Lúkas 8:25 - Uhokri Gahegbetawni Nukune akak Sawmus

²⁵ Pisenwa ig awna gitkis gikannuhnivwi. Giwn: — Mmahki yis ka kamaxwa givitit Uhokri? Igkisme avisasew, igkis wakaymnibdi gidahan. Igkis kinetihwa pawtak. Igkis awna: — Pariyeneki ner hiyeg? Ig kumaduka he mayg akak paraw. He mayg akak paraw iha giwn.

Uhokri Gannasan

²⁵ Pisenwa ig awna gitkis gikannuhnipwi. Giwn: ―Mmahki yis ka kamaxwa ta gipitit Uhokri? Igkisme apisasew, igkis wakaymnibdi gidahan. Igkis kinetihwa pawtak. Igkis awna: ―Pariyeneki ner hiyeg? Ig kumaduka juktah mayg akak paraw. Juktah mayg akak paraw iha giwn.

Lúkas 8:25 Iomraidhean Croise

Matews 14:31

Aynewa ig Kiyavwiye Jesus tarak giwak ig sumuhpig. Ig awna git: — Awayg avisatruvye. Uhokri ik adahan pis kamaxwa givitit. Mmahki pis pukuhpaw?

Matews 17:20

Igme kaytwa giwnkis: — Awaku yis ka kamaxwa givitit Uhokri kiyesradima. Ihanabay inakni nuwnuh. Wake yis kamaxwabe givitit aynesnibe akiw, nikwekam madikte yayapni humaw yitkam. Hiyawa yikamaxwan aynesa kewa paha “mostad” ayakbe in nopsesa, heneme yayapni humaw yit. Yis ikkam adahan yis awna ta arit inin waxri imuwadnene: “Waxri, pis higihwa ayteke. Su tahan atere.” Ku aysaw yis awnakam inakni, in higihwakam ayteke. Nikwe yuma mahikoki yidahan.

Matews 6:30

Egkis ivuriti he ewaktinen egkis waditnevyenen. Ku avim inin egkis ay amadga inin. Takuwanekme egkis yuma ay akiw egkis bukahavepka. Yis ka aynsima pi kavigte git Uhokri mpiy ivuriti. Ku yis hiyap ig Uhokri iki gubereswankis, yiskata akiw ig ka iki yit yikawihni akiw? Mmahki yis ka kamaxwa givitit Uhokri?

Matews 8:10

Ig Kiyavwiye Jesus timapni inakni hene, ig wakaymni ka aynsima. Ig awna ta gitkis neras ku pariye kane aynsima gihavu butte. Giwn: — Ner suwtat kane izhaewyenema ig pi kamaxwate ta nuvitit mpiya madikte nukebyuvwi izhaewyenevwi. Nah ka hiyapti pahavwinema izhaewyene gikamaxwan kema nerma. Henewatbaki in.

Matews 8:26

Igme kaytwa giwnkis: — Yis awaykemni avisatruvye! Mmahki yis ba yavisatrun? Uhokri ik adahan yis kamaxwa givitit. Ayteke ig kannikaw ig himehe mayg akak paraw. Aynewa madikte kariswehwe.

Markus 4:35

Abetnewa ini hawkri aygete kuwis, ig Kiyavwiye Jesus awna ta gitkis gikannuhnivwi. Giwn: — Uyay manuke ta pahabakaytak mahakwa. Igkisme kaytwa giwn: — Uyay.

Lúkas 12:28

Egkis ivuriti he ewaktinen. Egkis waditnevyenen. Ku avim inin egkis ay amadga inin. Takuwanekme egkis yuma akiw egkis bukahevpka. Yis ka aynsima pi kavigte git Uhokri mpiy ivuriti. Ku yis hiyap ig Uhokri iki gubereswankis, yiskata akiw ig ka iki yit yikawihni akiw? Mmahki yis ka kamaxwa givitit Uhokri?

Lúkas 8:24

Igkis gikannuhnivwi hiyapni hene, igkis atere wadise Kiyavwiye Jesus. Igkis awna git: — Kiyavwiye. Kiyavwiye. Wixwiy me biyukapmet! Ig timapni hene, ig kannikew ig himehe mayg akak paraw. Aynewa madikte kariswehwe. Paraw mavawanew.

Lúkas 8:26

Ayteke pisenwa igkis hamah ta pahambakat ariw Galileyamnaw. Igkis minehwe atere avit hiyeg jerasayenevwi giwaxigkis.

Joawh 11:40

Igme awna gut: — Ka ba pis tima ku samah nah kuwis awna pit: “Ku pis kamaxwa nuvitit, nikwe Kiyavwiye Uhokri hiyapkis gikiytani pit”? Ihpanaba inakni nuwnuh.