Lúkas 8:30 - Uhokri Gahegbetawni Nukune akak Sawmus

³⁰ Ig amnihswene atere git Kiyavwiye Jesus, igme ayavgi: — Mmah piw? Igme kaytwa giwn: — Nuwhu “Pibohram”. Ig awna inakni iwit awaku ka aynsima wavityempu ay givit.

Uhokri Gannasan

³⁰ Ig amnihswene atere git Kiyapwiye Jesus, igme ayapri: ―Mmah piw? Igme kaytwa giwn: ―Nuwhu “Pibohram”. Ig awna inakni yuwit awaku kaayhsima wapityempu ay gipit.

Lúkas 8:30 Iomraidhean Croise

Matews 26:53

Mmah pis ka hiyaknima ku, wake nah ayavasawbe ta git Niguh, ig awahkiskam numinuh kurinewatkam ka aynsima ahj adahan numaptenten?

Matews 4:24

Madikte hiyeg kinetni gak muwapuw ay Siriyamnaw. Inneki keh igkis hiyegviyene waxwave git madikte kakahribdavye, neras ku pariye akak arakembet karayt, akak kayahwaki, neras ku pariye wavityewnavye, nuwiskawenpiye, datpuwavye, igme makniwavevgikis madikte.

Matews 8:29

Igkis danuh atere git Kiyavwiye Jesus, igkis kabiman git. Igkis awna: — Pis Uhokri gikamkayh. Pariye pikehni ukakuh ku avim inin? Mmah pis ayta womkat adahan hiyapkiswiye mbeyne wotuh? Kote uhawkanavrikma adahan usuh hiyapkiska mbeyne wotuh.

Markus 16:9

Ig Kiyavwiye Jesus kannikew hawkanawa paka abet. Ig hiyapkiswe pitatye ta gut kiyavuno Mahi Madalena. Eg nor ku kavititak minikwak ig ivuke ka aynsima wavitye guvititak, ntewnehker gikebikis. Ayge ig hiyapkiswe gut.

Markus 5:9

Ayteke nikwe ig Kiyavwiye Jesus ayavgi: — Mmah piw? Igme kaytwa giwn: — Nuwhu “Pibohram”. Mmanawa usuh wavityempu ka aynsima ay givit.

Lúkas 8:2

Tinogben danuhpanos payak gikak egkis hawata. Egkis noras ku kavititak ig kuwis pekkise wavitye gukakkis noras ku pariye ig makniwe ariw gukahrikis. Pahavu tino ayge gaytakkis ku kavititak minikwak ig pekkise ka aynsima wavityempu, ntewnehker gikebikis wavitye. Guw Mahi Madalena.

Lúkas 8:29

Ig awna inakni iwit hene mmanawa ig Kiyavwiye Jesus kuwis pekkiswiye ner wavitye mbeyevye ayteke givititak ig awayg. Ka aynsima hawkri kuwis ig wavitye keh ig awayg nuwiskewempiye. Ig awayg wanakminepka inpawa kuwis. Gibagwan akak giwan wanakminepka akak xen hawata akak sivari. Heneme ig matisbetepni madikte. Ayteke ner wavitye keh ig sigis ta abetit imewti.