ayteke ig wageswa yimin ig kagehpey. Nikwe battukawnabay adahan yis wew avigkut inakni hiyakemniki avanenekwa. Ku ka henema, yis uti mbaykanen.

Lúkas 8:31

Ayteke neras wavityempu amnihswe git Kiyavwiye Jesus akiw. Igkis awna git: — Ka ba arewepma wotuh awahkiswima usuh ta arimkat miyaravye giwetrikis.

Lúkas 8:33

Ayteke nikwe igkis wavityempu pesbetwikis givititak ner awayg. Igkis pareke givititkis ignes pakirempu. Igkisme pakirempu sigisbetwikis ta asebrikute. Igkis tubohbetwikis ta ahakwate mahakwa. Ayge igkis aniksewbet.

Joawh 19:11

Igme Kiyavwiye Jesus awna git: — Kiyavwiye, igwa Kiyavwiye Uhokri inurikyene iki pit ini pidatni adahan pis nudaddahkisepten. Igme ner ku pariye nudaddahkiswitni pit, igi gitaraksan ka aynsima mbayte ariw pitaraksan, mmanawa giwnteknewa ig daddahkiswen.

1 João 4:4

Wixwiyme ka henema, nukamkayuvwi. Wixwiy uhiyekemniwiy giwntakwa Kiyavwiye Uhokri. Nikwe wixwiy awaygye gitivutkis neras Cristo givetunyavu. Mmanawa ig ku pariye ay uvitwiy ig awaygte giw ner ku pariye ay givitkis neras hiyeg kane Uhokriyanvuma.

Apokalípsi 20:7

Ariwnteke ini madikawkuvutnene madikawku madikwa (1.000) akebi kamukri, nikwe ig Satanas isahkiskanek ariwntak ini parakseket.